Jone 18:28 - Anatunya Buku Baepole Ole Testamene Pii Lapo dee Nuu Tesamene

²⁸ Dokopa wamba kukwa Kayapasana anda doko kaepala Yesu lanyuo kyapona kote singi anda dokona peyami. Nakama rangeme Juu wambunya yulu suu pyao namwa elyape ingya naramosa Pasopa nenge kapa naa nasarama lapala kyapona kote singi andakare dokona paa nayami.

Jone 18:28 ပူးပေါင်းရင်းမြစ်များ

Poropepe 1:16

Yulu koo pinya kambu nakepanyi nembo pyaraminyi dokonako suu pyaro karaminyi.

Maeka 2:1

Wambu luu palenge rate dokona piso yulu koo dopa pirama lao lao palyuo piso pilyaminyi dupwa nakama ingi rando pakarami. Yuu yangaramo dokopa nakama mende pirama lao lao palyaminyi dokona pilyaminyi.

Matyu 27:27

Dokopa kyapo mupwa dokona yanda singi dupwame Yesu kyapona anda andakare lanyuo pao yanda singi yango dupwa peparae epena leyami. Lapala baa nyuo sukusa pyambuyami.

Make 15:16

Yanda singi maiyamo dusipame baa kyapo mupwana anda kamapi sukusa lanyuo peyami. Papala yanda singi dupwa peparae epena leyami.

Luku 22:66

Yuu yangeyamo dokopa purisi akali mupwa dupwape Mawa Pii mana lenge akali dupwape mee wambu dupwana kamongo dupwape epo sukusa suksua piyami. Pipala nakamame wato andake lenge panda dokona minyuo pao,

Jone 11:55

Dokopa Juu wambunya Pasopa nenge nenge gii doko pyaka selana piyasa wambu malu yuu nemba nemba karo Jerusaleme dokona lalyuo Pasopa nenge napa nayaminyi dokopa range poo pyalana lao peyami.

Jone 18:13

Puu maipala Anasa kareyamo dokona lanyuo peyami. Anasa baa Kayapasana imwange ingyuo kareyamopa Kayapasa baame ee kana dokona purisi mupwa ingyuo kareyamo dokona Anasa dokona wambo lanyuo peyami.

Jone 18:15

Saimone Pita disaepole mendepa Yesu peyamo dokona mata pyao peyambi. Disaepole mende doko purisi mupwa wakasa dokome kandenge dokona baa purisi mupwa dokona anda kamapi sukusa kapa peya.

Jone 18:33

Pailateme kyapona kote singi anda dokona dee papala Yesu epena lapala, Emba Juu wambunya Kiŋisi? lamaiya.

Jone 18:39

Dokoko doŋo nakamana yulu mende singi kandale doko nenge Pasopa nenge gii dokopa akali mendaki namba mokwakapa pingi. Doko suu pyao Juu wambunya Kiŋi doko mokwakapili lao suu pilyamisi? leya.

Jone 19:11

Yesumi baa isingi lamaiyuo, Embame namba kando mende suu pilyu ote lao kapa piro lao karene renge porai doko Ketaerena dokome emba jii napyali doko embame mende piri ingya napyali. Dokona namba nyuo emba jipyamo akali doko koo wakasa pipya ingilyamo.

Jone 19:14

Pasopa nenge narama lao rapa rapa pingi andawai korokama towalo keloke ingyuowale gii doko pyaka siya. Baame Juu wambu dupwa lamaiyuo, Dake nakamana kiŋi akali, leya.

Jone 19:9

Pakapala kote singi anda dee kolando papala Yesu lamaiyuo, Emba anja karo epee? leya. Dopa leyamopa Yesumi isingi mende laa naya.

APOSELENA YULU 10:28

Kandapala baame nakama lamaiyuo, Juu akali dupwame rara wakalena anda papala role pyao kara nange doko nakamana yulu pinginyili pyuo mawa pii mende palamo doko nakama range silyaminyi leya. Dopa lao mawa pii palipyamopape Anatumi Juu daa rara wakale dupwa elyape daa laa napipi lao namba lasaka piya.

APOSELENA YULU 10:32

Dokona akali Saimone lenge banya kingi mende Pita lenge baa Jopa dokona kotala pena laa. Baa akali mende Saimone lenge mena yanenge elya pingi akali dokona anda ipwa maronge repeta karamo dokona upunili ingyuo palamo leya.

APOSELENA YULU 11:3

Yanenge kaloma nange akali lapona anda dokona papala emba nakama role pyao nenge nao peteyami doko akipamo piyami? leyami.

APOSELENA YULU 3:13

Aporakamemoo Aisake Jekope namwana rakange kyawa dupwamoo nakamana Anatu dokomeko banya Yulu Pingi akali Yesu doko yanga paupau lanyi pyambuya. Nakamame Yesu nyepala Pailate maiyaminyipa baame Yesu mokwaro lao suu piyamopape nakamame Pailatena lenge kambu dokona mata maiyami kande.

APOSELENA YULU 4:27

Doko suu pyao embena Yulu Pingi akali poo pyasi Yesu emba rombo palyii doko yuu dakena wambu dupwame malu palyuo nengyango lao kareyami. Erotemoo Pondiasa Pailatemoo wambu rara wakale dupwape Isaraele wambu dupwape nakama mendakinya palyuo,