Jone 17:13 - Anatunya Buku Baepole Ole Testamene Pii Lapo dee Nuu Tesamene

¹³ Dopa pipyamopape epapu emba karene dokona epelyo. Doko nambana mona pyakalyuo pingi renge doko nakama keta palena lapala pii dapwa isa yuu dakena lao karo.

Jone 17:13 ပူးပေါင်းရင်းမြစ်များ

Niyamaya 8:10

Dokopa Esera nakama lamaiyuo, Nakamana anda wakale wakale keyange papala nenge dupwa nao waene ipwange rende pingi doko nao dee wambu dolo nenge rapa rapa pii nayami dupwa mokwa soo maiyuo pyuo pupwale. Renge doko yuu gii dake namwana Kamongopa poo pyasi ingyuo silyamo dokona yamarangyuo ee laa nalapape. Kamongona rae maingi renge dokome nakama porainyi pyambwara, leya.

Samu 126:5

Dokona lao ee pipya karo ee waingi warapiyami dupwa manjo nao karo dokopa rae mainyale.

Samu 43:4

O Anatu, enakana namba embena kana pyare laro karenge dokonaparo. Emba keta nambana mona pyakalyuo pyao rae maingi renge potemo epenge. Anatu, nambana Anatu, nambana rambyalu lao kenane pyao emba lakandaro.

Jone 13:3

Dokopa Yesu Rakaneme yulu peparae kingi rakana palyakayamopa karo epapala dee Anatu karamo dokonako parolyamo lao soo gisiya.

Jone 15:11

Nambana rae maingi renge doko nakama keta palyuo simbwaramopa parami dokona lao pii renge dusipa polo langyalono.

Jone 16:33

Nambana arapu dokona kararami dokome nakama mona kui lao sinya lapala pii doko langyalono. Yuu dakena karo randa narami. Nambame isa yuu dake anamasi minyuo karo doko kandapala mona kuki palyuo karalapape, leya.

Jone 17:11

Epapu isa yuu dakena angi ingyuo kara nalopono. Kara napala emba karene dokona eparo ingyapyamopa nakama isa yuu dakena karaminyi. Rakane poo pyasi embena kingi porai renge paleta lasi namba keta jiinyi dokome nakama kyawa minyuo karape. Minyuo kararenepa nambwa mendaki ingyuo karambano doko suu pyao nakama opetae mendaki ingyuo karenale.

Jone 3:29

Akali enda nyera ingilyamo doko nyera. Dokopa banya andare dokome banya pii soo raerae minyuo karenge doko suu pyao namba epapu raeme kumuo karo.

Jone 7:33

Dokopa Yesu dopa leya. Yuu mendasipa iki dee nakama pipya kararama. Karapala namba mapanyi peeyamo karamo dokona paro.

APOSELENA YULU 13:52

Peyambinyipa disaepole dupwa Imambu Poo Pyasi palyuo simbuyamopa raeko maiyuo kareyami.

Orome 14:17

Pii doko Anatunya isingi yulu doko nenge nao ipwa nao pirami dopale daa. Isingi yulu doko rolae pingi yulupi mona kyuu lao singipi rae maingi rengepe dusipa Imambu Poo Pyasimi jingi.

Galasia 5:22

Dopa pipyamopape Anatunya Imambu yulu keyange paleta epenge. Mona retengepe rae maingipi mona kyuu lao singipi mee elya kalo karengepe anjiki pingipi keyange renge palengepe mondo lao pyuo karengepe dusipa baa keta ando epenge.

Ipuru 12:2

Yesumi namwana Kurisene kata doko wapwakapala namwa dokonako lanyuo puu para doko baa kandaro soo monale. Baame isa mamando nyerolyamo lapala kaeyande daa. Enakana rae maiyuo kararo lao suu pyapala baa elya napala isa mamando dokona mona kuki palyuo peya. Dopa pyuo piyamopa Anatumi baa nyuo ketae pyambwapala banya kingi rolae dorena pisapyamopa epapu petamo.

1 Jone 1:4

Yalya kando pisirama ramo dokopa namwa raeme kumuo pisirama lao pepana pyao reto jilyamano.

2 Jone 1:12

Nambana pii malu palamo doŋo nambame mee pepana pyapala jii narowale. Nakamana anda epapala yalya kando pii langipuli lao suu pyao karo. Dopa pyuo pirama dokopa rae maingi renge dokome palyuo simbwaramo pisarama.