Jone 16:20 - Anatunya Buku Baepole Ole Testamene Pii Lapo dee Nuu Tesamene

²⁰ Kinyi kinyi langilyu, nakama ee lao ipwakuku nyeraminyipa neta wambu dupwame rae maiyuo kararami. Nakama kondo kararaminyipape enakana raeko maiyuo kararami.

Jone 16:20 ပူးပေါင်းရင်းမြစ်များ

Aisaya 61:3

Lapala lao wambu lapo yuu Sayone dokona kumanda petaminyi dupwa mona rando kondange doko suu pyao rae maingi renge maiyuo dee kumanda piso ee lenge doko suu pyao lakandenge kenane maiyuo puu lapyasa epelyo. Nakama Kamongo rangeme isa wara pilyamo andenge dopale ingyarami. Dokopa nakama peparaeme yulu rolae doko anjuku lao pirami. Dokopa Anatu baame yulu piyamo dupwana lao baa lakandarami ingyara.

Jeremaya 31:25

Dokopa wambu makarami dupwa nambame mona keyange palyinyi pyambwaro. Dee loparami dupwa nambame nenge pirunupa nao sikya piramo kararami.

Matyu 21:38

Dopa leyamopape ee kando kareyami akali dusipame ikinyingi doko kandapala nakama range lao, Wane dake rakangena moyange nyera ingilyamo doko epelyamo. Baa pyao kumakamanale, mwua. Rakange kumaramo moyange baa nyerali dupwa namwa nyerama, leyami.

Matyu 5:4

Wambu monarename sakame kumungi dupwa mona minyarambu poraiyakamira dokona rae maiyuo pelyaminyi.

Make 14:72

Dokopa kola kali aopa pii lapo pyuo leya. Leyamo dokopa Pitame Yesu, Wambo kola kali ene lapo pyuo pii laramo dokopa emba yuu reposa namba mata mairi, leyamo doko suu piya. Doko suu pyapala Pita baa nenga nenga pyao ee leya.

Make 16:10

Enda doko kandapala Yesu role pyao karenge wambu dupwa nakama mona rando ee lao peteyami dokona pao lamaiya.

Luku 22:45

Dopa piyamopa ateŋa lapala sipuro disaepole dupwa peteyami dokona epo nakama luu paleyaminyi kandeya.

Luku 22:62

Dokopa baa neta papala nengya nengya pyao ee leya.

Luku 23:27

Dokopa Yesu wambo peyamopa wambu ama malu enakana epeyaminyipa enda malu baa kando kumaralerale nyuo maa waa lao peyami.

Luku 24:17

Dokopa baame nakamba lamaiyuo, Pii anjukunya nakamba lao lao pelyambinyi? leya. Dokopa nakamba mee mona nembo lenge kambu yukupala kareyambi.

Luku 24:21

Baame Isaraele wambu dupwa kiiramo nyera lao suu piyama. Dopa lao suu piyamanopa dopa piyami doko yuu rema kote yuu sipya.

Luku 6:21

Epapu lopo pipyamopa karaminyi dupwa sikya piramo kararami dokona nakama raeko maiyuo parami. Epapu ee lao petaminyi dupwa nakama giyuo pisirami ingilyamo dokona nakama raeko maiyuo parami.

Jone 16:33

Nambana arapu dokona kararami dokome nakama mona kui lao sinya lapala pii doko langyalono. Yuu dakena karo randa narami. Nambame isa yuu dake anamasi minyuo karo doko kandapala mona kuki palyuo karalapape, leya.

Jone 16:6

Epapu rolo langyalono dokona nakama monarena kondome kumulyaminyi.

Jone 20:20

Dopa lapala baame banya kingi kapepe parali dokopape nakama lasaka piya. Dokopa disaepole dupwame Kamongo doko kandapala raeme kumuyami.

APOSELENA YULU 5:41

Dokopa aposele dupwa wato lenge anda doko yaki nyepala pao dokopa Yesunya kingi dokona reke lao moŋo nyimwasa pilyamo lao suu pyapala ama rae maiyuo anda peyami.

Orome 5:11

Doko iki daa. Namwana Kamongo Yesu Koraisame Anatupa namwa nyuo puu minyinyi pyambuya dokona Yesu keta Anatu kando raeme kumuo lakandelyamano.

2 Korina 6:10

Mona kendanyi pyambuyaminyipape namwa yuu peparae rae maiyuo karamano. Namwa akali pendewa lao suu pyaminyipape wambu malu kamonganyi pyambulyamano. Namwame mende daa lao suu pyaminyipape aepyamo karamano.

Galasia 5:22

Dopa pipyamopape Anatunya Imambu yulu keyange paleta epenge. Mona retengepe rae maingipi mona kyuu lao singipi mee elya kalo karengepe anjiki pingipi keyange renge palengepe mondo lao pyuo karengepe dusipa baa keta ando epenge.

1 Tesalonaika 1:6

Nakamame Kamongona yulu dokonape namwa piyama dokonape kimbu moko minyuo pyuo kareyami. Randa andake nyuo dokopa waili pii keyange soo nyiyami. Dokona Imambu Poo Pyasimi nyisiyamopa rae maiyuo kareyami.

Jemesa 1:2

Yangonemoo, nakama keta makande pingi wakale wakale dupwame epo randa jiya kande dokopa rae maingi renge epelyamo lao suu pyalapape.

Juti 1:24

Anatumi nakama koo keta pali nalapale lao kyawa minyara. Banya neta renge yulu dokona nakama nyuo karapala neta ranyi piso rae mainyi pyambwara. Dokona lao baa lakandamanale.

Orepalaisane 11:10

Kumuyambi dokona isa wambu rae maipala mali lyuo puu minyingi dupwa pipya bange mee maiyuo kararami. Poropeta akali dolapome isa wambu peparae mona kendanyi pyambuo kareyambi dolapo kumuyambi dokopa rae mairami ingiya.

Orepalaisane 18:7

Enda banya kingi range ketae nembo kalya malyape piyamo dokona manda manjo mona anda randa koo nao ee lao penale. Baa mona anda dorena lao namba kiŋinya etenge dokome kuini endana rate wambu iso petenge dokona peto kande. Namba mee waiya petonde daa. Mona kenda pingi yulu paliramopa ee lao pisirunde daa lao petamo.