Jone 14:27 - Anatunya Buku Baepole Ole Testamene Pii Lapo dee Nuu Tesamene

²⁷ Mona kyuu lao singi renge doko nakama keta palena lapala jilyu. Namba rangena mona kyuu lao singi renge doko nakama jilyu. Isa wambu dupwame mainginyili pyuo jilyunde daa. Nakama mona nemba napala paka nao karalapape.

Jone 14:27 ပူးပေါင်းရင်းမြစ်များ

Samu 27:1

Kamongo doko nambana pyuo nyingi kendalinya mendeke karamo dokona kupwa sipyamo karonde daa. Kamongo doko nambana matarena konambe mendeke ingyaro karapyamo karoŋo wambu pakaro doko angi api karase?

Samu 72:2

Dokopa embena wambu dupwa pipya pii katalunjidokona lao dee pendewa dupwa pipya gapomane yulu angi rolae dokona palyuo iso karara.

Samu 72:7

Rolaena renge doko baa kararamo gii dusipana mondo lao ando paramopa kukwa kana rao karalu karo kararamo dupwana banya wambu dupwa kapa palyuo nao petenale.

Samu 91:5

Emba kukwa dokopa randa jerami lao paka renge nyuowape dee korakama dokopa pyarami lao suu pyaowape

Aisaya 41:10

Namba nakama pipya role karapunu pilyamoŋo pakame kumuo kara nalapape. Namba nakamana Anatuŋu bange mendemepe nakama keta paka mona palyinyi pyambwa nanale. Nambame nakama porainyi pyambuo nyiso kararo. Namba konambena mendeke alya isa ingyuo kyawa lete nyuo nyiso kararo.

Aisaya 41:14

Kamongo dokome lao, Isaraele wambu dupwa nakama kuki ingyapala porai ingya napyamopape namba nakama nyisaroŋo paka nalapape. Namba Isaraele wambunya Anatu poo pyasi dokome nakama kyawa lete nyuo nyisiyu kande.

Aisaya 54:13

Namba rangeme embena wambu dupwa mana lamaikapala mona seramopa yulu peparaena kapa palyuo pena lao piru.

Aisaya 55:12

Nakama yuu Bapilone mona seramopa raeme kumuo yaki nyerami. Yuu kyau kuki andakepe nakama paraminyi kata dokona silyamo dupwame puli pyao kenane pyarami dee isa dupwame rae maiyuo pii ketae palyuo larami.

Aisaya 9:6

Wane mende manjakarami. Ikinyingi doko jera ingilyamo. Doko namwa iso karara. Banya kingi doko Rapu Pingi Nyiso Karenge Elyapiŋi laraminyi karara. Anatu Porai doko, Letena Renge Palenge Rakaneŋe, larami. Kiŋi Mona Kyuu Lao Singinya Ikinyingi, larami.

Jeremaya 1:8

Dokona lao namba embapa role pyao kyawa minyaroŋo nakamame mende pirami lao paka nyii napipi. Namba Kamongo dokome leto, leya.

Isikiolo 2:6

Emba makwa isa ingyuo kuku pyaa nare akali doko nakama kando paka nao dee pii letaminyi dupwa soo pako pii napipi. Nakamame emba kando koo keta palyuo kilya kando larami ingilyamo. Isarepa moko palyuo karenge dopale ingyara. Dopa piramopape kamba lenge wambu dupwa kando paka nao dee pii larami dupwa soo paka nao pipi.

Daniele 4:1

Yuu muu peparaena wambu palengepe dee rara wakale wakalepe dee wambu pii wakale wakale lengepe dupwa peparae kiŋi Nepukatenesame wai nembo nakama peparae, Yako leto, leya.

Daniele 6:25

Dokopa kiŋi Darisimi wambu yuu muu dupwanape wambu rara dupwanape dee pii wakale lenge paleyaminyi dupwanape peparae nakama pepa pyao maiyuo yako leto, leya.

Nambase 6:26

Kamongome nakama kando rae maiyuo poraiyuo suu pyao nakama mona kyuu lao singi renge doko jinya.

Matyu 10:26

Nakama kando paka nalapape. Mende kyanga pyaro karenge ramo doko pinjingi minyalyara, mende yalu pyuo singi ramo doko panasi sera.

Luku 1:79

Wambu kumasi ingyuo iminjingi panda dokona pisirami dupwa keta yanga paupau lakamira, mona seramo pupwase lao kata lasaka pira, leya Sakarayame.

Luku 10:5

Anda mendena kolando parami ramo dokopa, Anda dakena mona sipyamopa karamili yaka lao wambo lalapape.

Luku 12:4

Nambana puu minyingi dupwa selapape. Wambu yongo pyao kumakapala dokopa imambu kokwa selana saka nange dupwa kando paka nalapape.

Luku 2:14

Anatu ama ketae karamo doko wambu dupwame lakando karena, baa kyanyi kandelyamo dupwa koo soo kararami.

Jone 14:1

Nakama mona rando karo nalapape. Anatu kapa ingingi lao suu pyao namba opetaeko suu pyao karalapape.

Jone 16:33

Nambana arapu dokona kararami dokome nakama mona kui lao sinya lapala pii doko langyalono. Yuu dakena karo randa narami. Nambame isa yuu dake anamasi minyuo karo doko kandapala mona kuki palyuo karalapape, leya.

Jone 20:19

Koro andake alemanji dokopa disaepole dupwa Juu wambu dupwa kando pakapala kambu dowa dolapo pyao gii lapala peteyaminyipa Yesu epapala peteyaminyi raka dokona sukusa karapala nakama lamaiyuo, Mona kyuu lao singinya renge doko nakama keta palena, leya.

Jone 20:21

Yesumi nakama dee kamba lamaiyuo, Mona kyuu lao singinya renge doko nakama keta palena. Rakaneme namba mapanyi peeyamo doko suu pyao nambame nakama pupwa leto leya.

Jone 20:26

Yuu gii yanda ipingi nyero papeyamopa banya disaepole dupwa Tomasamoo pipya anda dokona dee kamba kareyami. Kambu dowa dolapo pyao gii lasi siyamopape Yesu epapala nakama kareyami sukusa dokona karapala, Mona kyuu lao singinya renge doko nakama keta palena leya.

APOSELENA YULU 10:36

Anatumi banya pii doko Isaraele wambu lamaiya doko silyaminyi. Baa Yesu Koraisa wambu peparaena Kamongo doko keta baame nakama mona anda kyuu lao seramopa kararaminŋi lao waili pii keyange doko lamaiya.

APOSELENA YULU 18:9

Dokopa kukwa mendepa Pole pii repa repa pipala Kamongo dokome baa lamaiyuo, Emba paka napipi. Paka napala pii doko kaeya napala mee laoko karape, leya.

Orome 1:7

Anatumi nakama yuu Orome range banya wambu angingyuo kyakale lao nyiyamopa baa mona reto karaminyi dupwa nakama pepa pase dake pyao jilyu. Namwana Rakane Anatu Kamongo Yesu Koraisapana mona keyange palyuo ipingi rengepe mona kyuu lao singi rengepe nakama keta jinya leto.

Orome 15:13

Anatumi mende pira lao suu pingi jiya dokome nakamana kapa ingingi lao suu pingi dokona piso rae maingi rengepe mona kyuu lao singi rengepe nakama keta palyuo simbuo epena lao jera. Dopa piyamo dokona piso nakama Yesu mende pira lao suu pingi doko Imambu Poo Pyasinya porainya renge dokona piso ando karena.

Orome 5:1

Anatu kapa ingingi lao suu piyamano dokona baame namwa rolaeŋe lao kando nyiyamo dokopa namwana Kamongo Yesu Koraisa keta namwa Anatupa yalya kando petamano.

Orome 5:10

Namwa Anatunya nyisu petenge ingyuo kareyama. Dopa piyamanopape banya Ikinyingi isa mamandona kumuyamo dokome Anatu baame namwa banya puu minyingi inginyi pyambuya. Epapu Anatunya puu minyingi ingyuo karamano dokona Yesu lete karamo dokome namwa dee kamame ingyuo nyisara.

Orome 8:6

Suu pingi wambarae dokome laramuli pyuo pirami wambu dupwa kumarami ingilyamo. Dopa pipyamopape Anatunya Imambu dokome laramuli pyuo pirami wambu dupwa mona seramopa lete kararami.

1 Korina 1:3

Namwana Rakane Anatu dee Kamongo Yesu Koraisapana mona keyange palyuo ipingi rengepe mona kyuu lao singi rengepe joo karena lao yako letambano.

Galasia 1:3

Namwana Rakane Anatupa Kamongo Yesu Koraisapana mona kyuu lao singi rengepe mona keyange palyuo ipingi rengepe nakama keta palena.

Galasia 5:22

Dopa pipyamopape Anatunya Imambu yulu keyange paleta epenge. Mona retengepe rae maingipi mona kyuu lao singipi mee elya kalo karengepe anjiki pingipi keyange renge palengepe mondo lao pyuo karengepe dusipa baa keta ando epenge.

Galasia 6:16

Wambu lete penge kata dokona kando nyilyaminyi dupwa keta mona kyuu lao singi rengepe sakao nyiso karenge rengepe nakama keta palena. Nakama keta palyuope Anatunya wambu doloma pipya opetaeko keta palena leto.

Pilipai 4:7

Koraisa Yesupa pako kararami dokopa Anatunya mona kyuu lao singi renge mee wambu dupwa soo gisa nange dokome nakamana mona andape suu pingi dokonape kame pyuo minyara.

Kolosi 1:2

nakama Kolosi dokona Anatunya wambu namwana yangonemoo ingyuo Koraisa keta baa maso minyuo karaminyi dokona pepa peyakalyambano. Namwana Rakane Anatumi nakama keta mona keyange palyuo ipingi rengepe mona kyuu lao singi rengepe retakana lao yako letambano.

Kolosi 1:20

Anatumi yuu muu peparaena rekya lasi siyamo doko banya Ikinyingi keta dee nyuo mendakiya. Yesumi isa mamandona ranjama kulimbuo kumuo paleya dokome Anatumi yake yuupi peparae baa keta sukusa nyiya.

Kolosi 3:15

Koraisana mona kyuu lao singi renge nyerami lao Anatumi nakama yongo mendaki dokona nyuo kiminjiya. Dokona mona anda kyuu lao see nara ramo doko koo pipulyamo lao soo pakana palyuo kararami. Dokona lao yuu peparae rae maiyuo karalapape.

2 Tesalonaika 1:2

Rakane Anatupa Kamongo Yesu Koraisapana mona keyange palyuo ipingi renge dokope mona kyuu lao singi renge dokope nakama keta palena.

2 Tesalonaika 3:16

Kamongo Yesu baa range mona kyuu lao singi renge renge kuiyuo karenge dokome baame randa wakale wakale eparamopape panda rae maingi renge eparamopape yuu peparae nakama mona kyuu lao singi renge jinya. Kamongo Yesu nakama pipya role pyao karena.

2 Timoti 1:7

Anatumi Imambu jiyamo dokome pakange renge doko jinginde daa. Pakange renge jilyuŋi lao dokopa porainya rengepe mona retengepe range rapu pyuo karengepe dupwa Imambumi joo simbungi.

Ipuru 13:20

Yesu kumuo ranjama isa peyamo dokome Anatunya lalu lao leyamo pii doko kapa wai wara pisi silyamo. Namwana Kamongo Yesu baa kumuyamopa Anatu baa lopo nyiya. Nyiyamopa namwana sipisipi rapu pingi mupwa ingyuo peya.

Ipuru 7:2

Aporakame yanda pyapala apa nao nyiyamo bange akalisa dupwana mendaki yapo nyepa nyepa pyuo karo Melekiseteke maiya. (Melekiseteke kingi wambo doko rolae pinginya kiŋi leyami. Yuu Seleme doko Ipuru pii lao mona kyuu lao singi dopale dokonako palyuo Melekiseteke baa yuu dokopa kiŋi yulu piyasa mona kyuu lao singinya kiŋi karamo leyamiko.)

Orepalaisane 1:4

Namba Jone, Elyambu Pingi yanda ipingi nyepo yuu Esia dokona pepa pyao jilyu. Anatu baa epapu karamo doko wambo kareyako enakana kararako dokope dee imambu yanda ipingi nyepo banya petenge isa repeta dokona karaminyi dupwape dee Yesu Koraisa pii rolae lao karenge doko baa kumungi dupwana kanda soo lete epapala, isa akali kamongo dupwa rapu pyuo karenge dokope dusipana mona keyange palyuo ipingi rengepe mona kyuu lao singi rengepe nakama keta paliramopa karamili yaka lao suu pilyu. Yesu namwa mona reteyamo dokona ranjama kulimbuo joo kumuyamo dokome, namwana koo dupwa rekya lanyi nembakaya. Banya isingi pandana namwa rapu pingi inginyi pyambuo Rakange Anatu lakandalapa langiya. Baa iki mupwa ingyaramopa neta renge yulu doko baa keta palu palena, doko kinyi.

Orepalaisane 2:10

Randa eparamo dupwana paka nalapape. Imambu koo baame nakama makande pyuo karapusi anda dokona nyuo pyambwaramopa yuu gii akalisa randa nao palirami. Nakama kapa kumarama lao suu pyapala mona kumapala kaeya nao pyuoko kararami ramo nambame kyawa rarange letena renge palenge doko nakama keta rombo palyuo jero.

Orepalaisane 21:8

Dopa piramopape pakapala iki iki lao parami dupwape panga soo lenge dupwape yulu koona wangu lakapala pingipi wambu yango pyao kumakaengepe kepo pyuo pamuku yulu pingipi wambu yango mauli minyuo pingipi Anatu kaepala mee bange dupwana mona andengepe pii kyarepa pyuo kyambo pii lengepe dupwa nakamana yuu doko yuu kyuwande isare rao lulya kaso karenge dokona parami. Dokona papala dee kambako lapo pyuo kumarami leya.