Jone 12:42 - Anatunya Buku Baepole Ole Testamene Pii Lapo dee Nuu Tesamene

⁴² Dopa leyamopape Juu rapu pingi akali mupwa lapo dupwapeme baa kapa ingilyamo lao suu piyami. Lao suu pyapala sinakoke sukusa karamano doko ramanyi neta nembaraminyi lao nakamame Parisi akali dupwa kando pakapala dopa lao suu pilyamano lao polo laa nayami.

Jone 12:42 ပူးပေါင်းရင်းမြစ်များ

Jeremaya 38:19

Leyamo dokopa kiŋi Setekayame isingi lao, Namwana Juu akali lapo Bapilone range ingyuo karaminyi dupwa namba pakalyo. Dokona nakamana kingi rakana palyara ramo dokopa nakamame randa jerami, leya.

Matyu 10:32

Wambu mendeme isa wambunya lenge kambu dokona nambana lao polo larami dupwa peparae nambana Rakane yake panda karenge dokona lenge kambu dokona karo nambame nakama nyiso lao kararoko.

Luku 12:8

Dee dopa langilyu, wambu peparaeme isa wambu yango dupwana lenge kambu dokona nambana lao polo larami ramo doko Ikinyingi Akali dokome nakamana lao Anatunya aŋala dupwana lenge kambu dokona polo larako.

Luku 23:13

Dokopa Pailateme purisi akali mupwa dupwape mee wambunya kamongo dupwape mee wambu dupwape sukusa sukusa pyuo epena lapala

Luku 6:22

Ikinyingi Akali dokona reke lao karaminyi lapala wambu lapome nakama kando yulu koo pilyaminyi lao nakama awa nao mata joo kilya kando larami dokopa rae maiyuo parami.

Jone 11:45

Dopa piyamo dokopa Juu wambu malu Maria role pyapeta epeyami dupwame baa piyamo doko kandapala baa kapa ingingi lao suu piyami.

Jone 12:11

Baa lete kareyamo dokome Juu wambu malu nakama yaki nyepala Yesu kapa ingingi lao suu pyao kareyamisa dokona imbwuapala dopa pyuo wato leyami,

Jone 16:2

Kinyi kinyi langilyu, yuu gii epara ingilyamo dokopa nakama sinakoke anda dupwana neta nembarami. Mendeme nakama pyao kumakapala dokopa Anatunya yulu dokona pipusa pilyamo lao suu pyarami.

Jone 19:38

Enakana dokopa Josepe Arimatia range doko Yesunya disaepole doŋo Juu wambu dupwa kando pakapala wakale mende ingyuo dupwana kareya dokome Pailate piso soo, Yesunya yanenge kaoma nyuo minyuo kakondarowale leya. Dokopa Pailate, Kapa leya. Dopa leyamo dokopa baame epapala banya yanenge kaoma doko nyuo minyuo peya.

Jone 3:2

Kukwa mendepa akali doko Yesu kareyamo dokona epapala dopa lamaiya. Rapu Pingi Anatumi emba puu leyasa mana lao epee doko namwa silyamano. Dokona lao embame yulu andake lasaka pyuo karene dupwa akali mendeme pyuo kararo laramopa Anatumi nyiso kara nara ramo baa pinya saka nara ingilyamo leya.

Jone 7:13

Leyaminyipa Juu wambu dupwa kando pakapala pii pyakamo laa nayami.

Jone 7:31

Minyara nayaminyipa wambu malu meeme baa angiŋi lao suu piyami. Akali dake yulu andake malu lasaka pyuo karamo doko Koraisa eparamo dokopa yulu kamame wakasa lasaka pyuo kararase? leyami.

Jone 9:22

Banya endangi rakangepame Juu wambu dupwa pakapala dopa leyambi. Juu wambu dupwame wambo mendakinya palyuo, Mendeme Yesu baa Koraisa, lara ramo doko baa sinakoke anda epa nana lao ralinyi nembarama leyami.

Jone 9:34

Nakamame baa kando lao, Koo andake pipala emba manjo nyiyami doko embame namwa mana langirisi? leyami. Lapala baa neta nembeyami.

APOSELENA YULU 5:41

Dokopa aposele dupwa wato lenge anda doko yaki nyepala pao dokopa Yesunya kingi dokona reke lao moŋo nyimwasa pilyamo lao suu pyapala ama rae maiyuo anda peyami.

Orome 10:10

Namwana monarena Yesu kapa ingingi lao suu piyamasa Anatupa rolo pelyamo. Namwana kambu dokome pii doko eŋa nembo leyamasa lete wai pyao nyisi karamano.

1 Jone 4:15

Mendeme Yesu baa Anatunya Ikinyingi lao sepala lara ramo doko Anatu baa keta epo maralyaramo baa Anatunya arapu dokona kararasa pira.

1 Jone 4:2

Mendeme Yesu Koraisa baa mee yanenge nyuo epeya dopa lao suu pyapala laramo dokome nakamame baa Anatunya Imambumi minyapyamo karapyalyamo lao serami.