Jone 12:35 - Anatunya Buku Baepole Ole Testamene Pii Lapo dee Nuu Tesamene

³⁵ Yesumi nakama dopa lamaiya. Yuu gii mee lama nakama pipya yanga paupau lao karalopyamo. Iminjasara lapala yango karamo dokopa kata nyuo puu pao parami. Mendali iminjilyamo dokopa kata penge doko anja pelyo lao see nao penge.

Jone 12:35 ပူးပေါင်းရင်းမြစ်များ

Aisaya 2:5

Dakapa Jekopena para piyamo dupwa Kamongona kata yalu pii napala ena pasi silyamo dokona papyuo pyuo karo pimanale ipupwa.

Jeremaya 23:12

Nakama kata moko minyuo pelyaminyi dupwa iminjo keta keta pira. Nambame nakama lukumakapala pao palena lao piru. Nambame nakama keta randa andake mairu. Nakamana randa nyerami yuu gii doko epelyamo. Namba Kamongo dokome leto.

Luku 18:37

Nakamame baa lamaiyuo, Yesu Nasarete range doko epo pelyamo leyami.

Jone 11:10

Dopa piramopape mendali kukwamana kata para ramo doko baa keta yango kara nalyamo dokona lukumo singi leya.

Jone 11:9

Yesumi isingi lamaiyuo, Yuu yangenge dokopa keloke gii akalisa ipisu lama nyero pali nangese? Yuu yango karelyamo dokopa mendali kata para ramo doko yuu dakena yango karenge dokona lukumo see nange.

Jone 12:36

Yanga paupau lao karenge doko baa nakama sukusa karamo gii dusipana baa kinyi lao suu pyao karalapape. Dokome nakama yanga paupau lengena wane wanake ingyuo parami leya. Dopa lapala kanjakala pao nakama baa kanda nana lao yalu pyuo kareya.

Jone 12:46

Mendalimi namba kapa ingingi lao suu pyao karara doko iminjingi dokona pisu piso pisa nana lapala namba yanga paupau lao isa yuu dakena epeyo.

Jone 16:16

Rengya usale nakamame namba dee kanda narami. Dee mee mende usale dokopa namba kandarami, leya.

Jone 7:33

Dokopa Yesu dopa leya. Yuu mendasipa iki dee nakama pipya kararama. Karapala namba mapanyi peeyamo karamo dokona paro.

Jone 8:12

Yesumi nakama dee mende lamaiyuo dopa leya. Namba isa yuunya yanga paupau lenge renge karoŋo. Mendeme namba paronuli pyuo eparamo doko baa iminjinginya moko palyuo papi napala baa keta letena yanga paupau lenge renge doko palira leya.

2 Korina 3:14

Isaraele wambu dupwana suu pingi pali naya. Nakamame yuu gii dokona piso epo epapu dakepa kana minyuo pii leyamo buku wambarae yaka lenge dokopa nakamana suu pingi doko yambe pilyamosa angingyuo sepa nange. Wambu mendeme Yesu kando nyingi dokopa iki wambu dokona suu pingi doko yambe pyakami nange.

Galasia 6:10

Dokona lao namwana yulu keyange piramali dupwa seramo kandarama dokopa pimanale. Kurisene yango dupwa pipya angingyuo dopa pyuo kaeya nao pimanaleko.

Epesasa 5:8

Nakama wamba iminjiyamo dokona isa sulu sulu paeyo kareyaminyipape epapu Kurisene ingyapala Kamongona yanga paupau lenge dokona karaminyi. Dokona yanga paupau lengena wane wanakepe ingyuo karalapape.