Jone 11:19 - Anatunya Buku Baepole Ole Testamene Pii Lapo dee Nuu Tesamene

¹⁹ Dokopa Juu wambu malumi Mata Mariapa peteyambi dokona pemalenge kumuyamo dokona mona minyarambu pisa epeyami.

Jone 11:19 ပူးပေါင်းရင်းမြစ်များ

Jenesese 37:35

Dokopa banya wanenge ikinyingipi peparaeme mona minyarambwuamwali lao piyaminyipape baa kapa mona minyarambwuara ingya nayamopa lao, Kararo dusipana wane Josepena lao mee kumanda piso karo pao kumuo pao baa kandapala dokopa kame serona, lapala kaeya nao kumanda peteya.

Jopo 2:11

Akali Jopona puu minyingi rema dusipa banya randa epeyamo dokona lao sepala nakama rangena yuu dokona karo epeyami. Nakama dusipa rara Temane kingi Elipasemoo rara Sua kingi Bilitate rara Namate kingi Sopamoo wato wambo lapala enakana Jopo kondo andake piyasa yara lao yako lala monale lao epeyami.

Jopo 42:11

Dokopa Jopona yangonge pemalengepe dee banya wamba puu minyingi dupwape peparae baa kando yako lala epo banya anda nenge nyuo malu palyuo nao peteyami. Kamongome Jopo randa maipya dokona kondalyamano lao baa mona minyarambunyi pyambuo epeyaminyi dupwame mendaki mendaki lao kana lapope dee kana golo uriŋipi maiyami.

Luku 10:39

Banya kakingi mende kingi Maria lenge peteya. Dokome Kamongo dokona kimbu siyamo dokona pisipala banya mana pii soo peteya.

Luku 10:42

Dokona yulu mendaki pipingele leya. Maria baame yulu rolae mendaki kando nyilyamo dokona kaena lao laa naro leya Yesumi.

Jone 1:19

Juu wambumi purisi lapope Lipae rara dokona lapope Jerusaleme karo Jone baa apa pyuondepe lao piso sela pena leyami.

Jone 11:1

Akali mende Lasarasa lenge yuu Betani range doko anga piya. Yuu Betani doko Maria kakingi Mata dokopana yuu anda kuki lama malu palyuo karenge.

Jone 11:31

Juu wambu Maria mona minyarambu andakare role pyao peteyami dupwame Maria baa sipurapala kamanda peyamosa kandapala baa malu anda dokona ee lala pwuamo lao sepala baa peyamuli pyuo peyami.

Jone 11:33

Maria baa ee lao mee wambu role pyao epeyami dupwa eeko leyamisa Yesumi kaepala banya monarena lulaka peyasa banya monarena pulunongo piyamo kareya.

Jone 11:36

Dokona Juu wambu dupwame, Baame baa apa pyuo mona reto karengepe lao kandalapa, leyami.

Jone 11:45

Dopa piyamo dokopa Juu wambu malu Maria role pyapeta epeyami dupwame baa piyamo doko kandapala baa kapa ingingi lao suu piyami.

Jone 11:8

Disaepole dupwame baa lamaiyuo, Rapu Pingi, Juu wambu dupwame emba ene alembole kaname pyao kumakalana piyami kande dokona dee kamba yuu dokona panya letese? leyami.

Orome 12:15

Rae mairami dupwa role pyao rae maiyuo, kondo pisirami dupwa role pyao kondoko karape.

2 Korina 1:4

Namwa keta randa epenge dokopa baame namwa nyiso porainyi pyambungi dokome wambu yango randa nao karaminyi dupwa kondo mona minyarambu pyuo karamano.

1 Tesalonaika 4:18

Dokona pii dapwa minyuo lao mendeme mende mona minyarambu karalapape.

1 Tesalonaika 5:11

Renge dokona lao wambu yango porainyi pyambuo mendeme mende nyuo mona minyarambu karalapape. Epapu dakepa pilyaminyi dopako pyuo kararami.

1 Samyuele 31:13

Kisinyi nembapala kuli dupwa nyepala yuu taone dokona isa tamarisiki renge dokona malu piyami. Malu pipala yuu gii yanda ipingi nyepo nenge wasaka pyuo peteyami.