Jone 11:11 - Anatunya Buku Baepole Ole Testamene Pii Lapo dee Nuu Tesamene

¹¹ Dopa lapala nakama pii mende lamaiya. Namwana puu minyingi Lasarasa doko luu palyuo silyamo doko baa lenge rena lao pyaletala pelyo leya.

Jone 11:11 ပူးပေါင်းရင်းမြစ်များ

2 Kiŋi 4:31

Dokopa Geyasi baa wambo epapala Ilaisana pangali doko wane siya dokona ketae minyalyaro kareya. Dopa piyamopape mende dokona koo pyuo lenge rele lao pii naya. Dopa piyasa baa dee kapu kyuo Ilaisa kareya dokona papala baa lamaiyuo, Wane doko lenge raa nalamo, leya.

Ekesetase 33:11

Doko wambu puu minyingi dupwa rolae lenge kambu kando pii lenge dokoko suu pyao Kamongome Mosese role pyao karo lenge kambu kando pii lamaiya. Lamaipala Mosese baa wambu dupwa palenge yuu dokona peya. Dopa pyuo peyamopape banya nyisingi wane parange akali Nanena ikinyingi Josua lenge doko komau anda dokona yaki nyii nao mee andakare kareya.

Aisaya 41:8

Dopa pyuo karaminyipape Isaraele dupwa nakama nambana kendemande wambu. Nambana puu minying akali Aporakamena para pyasi dupwa nambame nakama rombo palyuo nyiyu.

Matyu 27:52

Malu anda dupwa roma lumbwapala wambu poo pyasi luu palele lao kumasi paleyami dupwana lapo lete epeyami.

Matyu 9:24

baame lao, Kaepala pupwa. Wanake doko kuma napala mee luu palamoŋo leya. Dokopa nakamame baa kando gilya giyana piyami.

Make 5:39

Dokopa baa kolando papala, Apa pipyasa nakama ee lao kumaralerale nyilyaminyi? Wanake doko kuma napya. Mee luu palyuo sipyamo pilyamo, leya.

Jone 11:10

Dopa piramopape mendali kukwamana kata para ramo doko baa keta yango kara nalyamo dokona lukumo singi leya.

Jone 11:12

Disaepole dupwame baa lamaiyuo, Kamongo baa luu palira ramo doko mee ingyara leyami.

Jone 11:13

Yesumi Lasarasa kumuya dokona kongwalu palyuo leyamopape nakamame baa luu palamo lalyamo lao suu pyapala leyami.

Jone 11:3

Anga piyamo dokona wana kakingipa dolapome wai nembo, Kamongo embame mona retenge doko anga pyapyamo silyamo, lao lamaiyambi.

Jone 3:29

Akali enda nyera ingilyamo doko nyera. Dokopa banya andare dokome banya pii soo raerae minyuo karenge doko suu pyao namba epapu raeme kumuo karo.

APOSELENA YULU 7:60

Lapala wapambu kararo pisipala pii poraiyuo lao, Kamongo, yulu koo pyuo karaminyi dake emba suu pyaa nao nyuo kame sakamyuo kaeyape, leya. Dopa lapala kumuya.

1 Korina 15:18

Koraisa lopo epa nayali doko wambu Yesu kapa ingingi lao suu pyao kumuyamo dupwa peparae mee kumuo pasi karamili.

1 Korina 15:34

Yulu kopetame pilyaminyi doko yaki nyuo rolo suu pyalapape. Nakama lapo Anatu see nao karaminyi dokona nambame elyanyi pyambuo leto.

1 Korina 15:51

Selapape, pii koko palenge mende polo langiru. Wambu lapo dupwa kumapa naraminyipape wambu peparae wakale ingyuo alowa pirama.

Epesasa 5:14

Panasi dupwa yanga paupau lasi dokona ingyuo para. Dokona lao pii dopa lao pyasi palamo. Kumasi ingyuo luu palaminyi dupwa lenge rao sipuralapape dokopa Koraisame nakama keta neta ranyi pisinyale.

Dutaronome 31:16

Panapala dokopa Kamongo dokome Mosese lamaiyuo lao, Emba repeta kumare ingilyamo. Kumaparene dokopa enakana wambu dupwame namba mona jii napala nambana nakama pipya kana minyuo lalu lao leyamo pii dupwa kamba larami. Nakamame namba kame soo kaepala yuu nyuo palya panya pilyaminyi dokona mee bange anatuŋu lao lakandenge dupwa lakandaramilyamo.

1 Tesalonaika 5:10

Namwa ene lete karowape kumapalape Yesu eparamo dokopa namwa baamoo pipya role pyao karalu kararama lao kumakaya.

Jemesa 2:23

Buku Baepole dokona Aporakame keta pii mende paleya. Doko Aporakame Anatu kapa pira lao suu pyao kareyamosa Anatunya lenge kambu dokona rolae ingyuo peya. Dopa pyuo kareyasa, Aporakame baa Anatunya puu minyingi lenge.