Jone 1:38 - Anatunya Buku Baepole Ole Testamene Pii Lapo dee Nuu Tesamene

³⁸ Yesu kapu kyuo nakamba enakana epeyambi doko kandapala nakamba lamaiyuo, Aki kotala epelyambinyi? leya. Dokopa nakambame baa lamaiyuo, Rapae (pii doko Mana Lenge dopakale), emba anja palenge? leyambi.

Jone 1:38 ပူးပေါင်းရင်းမြစ်များ

1 Kiŋi 10:8

Nakamana enda dupwa rae maiyuo pelyaminyi. Dee nakamana kendemande akali dupwa embena lenge kambu dokona mee karoko pao embena mona palenge singinya renge pii dokonako soo karaminyi dupwa rae maiyuo pelyaminyi.

Samu 27:4

Nambame renge mendaki mende Kamongo piso sipu. Renge mendaki iki nyelana suu pilyu. Doko namba lete kararono dokopa Kamongona anda dokona iki palyuo karapuli yaka. Dokona karobaa keyange wakasa ingyuo karamo lao soo nyuo rae maipala nambame baa kata keyange lasaka pinya lao piso soo kararowale.

Poropepe 13:20

Emba wambu mona angi palenge dupwa pipya role pyao karo mana nyere ramo doko emba wambu mona palenge ingyuo karare. Dee akali kopyali dupwa puu minyuo karare ramo dokopa emba kwao kararesa pira.

Poropepe 3:18

Mona palenge dupwa rae maiyuo parami. Mona palenge singinya renge dokome isame jingi lyelamuli pyuo lete kararami.

Poropepe 8:34

Akali mende nambana anda kame kambu konandawame dokona isaro petengepe dee akali mende nambana pii soo nyingipi dupwa rae mairami.

Luku 10:39

Banya kakingi mende kingi Maria lenge peteya. Dokome Kamongo dokona kimbu siyamo dokona pisipala banya mana pii soo peteya.

Luku 14:25

Wambu ama malu mee baa role pyao papyuo peyami. Dokopa baame kapu kyepala nakama dopa lamaiya.

Luku 15:20

Lapala sipurapala banya rakange kareyamo dokona epeya. Epo dokopa donosa epeyamo dokopa banya rakange dokome baa kandeya. Kandapala kondaya. Kondapala makando pao kupyuo nyuo nyinyi piya.

Luku 19:5

Peyamopa Yesu yuu dokona epapala dokopa kandalyuo kandapala baa dopa lamaiya. Sakiasa, waiya lao lupyuo ipu. Epapu embena anda dokona namba paliramba ingilyamo, leya.

Luku 22:61

Dokopa Kamongo dokome kapu kyepala Pita kandeya. Dokopa Pitame Kamongona pii, Epapu kola kali pii lapa naramopa embame repo pyuo namba mata joo lare, lapya kandapi lao suu piya.

Luku 8:38

Akali imambu koo dupwa yaki nyiyami dokome baa poraiyuo lamaiyuo, Emba role pyao pumbwali yaka leya. Leyamopape baa pena lao,

Jone 1:37

Leyamopa disaepole akali dolapo pii doko sepala Yesu peyamo dokona enakana peyambi.

Jone 1:39

Baame nakamba lamaiyuo, Kandala mwua leya. Baa Paleya doko kandala papala poo keloke yuu kwuayamo dokopa baamoo role pyao peteyami.

Jone 1:49

Natanieleme baa lamaiyuo, Rapu Pingi emba Anatunya Ikinyingilyamo emba Isaraele wambu dupwana Kiŋilyamo leya.

Jone 12:21

Dupwame Pilipa yuu Galili dokona yuu Betesaita range doko kareyamo dokona pao lamaiyuo, Yangone namwa Yesu kandalana lao suu pilyamano leyami.

Jone 18:4

Dokopa Yesu baa keta piramo yulu dupwa peparae soo gisapala lenge kambu siyamo dokona epapala nakama lamaiyuo, Api kotelyaminyi? leya.

Jone 18:7

Baame dee piso soo, Api kotelyaminyi? leya. Dokopa, Yesu Nasarete range, dokoŋo leyami.

Jone 3:2

Kukwa mendepa akali doko Yesu kareyamo dokona epapala dopa lamaiya. Rapu Pingi Anatumi emba puu leyasa mana lao epee doko namwa silyamano. Dokona lao embame yulu andake lasaka pyuo karene dupwa akali mendeme pyuo kararo laramopa Anatumi nyiso kara nara ramo baa pinya saka nara ingilyamo leya.

Jone 3:26

Dokona lao Jone kareyamo dokona epapala baa dopa lamaiyami. Rapu Pingi, emba akali ipwa Jotane dumurena kareyambi dokosa kando lao rolee kande dokome dae karo bapitisimo nyakamyuo karapyamopa wambu peparae baa karapyamo dokona papa pyuo karaminyi kande, leyami.

Jone 4:31

Dokopa disaepole dupwame baa piso soo, Rapu Pingi, emba nenge lapo nalase leyami.

Jone 6:25

Enakana Yesu pete dumuwangu kareyamo kando nyepala baa lamaiyuo, Rapu Pingi, anjokorape dae ipisi? leyami.

APOSELENA YULU 10:21

Dokopa akali dusipa kareyami dokona papala, Nakama kotala imi doko namba dae karo. Apa pipyasa epamipi? leya.

APOSELENA YULU 10:29

Namba lasaka piyamo dokona namba lanyala pena leyami dokopa namba daa laa napala mee ipu. Akipamo namba lanyala epena leyamisi? lao piso silyu, leya.

Uruti 1:16

Dopa leyamopape Urutimi isingi lamaiyuo dopa leya. Nambame emba yaki nyii lao pisa napipi. Dopako pyuo embapa role pyao paa napipi lao kata rokwa napipi. Emba anja mendasa parene dupwana namba paro. Emba anja mendasa palirinyi dupwana namba paliroko. Embena wambu dupwa nambana wambuko dee embena Anatu doko nambana Anatuko ingyara.