Jona 4:2 - Anatunya Buku Baepole Ole Testamene Pii Lapo dee Nuu Tesamene

² Dokopa Kamongo lao loma soo dopa leya. Namba ene anda yaki nyelana dokopa dake dopa piri lao laa nayope? lao Kamongo doko piso siya. Renge dokona namba kaepala yuu Tasisi dokona panya peyo, leya. Embame Anatu waa waa lao kondome wakasa kumungi doko namba siyu. Yuu peparae emba keta renge keyange dupwa ipyali lao enda akalipi dupwa anjiki pyuo mona reto karenge. Dee yuu peparae embena suu pingi alowa pyuo randa mairu lenge doko kaenge kandape leya.

Jona 4:2 ပူးပေါင်းရင်းမြစ်များ

1 Kiŋi 19:4

Ilainja yuu gii mendaki yuu muiyane mendena kata pao kareya. Pao karo isa renge rau leya mendena imambu soo peteya. Piso dokopa baa kumuowane lao suu piya. Pyapala baame ateŋa lao, Kamongo namba keta kenda palamo. Namba kumaro doko kapaŋa. Nambana lete karenge doko nyepe, leya.

Samu 103:8

Kamongo doko baame sakame kumuo mona reto pingi. Baa waiya lao imbwa nao mona reto puupenge. Renge doko baa keta palyuo pyoko pyoko lenge.

Samu 145:8

Kamongo doko baame mona reto sakame kumuo karenge. Waiya lao imbu singi nyii nao meemona reto puu penge.

Samu 90:13

Yuu gii akipare embena imbu singi doko mee serase? O Kamongo, embena kendemande dupwa kando sakao karape.

Ekesetase 32:14

Leyamosa Kamongo dokome banya wambu dupwa randa maiyuo pyalana suu piyamo doko alowa pipala pyaa naya.

Jeremaya 18:8

wambu dupwana suu pingi yulu koope dupwa mata maiyuo kaeyarami ramo dokopa namba laro dokona palya nao alowa pyuo kaeyaro, leya.

Jeremaya 20:7

Kamongo embame namba minyoko piinyipa namba minyoko pisi karalyono silyu. Emba keta porai palenge dokome nambapa manda manja nalyamo. Dokona lao wambu dupwame namba kando giyalya giyana pyuo nyuo male male lao karaminyi.

Jeremaya 26:13

Nakama palyuo karo pilyaminyi kata dupwape dee pilyaminyi dupwape alowa pipwape. Pipala nakamana Kamongo Anatu dokona pii laramuli pyuo kamba laa nao pipwape. Dopa pirami ramo dokopa baame randa mende peyo pyao kokwa sero leyamo doko alowa pipala kaeyara.

Emosa 7:3

Dokopa Kamongo banya suu pingi alowa pipala dopa leya. Renge emba doo kandapinyi doko sipurao epa nara, leya.

Emosa 7:6

Dokopa Kamongo banya suu pingi doko kamba alowa pipala renge kandapi doko sipura narako, leya.

Jona 1:3

Dopa leyamopape Jona baa Anatunya pii leyamo doko yaki nyuo soo nembapala baa yuu Tasisi dokona panya peya. Baa pao yuu Jopa dokona peya. Papala sipu wambu piso papingi mende yuu Tasisi dokona panya pyuo siyamo pao kando nyiya. Kando nyepala sipu dokona kana rangeme pyapala dokona ketae pulyuo papala akali sipu dokona yulu pingi dupwa pipya role pyao piso yuu Tasisi dokona panya peyami. Dokona Anatu baame kanda naraŋa lao suu pyao pena peya.

Jona 3:10

Dokopa Anatumi nakama yulu koo piyaminyi dupwa yaki nyepala keyange pyuo peteyaminyi kandapala nakama randa mairu leyamo doko dee suu pingi alowa pipala kaeya.

Jona 3:9

Dopa piramano dokopa Anatumi banya suu pingi alowa pipala doko imbwa nara ramo doko namwa dee kuma narama, leyami.

Maeka 7:18

Kamongo emba yale anatu mende kara nalyaminyi. Embena wambu mee kumapa nao lete karaminyi dusipana koo dupwa nyuo kame sakamilini. Emba mee imbuo karalu kara napala embena mona retalu reto retenge renge doko namwa keta lasaka pingi.

Luku 10:29

Lowana mana lenge baame Yesunya pii sepala range elyape lapuli lao suu pyapala lao, Nambana maki palyuo penge dupwa apimoo lyasilisi? leya.

Dutaronome 4:31

Anatu baame sakame kumuo pyuo nyingi. Baame nakama kyawa yaki nyuope dee pyao kokwa soo nembope pii nara. Dee nakamana rora ambasu dupwa keta pii kana minyuo lalu lao lao baa rangeme leyamo doko kame see nara.