Jona 3:5 - Anatunya Buku Baepole Ole Testamene Pii Lapo dee Nuu Tesamene

⁵ Dokopa enda akalipi yuu Ninepa range dupwa Anatunya pii Joname lamaiyamo doko soo nyiyami soo nyepala nakama peparae nenge naa narama, leyami. Dokopa wambu koo keyangepe dupwa peparae nakamana koo pingi dupwana lao suu pyao kondome kumuo komau wapungi doko wapupala nakamana koo pingi dupwana kondome kumulyamano lao lasaka piyami.

Jona 3:5 ပူးပေါင်းရင်းမြစ်များ

2 Kiŋi 19:1

Akali dusipame epo pii lamaiyaminyi doko sepala dokopa aopa kiŋi Esekaya dokome mona randame kumuo banya komau pingi dupwa minyuo pilyapala baa kumanda piso kondome kumuo komau wapungi dupwa wapupala Kamongona tembole anda dokona peya.

Ekesetase 33:6

Leyamo dokona lao nakama yuu kyau Sainai yaki nyuo papeyaminyi dokopa Isaraele wambu dupwa kalya pingi bange dupwa pyuo kara nayami.

Jeremaya 31:34

Nakamana andare dokona yango sukusa dopa pinya dapa pinya lao kara naramioko. Yuu gii dokopa wambu kuki andakepe peparae namba soo nyerami. Nambame nakamana yulu koo dupwa nyuo kame sakamirunupa dee koo piraminyi dupwana deeko suu pyale pyale kara naro. Namba Kamongo dokome lapusa pilyamo, leya.

Jeremaya 36:9

Ee kana kingi paki kana mange mendaki karo dokona akali Jiyoakwimi baa Juta wambunya kiŋi ingyuo kareya. Dokopa wambu dupwa Kamongome rae maiyuo karena lao pilyamano lapala nenge wasaka pyuo kareyami. Wambu Jerusaleme palenge dupwape dee wambu dupwa yuu Juta taone dupwana piso epeyami dupwape peparae nenge naa nayamiko.

Daniele 9:3

Dokopa namba kumanda piso wapungi komau wapuo nenge wasaka pyuo peena piso Kamongo Anatu lao ateŋa poraiyuo lao baa piso sokondali pyuo peteyo.

Joele 1:14

Wambu dupwa nenge wasaka pyuo malu palyuo petena lamaiyalapape. Akali mupwa dupwape mee Juta wambu dupwape peparae elyambu pipala nakamana Kamongo Anatu dokona tembole anda dokona kolando papala Anatu kando ee lao lalapape.

Jona 3:7

Baame Ninepa wambu dupwa pii wai nembapala dopa leya. Namba kiŋi dokomoo nambana akali mupwa dupwapeme pii dake poraiyuo letamano. Enda akalipi dee mena sipisipi bulamakaope peparae nenge ipwape naa nana.

Matyu 12:41

Anatumi kote laramo gii dokopa yuu Ninepa akali dupwame epapu ando karaminyi wambu dupwa kando kote larami ingilyamo. Yuu Ninepa range dupwame Joname boo pyao leyamo pii doko sepala nakama mona kapu kyiyami dokome Anatunya kote laramo dokopa nakambame nakama kondo kote larami ingilyamo. Jona baa akali andake doŋo mende baapa manda manja nalyamo doko dae karamo leto leya.

Luku 11:32

Kote pii andake paliramo gii dokopa Ninepa akali dupwame sipurapala dae wambu dupwa kando koo piyami lao kote larami ingilyamo. Dokona lao Joname boo pyao lao kareyamo dokopa Ninepa wambu dupwame banya pii sepala mona enenge palyuo kareyami. Doko mende Jona dokona suu pyao kamame wakasa ingilyamo doko dae kata kande leya.

APOSELENA YULU 27:25

Dopa pyuo langipyamo dokona nakama akali dupwa mona poraiyalapape. Anatumi langipyamuli pyuo pira doko soo gisilyu.

APOSELENA YULU 8:10

Akali numipi akali kukipi dupwame banya pii sokondali pyuo karo, Akali dake Anatunya Porai Renge Kameya lenge doko nyepala pyuo karamo, leyami.

Ipuru 11:1

Namwa yake pandana bange minyando kanda nalyamano dupwa Anatu kapa ingingi lao suu pingi dokome angi minyando kandarama doko soo giso karamano.

Ipuru 11:7

Noa baa Anatu kapa ingingi lao suu piyamo renge dokome mende pira dokona Anatumi baa repe repe pii lamaiyamo doko soo nyiya. Sepala baame sipu anda wasiyamopa banya ree palu pipa lete wai pyao peyami. Yuu muu peparae koo keta pasi siyamo kandapala baa Anatu kapa ingingi lao suu piyamo dokona rolaena renge imu epeyamo kando nyiya.

Orepalaisane 11:3

Dokopa nambana pii minyingi akali lama kumanda petenge komau wapuo pisirambinyipa pena lao nembaro. Nakamba yuu gii malu (1,260) dusipana Anatunya pii polo lao kararambi leya.