Jona 2:9 - Anatunya Buku Baepole Ole Testamene Pii Lapo dee Nuu Tesamene

⁹ Dopa piminyipape nambame kenane pyao embena kingi minyalyuo bange rendamu pingi lapo yango jero. Pii lalu lao lapunuli pyuo piruŋu, leto. O Kamongo embame namwa pyuo lete nyingi renge jingi kandape, Joname dopa leya.

Jona 2:9 ပူးပေါင်းရင်းမြစ်များ

Jenesese 35:3

Dokopa namwa dae yaki nyuo yuu Betele dokona yuku monale. Dokona nambana randa epeyamo dokopa Anatu nyisiya dokona lao mena pyao kiso maingi kana pyare mende lakamiru. Baa namba anja mendasa peyono dupwana yuu peparae yaki nyii napala kyawa minyuo kareya.

2 Samyuele 15:7

Ee kana kisima epo papeyamo dokopa Epesalome baame kiŋi Dapiti kando lao, Kiŋi namba yuu Eperone dokona Kamongo doko kando lalu lao pii leyonoli pyuo piri lao namba puu lape.

Samu 107:22

Nyisiyamo dupwana peparae suu pyao banya kingi lakandelyamano lao dokopa sangyu lao mena pyao kiso maiyuo dee kenane rae maiyuo pingi dupwa pyao kararami.

Samu 27:1

Kamongo doko nambana pyuo nyingi kendalinya mendeke karamo dokona kupwa sipyamo karonde daa. Kamongo doko nambana matarena konambe mendeke ingyaro karapyamo karoŋo wambu pakaro doko angi api karase?

Samu 95:2

Namwa banya lenge kambu silyamo dokona karo sangyu lao rae maiyuo kenane rae wakasa maiyuo pingi dupwame pyao baa lakandamana.

Aisaya 45:17

Dopa piraminyipape Isaraele wambu dupwa Kamongome lete pyuo nyilyamo doko soo puu para ingilyamo. Dee banya wambu dupwa kamame elya renge nyii narami.

Osia 14:2

Kamongo karamo dokona kapu kyuo papala mena pyao kiso maingi dopale ingyuo penale ateŋa dapa lao lalapape. Namwana koo dupwa nyuo kame sakapala ateŋa letamano doko soo nyepe. Soo nyerene dokopa namwa lalu lao leyamanoli pyuo emba lakandarama.

Jone 4:22

Nakama Samaria wambu dupwame api mende ketae pyambuo yako lao karaminyi doko angi sepala pilyaminde daa. Lete wai pyao nyingi yulu doko namwa Juu wambu dupwa keta epelyamo dokona soo gisapala Anatu ketae pyambuo angingyuo lao karamano.

APOSELENA YULU 4:12

Banya kingi dokomeoko iki isa wambumi lete wai pyao parami. Kingi wakale wakale dupwa laminyipape namwa Yesunya kingi dokome iki letena renge kando nyerama leyambi.

Orome 12:1

Yangonemoo Anatumi banya sakame kumungi doko namwana lao andakyuo peyamo dokona lao nakamame poraiyuo simili lao langilyu. Nakama range lete karo dokopa Anatu kumuo maipala karalapape. Dopa pipala dokopa Anatu keta iki pyamalyuo karo baa rae mainyi pyambuo pyuo karalapape. Dopa pyuo pirami ramo kata doko Anatu angi kinyi kumuo maiyuo lao kararamisa pira.

Ipuru 13:15

Anatu keta kyaa piramo karena lao namwana kambumi kaeya nao lakandamana. Dopa pyuo pirama ramo doko Yesu keta Anatunya kingi doko kulisa palyuo laramanosa pira.

Orepalaisane 7:10

Minyuo karo nakama pii ketae lao, Anatu baa petenge isa andakena petamo dokonape dee Sipisipi Ikyane dokonape nakamba keta namwa lete wai pyao nyingi renge doko palamo leyami.

1 Samyuele 12:21

Dopa pipala mee bange anatuŋu lao kyambo lakandenge dupwana moko minyuo paa nalapape. Dupwa anatu angi daa dokome nakama nyiso kyawa minyuope pii narami ingilyamo.