Jona 2:4 - Anatunya Buku Baepole Ole Testamene Pii Lapo dee Nuu Tesamene

⁴ Namba dopa lapu. Namba emba karene yuu doko yaki nyepala puu lapinyi dokona embena tembole anda poo pyasi keyange doko kamba kandarope daa?

Jona 2:4 ပူးပေါင်းရင်းမြစ်များ

1 Kiŋi 8:48

Tembole anda nambame embena lao pyakayono dokope embame namwana rora ambasupi yuu mainyi dakepe dee yuu taone embame rombo palyiinyi dakepe dupwana kandaro piso yuu dokona angi kinyi nakamana koo dupwana polo lao ateŋa larami ramo dokopa

1 Kiŋi 9:7

nambame nambana Isaraele wambu dupwa yuu nakama maiyunu dokona pali nana lao nyisa pena laro. Tembole anda nambame poo pyasi ingyuo waso rae maiyuo nambana lakandenge pandaŋa lao karenge dake nyuo kame soo yaki nyuo kaeyaro. Wambu yuu muu dupwana peparaeme Isaraele wambu dupwa kando giyalya giyana pyuo kilya kando larami.

Samu 42:8

Yuu yangaramo dokopa Kamongome banya mona reto karalu karenge doko lasaka pyuo karena. Dopa piramo dokopa nambame kukwa dokopa kenane pyao Anatu nambapa karapyamo pilyamo lao ateŋa lao piru.

Aisaya 49:14

Dopa leyamopape Jerusaleme wambu dupwame lao, Kamongo dokome namwa kame soo kaeyo kyawa yaki nyilyamo, leyami.

Jeremaya 15:1

Enakana Kamongo dokome namba langyuo lao, Akali Mosese Samyuelepa dakena karapala namba piso sokondali pyuo lambili doko nambame wambu dapwa sakame kumuo pyuo nyii napuli. Wambu dupwa nyisa pena lape. Wambu dupwa nambana lenge kambu silyamo dokona kara napala neta pena lape.

Jeremaya 7:15

Nambame nakamana ree palu wambu Isaraele rara dupwa nyisa rekya lao nembeyo dokoko suu pyao nambame nakama nambana lenge kambu dokona nyisa ramanyi rekya lao nembaro lao namba Kamongo dokome leto. Kamongome lapya namba lare leya Anatumi.

Isikiolo 37:11

Dokopa Anatumi namba langyuo, Makwa isa ingyuo karo kuku pyaa nare akali doko Isaraele wambu dupwa mee kuli malu sipyamo kandelene kande dopaleŋe, leya. Nakamame lao dokopa, Namwana kuli dupwa yando nao kaelyamo. Dee lenge raa narama lyamo. Namwa mee otao kaeyarama ingyuo pelyamo lao karaminyi.

Daniele 6:10

Mawa pii doo pyao palyami leyaminyi doko Daniele sepala banya anda peya. Banya anda dokona ketae dulurename panda singi dokona windowa lapo Jerusaleme kanda kanda singi. Dokona baa yuu peparae pinginyili pyuo windowa lumbwapala wapambu pii pyaro piso yuu gii mendakinya yuu remasa lao Anatu ateŋa leya.

Jona 2:7

O Kamongo namba repeta kumalena pipala dokopa emba suu pyao ateŋa lapu dokopa embena tembole anda poo pyasi keyange dokona karo sipi.