Joele 2:32 - Anatunya Buku Baepole Ole Testamene Pii Lapo dee Nuu Tesamene

³² Dokopa mendeme Kamongona kingi lapala baa lete wai pyao nyakapili lao lara ramo doko baa nyiso pyuo nyera. Kamongome leyamuli pyuo yuu kyau Sayone dokonape dee Jerusaleme dokonape lapo mee lete kararami. Dokopa Kamongome wambu lapo rombo palyuo nyeramo dupwa kuma nao lete kararami.

Joele 2:32 ပူးပေါင်းရင်းမြစ်များ

Jenesese 4:26

Dokopa Seteme wane mende mandeyamo doko kingi Inoso, leya. Yuu gii dokopana kanda soo wambumi Anatunya kingi Kamongo lao lao kareyami.

Aisaya 46:13

Namba pyao mata kyakao nyero yuu gii doko oo repeta minyuo epelyo panda londesa see nalyamo. Nambame anamasi minyuo pyuo nyero yuu gii doko oo repe repe pyuo retelyo. Nambame yuu taone Jerusaleme doko nyiso pyuo nyuo Isaraele wambu dupwa dokome kingi ketae palyinyi nembaro, leya Anatumi.

Jeremaya 31:7

Kamongo dokome letamo, Wambu rara dupwana kamame andake doko Isaraeleŋe lao lakando kenane pyalapa. Kamongo dokome banya wambu dupwa kyawa lete nyipya. Baame wambu pingyasi lapo petaminyi dupwa kiiramo nyipya dokona nakamana kenane lakando pingi doko pyalapape.

Emosa 9:8

Namba Kamongo Mupwa Andake Wakasa karenge dokome Isaraele wambunya Kiŋi dokome isingi yuu doko poraiyuo kando karo. Dokopa yuu dokona yulu koo dupwa palyuo simbwalyamo. Simbwalyamo renge dokona nambame nakama pyao kokwa soo nembalu nembo nembaro. Nembaronopape Jekopena ree palu dokona lapo kyawa minyaro.

Maeka 5:3

Kamongome banya wambu dupwa nakamana yanda pimwai dupwa keta maipala kaeyaramo pao enda mende wane manjira ingilyamo doko angi manjira gii doko pyaka sera. Dokopa banya rara dokona lapo anjisi yuu wakalena karaminyi dupwa dee rangena wambu dupwa pipya karengenyili pyuo pyasapala range kararami.

Jone 10:16

Nambana sipisipi wakale lapo karaminyi dupwa kakopasa dakena kara nalyaminyi. Nakama dupwa opetae lanyuo eparo ingilyamo. Dokopa nambana pii sakarami. Dokopa rapu pingi mendakindeme rapu pyuo kararamopa rara mendaki ingyuo role pyao kararami.

Jone 4:22

Nakama Samaria wambu dupwame api mende ketae pyambuo yako lao karaminyi doko angi sepala pilyaminde daa. Lete wai pyao nyingi yulu doko namwa Juu wambu dupwa keta epelyamo dokona soo gisapala Anatu ketae pyambuo angingyuo lao karamano.

APOSELENA YULU 15:17

Rara wakale wambu dupwame namba koto kararami ingilyamo. Dupwa Juu daa rara wakale nambame nambana wambu ingyarami lao rombo palyiyu dupwasa leto.

APOSELENA YULU 2:39

Dokona lao Anatumi Imambu Poo Pyasi doko jero lao kaeyapya pii doko nakamasa kando laowako nakamana wane wanakepe wambu menge nanesa karaminyi dupwa opetaesa lao wambu baame sukusa ipupwape laramo dupwa peparaena palyuo leyaŋa, leya Pitame.

Orome 11:26

Dopa piramo doko Anatumi Isaraele wambu dupwa lete wai pyao nyero leyamo doko pii mende pyasi palamo doko semana. Lete Wai Pyao Nyingi Akali yuu Sayone piso epara. Baa epo Jekopena para piyamo dupwana yulu koo dupwa neta nembara letamo.

Orome 11:5

Yuu gii dakepa dopaleko ingyuo pelyamo. Anatumi banya sakao nyiso karenge dokome lao wambu lapo iki rombo palyuo nyiya.

Orome 11:7

Dopa pyuo pelyamo dokona apa laramase? Isaraele wambu dupwame koteyami doko angi kando nyii nayami. Wambu mendasipa iki Anatumi rombo palyiya dusipame kando nyiyami. Menge dupwa Anatumi kee leyamo dokopa mee kumasi ingyuo peteyami.

Orome 9:24

Dokona lao baame namwa kyakale leyamo wambu dupwa. Juu wambu yango sukusa ikisa kando laa naya. Rara wakale dupwa opetaesa leyamo piya.

Orome 9:27

Aisayame Isaraele wambu dupwana lao pano lao kareya. Isaraele wambu dupwa ipwa pota kee kana ingyuo paramopape mendasipa iki sukusa epena laro leya.

1 Korina 1:2

Anatunya Elyambu Pingi wambu yuu Korina palenge dupwa Anatumi banya wambu ingyarami lao kee lao rombo palyiya. Rombo palyiya wambu dupwa Anatu Yesu Koraisapana ingyuo nakambana arapu dokona pakao karo wambu yuu muu dupwana peparae nakamanape namwanape Kamongo Yesu Koraisana kingi lenge dupwa kando letambano.

Ipuru 12:22

Nakama epapu yuu kyau mendeme kingimi minyandaraminde kandala epa nalyaminyi. Anatu lete karenge dokona yuu yake pandana Jerusaleme kyau Sayone lenge dokona epasi karaminyi. Yuu doko aŋala soo kaeyo raeme kumuo karaminyipa mendeme yaka lao sukusa parami ingya nange.