Joele 2:26 - Anatunya Buku Baepole Ole Testamene Pii Lapo dee Nuu Tesamene

²⁶ Epapu nakama nenge malu seramo napala sikya piramo kararami. Nakamana Kamongo Anatu yulu keyange nakamana lao pyakayamo doko lakandarami. Dokona rara lapome nambana wambu dupwa dee kamba kilya kando laka narami.

Joele 2:26 ပူးပေါင်းရင်းမြစ်များ

Jenesese 33:11

Anatumi namba nyisiyasa bange malu dupwa namba keta silyamo dokona lao lasaka pilyu dupwa mee nyelase lao karo nyepeyamo dokopa kaeya.

Niyamaya 9:25

Yuu taone andake kana kame porai dokome minyaro karengepe yuu amenge pingipi anda bange keyange kana malu parali dupwa pale palepe ipwa yuwale kyasi sinya singipi olipi isape jingi lyingi isa lapope dee isa girapo ee dupwape peparae embena wambu dupwame nyiyami. Nakama nalana suu piyami dupwa mee napala ando rondo lasi ingiyami. Embame bange keyange maingi dupwana lao moname nyiyami.

Samu 103:5

Baame bange keyange renge dupwa namba keta palyuo simbwange. Dokona namba enenge ingyuo karo yaka kambe yongo nyuo kararo.

Samu 116:7

Kamongome namba kando keyange pilyamo dokona nambanamona doko baa keta yukulyuŋu yukwaro karape.

Samu 22:26

Pendewa dupwa nenge nalana suu pyarami dupwa nakonda pirami. Wambu Kamongo keta eparami dupwa baa lakandarami ingilyamo. Dopa pyuo nakama yuu dokona yulu pyuo nenge nao kapa palyuo karalu karena.

Samu 37:19

Nakama randa eparamo dokopa moŋo nyii narami. Lopo seramo dokopa nakama nenge kapa seramopa koo keta pali narami.

Samu 67:5

Wambu dupwame Anatu emba lakandenale. wambu peparaeme emba lakandena.

Samu 72:18

Isaraele wambunya Kamongo Anatu dokona kingi doko iki lakando palena. Baame yeelyo yulu elyape ingyuo dapwa pilyamo.

Aisaya 45:17

Dopa piraminyipape Isaraele wambu dupwa Kamongome lete pyuo nyilyamo doko soo puu para ingilyamo. Dee banya wambu dupwa kamame elya renge nyii narami.

Aisaya 49:23

Kiŋi dupwa nakamana rakange dopale ingyarami. Dee enda kuini dupwa nakamana endangi ingyuo parami. Dopa pipala nakamame kingi wapambupi lakao pangu soo nakama lakando ketae pyambuo kuki ingyuo inyimungu karo rape rape lao kararami. Dokopa nakamame namba Kamongo lao soo nyerami. Dee mendeme nambame nyisareŋe lao isaro karara ramo doko mona maka nara, leya.

Aisaya 54:4

Emba dee kamba elya nyii nare ingilyamo dokona pakame kumuo kara napipi. Dee mendeme emba nyuo isa palya narami. Enda akalingi kanda soo nyepala yulu mondo lao pii napala elya nyuo petengenyili pyuo petee kande dopako pyuo parende daa. Enda waiya ingyuo kale paka paka leyamo peteene kande dokona kame sere.

Aisaya 55:2

Nenge sikya pii nara dokona akipamo kana nembo nelyamisi? Akipamo embena pee nyingi kana dokome nembo ropo pyao napapinyipape mee lopoko karese? Nambame laro doko sepala dokome moko minyuo piri dokome nenge doloma nyuo isa palyuo rae maiyuo nengende nare.

Maeka 6:14

Nakama nenge naraminyipape sikya pii napala mee yango nano nano piramo kararami. Nakamana pinji dupwa nyakarami lapala soo pelyamano lao paraminyipape kapa wai rombo nyii narami. Pinji lapo range nyuo parami dupwa nambame yanda pipala pyao kokwa sinya laro.

Sekaraya 9:15

Kamongo Porai Wakasa dokome banya wambu dupwa kyawa minyaramopa nakambame yanda pimwai dupwa pyao anda bui nao kokwa serami. Nakamame ipwa biya napala lete lao aa mambope pyao yanda papala yanda pimwai dupwana ranjama kulimbwanyi nembo pyarami. Pyaraminyipa nakama mena pyao kiso mailyaminyi dokopa ranjama lyuo epo pelyamopa pere retapala kamuo nyuo kulimbuo kana pyare lasinya pisingi dopale ingyuo epo para.

Sekaraya 9:17

Yuu doko ama keyange wakasa ingyuo au pyuo sera. Dokopa wanyane wambu dupwa witi jingipi waene ipwangepe dupwa napala ando poraiyuo kararami, lao Kamongo dokome Sekaraya keta leya.

Orome 10:11

Anatunya pii pyasi dokome dopa letamo. Mendeme Anatu mona maira ramo doko elya nyii nara.

Orome 5:5

Anatumi banya Imambu Poo Pyasi jiyamo doko keta banya mona retenge renge doko namwana monarena kulimbuo retakaya. Dokona lao Yesu epapala keyange pira lao suu pyaramano kata doko mona kendanyi pyambuo pii nara.

Orome 9:33

Lukumungi kana dokona lukumuyami doko Anatuya pii poo pyasi dokona lao, Kandalapape, nambame yuu Sayone wambu lukumarami lao kana reteyo. Kana dokona pyalyaminyapala pao palirami. Dopa piramopape mendali baa mona mairamo dokome baa elya nyii nara.

Dutaronome 12:12

Nakamape nakamana wane wanakepe nakamana kendemandepe dee Lipae rara nakamana taone dokona palaminyi dupwape peparae banya lenge kambu dokona ama rae wakasa maiyuo kararami. Lipae rara dupwa nakama rangena yuu mende pingyu see nara doko poraiyuo suu pyalapape.

Dutaronome 12:18

Nakamape nakamana wane wanakepe dupwape kendemande dupwape dee Lipae rara nakamana taone dupwana palenge dupwa peparaeme nakamana Kamongo Anatu dokome yuu mendakinde rombo palyiyamo dokona piso banya lenge kambu dokona nenge dupwa narami. Nao karo dokopa yuu dokona yulu peparae piminyi dupwana lao rae maiyuo kararami.

Dutaronome 12:7

Nakamana Kamongo Anatunya lenge kambu dokona nakamape nakamana ree palu dupwape nenge nao nakamame keyange nyelana lao yulu poraiyuo piyaminyi dokopa Anatumi elyape keta pisiyamo dokona ama rae wakasa maiyuo pisirami.

Dutaronome 8:10

Nenge peparae naramili lao nakama keta sera. Yuu amenge pingi nakamana Kamongo Anatu dokome nakama jiyamo dokona ange lao kararami.

1 Timoti 6:17

Wambu isa bange malu mee retenge dupwa moŋokyaŋe see nana lao poraiyuo lamairi. Bange peparae mee ingyuo isa para dupwana lao andanyi nembo mona nyii napala Anatumi bange monarena rae maiyuo kamongarami lao jiyamo dupwana rae maiyuo mona nyuo karena lare.

1 Jone 2:28

Kurisene wanenge ikinyingipi dupwa baa pano eparamo dokopa namwa eŋa nembo karo banya lenge kambu dokona inyimungu elya nao karapuli yaka lao epapu banya arapu dokona pisipwape.