Joele 2:24 - Anatunya Buku Baepole Ole Testamene Pii Lapo dee Nuu Tesamene

²⁴ Dokopa witi lukungi mare dokona nenge dupwa soo simbwara. Girapo olipi kingingi mauli pete dokona waene welepe ipwange dokome soo simbuo pyoko pyoko lao epo nyisa pao karara.

Joele 2:24 ပူးပေါင်းရင်းမြစ်များ

Isikiolo 36:8

Yuu doloma dopa pyakamirunupape Isaraele yuu kyau dupwana Isaraele wambunya lao isa dupwa deeyako yoko byalu lao angi jingi lyuo lokwaso palyuo piraŋa nakama oo repetale range anda epaminyi.

Joele 3:13

Nakama ama koo andake pilyaminyi. Dokona witi jingi wambu pilyamo pyakepo lyingi dopakale ingyuo nakama pyao pyakepo isa girapo jingi kalyuo pyaraku kingilyaminyi waene ipwange epo soo simbuo penge dopale ingyuo nakama kalyuo pyaraku piri.

Joele 3:18

Yuu gii dokopa girapo isa dupwa yuu kyau dupwana paeyo mee bange ingyuo andaramopa mena dupwa yuu kyau peparaena buu minyuo kararaminyi kandarami. Juta wambu dupwana ipwa epenge dupwana ipwa malu epara. Kamongona tembole anda dokona piso ipwa mende guu lao jerae pyao lupyuo eparamo dokome yuu Akasiya pau lama lama dokona isa andenge dupwa nenge pira.

Emosa 9:13

Kamongo dokome dopa letamo. Yuu gii mende pyaka seramo dokopa nenge dupwa waiya lao andara. Andapala jingi malu lyeramo dokona akali dupwame peparae kapa manjo otalana saka narami. Ipwa waene dupwa peparae waiya lao andapala jingi malu mee lyeramo dokona waene wasingi wambu dupwame wasingi panda soo simbwarasa wasalana saka narami. Dokopa enda akalipi peparae waene rende pingi malu mee nakama keta sera. Doko yuu kyau dokona ipwa palyuo simbwapala potemo neta penge dopale ingyara.

Malakae 3:10

Nakamame bange akalisa mendena mendena pyuo mendaki yapo nyepapu jerami dupwa peparae tembole anda dokona minyuo ipupwape. Minyuo eparami dokopa nenge kapa sera. Namba apa pilipi lao makande pyuo pipwape. Dokopa nambame yake panda bange singi dupwa lumbwapala nakama keta bange malu mee keyange dupwa kulimbuo jerono nakama kandarami.