Joele 2:21 - Anatunya Buku Baepole Ole Testamene Pii Lapo dee Nuu Tesamene

²¹ Dokona yuu dupwa paka nalapape. Kamongo dokome nakamana lao yulu peparae pyakalyamo dokona rae maiyuo karalapape.

Joele 2:21 ပူးပေါင်းရင်းမြစ်များ

Jenesese 15:1

Yuumange lama papeyamopa Kamongome Aporame keta pii repa repa pyuo lamaiyuo lao, Aporame emba paka napipi. Namba embena konambe ingyuo karo. Embena yole andake ingyuo paramo nyere, leya.

Aisaya 35:1

Yuu bange anda nange muiyane doko rae wakasa maira. Yuu dopale dokona kalya pingi isa dupwa jingi lyuo rao karara.

Aisaya 41:10

Namba nakama pipya role karapunu pilyamoŋo pakame kumuo kara nalapape. Namba nakamana Anatuŋu bange mendemepe nakama keta paka mona palyinyi pyambwa nanale. Nambame nakama porainyi pyambuo nyiso kararo. Namba konambena mendeke alya isa ingyuo kyawa lete nyuo nyiso kararo.

Aisaya 44:23

Kamongome banya yulu andake pyuo lasaka pyuo banya Isaraele wambu dupwa nyiso pyuo lete nyiya dokona nakama yake panda dorenape isa yuu rapunya palenge dupwape dee imwa isape yuu kyaupi dupwa nakama pii ketae palyuo lao rae maiyuo karalapape.

Aisaya 54:4

Emba dee kamba elya nyii nare ingilyamo dokona pakame kumuo kara napipi. Dee mendeme emba nyuo isa palya narami. Enda akalingi kanda soo nyepala yulu mondo lao pii napala elya nyuo petengenyili pyuo petee kande dopako pyuo parende daa. Enda waiya ingyuo kale paka paka leyamo peteene kande dokona kame sere.

Aisaya 55:12

Nakama yuu Bapilone mona seramopa raeme kumuo yaki nyerami. Yuu kyau kuki andakepe nakama paraminyi kata dokona silyamo dupwame puli pyao kenane pyarami dee isa dupwame rae maiyuo pii ketae palyuo larami.

Osia 2:21

Yuu gii dokopa nambana Isaraele wambu dupwana ateŋa dupwa isingi yano pyakamyuo isa yuu dokona nambame apu peyo piru.

Joele 2:20

Aimbu dupwame nakama pyalena lao dulurena karo epeyaminyi dupwa lapo yuu muiyane dokona pena laro. Dee lapo wambo epeyaminyi dupwa Kumungi Ipwa dokona ralinya nembaro. lapo enakaminyi dupwa Ipwa Kota Metiteraniane dokona ralinyi nembaroko. Dokopa nakamana yongo kumasi dupwa rumbyuo ai pyara. Nambame dopa pyuo dupwa pyao kokwa sero doko nakama peparae kando piyaminyi dokona isingi yano nyakarosa pira.

Joele 2:26

Epapu nakama nenge malu seramo napala sikya piramo kararami. Nakamana Kamongo Anatu yulu keyange nakamana lao pyakayamo doko lakandarami. Dokona rara lapome nambana wambu dupwa dee kamba kilya kando laka narami.

Dutaronome 4:32

Nakama manjipa nayaminyipa yuu gii wamba dokona doko kapu kyuo suu pyalapape. Yuu dakena Anatumi akali mupwa wambo wasiyamo doko piso suu pyao karalapape. Nakamame yuu muu silyamo kipwa kipwa dupwana peparae pao kandalapape. Yulu andake pilyamo dopale mende wamba piyase? Wambu mendeme pii dopalepe mende wamba siyamisi?

1 Samyuele 12:16

Dokona lao nakama karaminyi dokona mee karapala Kamongo dokome yulu andake mende pinya suu pilyamo doko piramo kandalapape.

1 Samyuele 12:24

Dokopa Kamongo kando warombo soo nakama mona maipala banya yulu dokona poraiyuo pyamalyapala yaki nyii nao pyakamirami. Dopa pipala baame nakama keta yulu andake pyakayamo doko suu pyaro karalapape.