Joele 2:18 - Anatunya Buku Baepole Ole Testamene Pii Lapo dee Nuu Tesamene

¹⁸ Enakana Kamongo dokome banya yuu doko suu pyao kondo karapala banya wambu dupwa kondome kumuo piya.

Joele 2:18 ပူးပေါင်းရင်းမြစ်များ

2 Kiŋi 19:31

Yuu Jerusalemepe dee yuu kyau Sayonepe wambu pisiraminyi dupwa lapo lete ando kararamiŋi lao Kamongo dokome poraiyuo suu pyao leyamuli pyuo kararami.

Samu 103:13

Rakangeme banya ikinyingi kando yako yako lao anjiki pinginyili pyuo Kamongome wambu baa ketae pyambungi dupwa pipya anjiki pingi.

Samu 103:17

Dopa pyuo pelyamopape wambu baa kingi ketaepyambuo lakandaraminyi dupwa Kamongona mona retenge doko nakama keta sulu soo singi.

Aisaya 42:13

Kamongo ami yanda singi porai paka nao kyawame suu lao yanda pela panya karengenyili piru karamo. Baa yanda pinya mata kui lapala rapa rapa piru karamo. Baame yanda lakana lao pyuo karamo. Banya porai renge doko dopakaleŋe lao yanda pimwai dupwa pyao lasaka pira.

Aisaya 60:10

Kamongo dokome Jerusaleme kando dopa letamo. Wambu yuu wakale range dupwame nakamana kana kame awali lao doko dee kamba pyakarami. Dokopa wambu dupwana kiŋi dupwame nakamana yulu pyakarami. Nambana imbu singi dokome nakama randa jiyu. Dopa piyunupape dakepa nambame nakama epe kando sakame kumuo kararo.

Aisaya 63:15

Kamongo embena yake panda poo pyasi neta renge yuu dokona palyuo karene dokona karo namwa kandanyi peyo kandape. Embena namwa poraiyuo suu pingi doko anja silyase? Embena porai renge doko anja silyase? Embame namwa mona reto kondange renge doko anja silyase? Namwa pipya kandele kanda nale laa napipi.

Aisaya 63:9

Doko aŋala mendeme nakama nyiso kyawa lete nyiyande daa. Kamongo baa rangeme nakama nyiso kyawa lete nyiya. Banya mona reto kondange renge dokome nakama kiiramo nyiya. Wamba dokopa baame nakama yuu peparae au pyuo rapu pyakamiya.

Jeremaya 31:20

Isaraele nakama nambana wane mona wakasa retenge ingyuo karaminyi. Wane nambame mona angingyuo retenge dupwa nakama iki. Yuu lapo nambame nakamana kingi dokona arome pyao dokopa nambame nakama mona reto suu pyao lenge. Nambana mona doko nakama keta silyamo. Nambame nakama sakame kumuo kararo.

Luku 15:20

Lapala sipurapala banya rakange kareyamo dokona epeya. Epo dokopa donosa epeyamo dokopa banya rakange dokome baa kandeya. Kandapala kondaya. Kondapala makando pao kupyuo nyuo nyinyi piya.

Dutaronome 32:16

Nakamame isa kanapeme wasisi dupwa kando lakandeyami dokome Kamongopa yango palyinyi pyambuyami. Dee yulu koo piyaminyi dokome Kamongo imbwanyi pyambuyami.

Dutaronome 32:36

Kamongo banya wambu dupwa rale male lapala poraiyapa naramo kararaminyi dokopa koo dupwa neta rekya lanyi nembo nyera. Banya yulu pingi dupwa iki ingyuo saka nao karelyaminyi kandapala dokopa sakame kumuo nyisara.

Dutaronome 32:43

Dokona yuu mure lao Kamongona wambu dupwa lakandarami ingilyamo. Kamongome banya wambu pyao kumakaelyaminyi dupwa isingi pyao randa maira ingilyamo. Dokopa baame banya yanda pimwai dupwa keta yano nyuo banya wambu dupwana koo dupwa nyuo kame sakamyuo pingi, leya.

Jemesa 5:11

Akali mona kumapala pyuo kareyami dupwa enakana rae maipala pengeŋe lenge kandale. Akali Jopo baa maka napalako pyuo kareya doko nakama peparae silyaminyi. Kamongo baame kondapala wambu sakame kumuo karenge dokome Jopo keta enakana mondo lanyi pyambuo maiya.