Joele 2:14 - Anatunya Buku Baepole Ole Testamene Pii Lapo dee Nuu Tesamene

¹⁴ Mende ramo namwana Kamongo Anatumi randa jelana suu pyara doko alowa pipala namwa keyange keta pyambuo ee nenge dupwa ama malu jera. Dokopa namwame nengepe waenepe dupwa Kamongo doko mairama.

Joele 2:14 ပူးပေါင်းရင်းမြစ်များ

2 Samyuele 12:22

Dapitimi isingi lao, Waa. Kinyi wane baa mee lenge rao peteyamo dokopa namba nenge wasaka pyuo ee lao peteyo. Renge doko Kamongome namba kondome kumuo nyisapala wane doko kumunya laka nara lao suu piyu.

2 Samyuele 16:12

Kamongo dokome nambana mona randalyo doko kandapala namba koo keta palyuo pii lapyamo doko alowa pyuo namba elyape keta pisara rapisi.

2 Kiŋi 19:4

Yuu Asiria kiŋi akali dokome banya akali mupwa dokome Anatu lete karenge doko kando kilya kando lala pena leya. Embena Kamongo Anatu dokome doo kilya kando letaminyi wambu dupwana pii sepala nakama randa mainya. Dokona lao namwana wambu lapo mee lete piso petaminyi dupwana lao Anatu keta ateŋa lakaminya lena leya.

Ekesetase 32:30

Yuu gii yangama dokopa Moseseme wambu dupwa lamaiyuo, Nakamame yulu koo dae pimi dake kamame koo ingyuo pelyamo. Dokona epapu namba yuu kyau Kamongo karamo doko dee kamba paro. Papala nambame nakamana koo dupwa nyuo kame sakana lao piso sero dokopa baame kame sakara rapisi, leya.

Jeremaya 18:8

wambu dupwana suu pingi yulu koope dupwa mata maiyuo kaeyarami ramo dokopa namba laro dokona palya nao alowa pyuo kaeyaro, leya.

Jeremaya 26:13

Nakama palyuo karo pilyaminyi kata dupwape dee pilyaminyi dupwape alowa pipwape. Pipala nakamana Kamongo Anatu dokona pii laramuli pyuo kamba laa nao pipwape. Dopa pirami ramo dokopa baame randa mende peyo pyao kokwa sero leyamo doko alowa pipala kaeyara.

Jeremaya 26:3

Wambu dupwame pii doko sepala nakamana yulu koo dupwa kame soo yaki nyerami rapisi. Nakamana yulu koo dupwa peparaena nambame nakama keta randa mairu lao rapa rapa piyu doko nambana suu pingi alowa pyuo kaeyaro.

Joele 1:13

Nakama purisi dupwa Kamongona kana pyare lasi dokona bange kiso maingi dupwa kumanda piso komau pingi dupwa pipala tembole anda dokona papala yuu gii ee lao piso yanganyi retalapape. Nakamana Anatunya anda dokona nenge waenepe mairami mende see nalyamo dokona dopa pyuo pisipwape.

Joele 1:16

Namwana lenge angi dokome wambo kandamwanopa nenge jingi dupwa kokwa sinyi nembapya. Dokopa namwana Anatunya tembole anda dokona rae maingi renge mendepe see nalyamo.

Joele 1:9

Waene nengepe tembole anda dokona Anatu mairami mende see nalyamo. Dokona purisi dupwa Kamongo nenge jingi maingi dupwa ingi rando karaminyi.

Emosa 5:15

Yulu koo dupwa epe kanda nao karapala yulu rolae dupwana mona nyuo pyuo karalapape. Nakamame kote pii dupwa rolae angi dokona palyuo lao karalapape. Dopa pyuo kararami ramo dokopa Kamongo dokome nakamana rara dokona mee kyaka petaminyi dupwa sakame kumuo karara rapisi.

Jona 1:6

Dokopa akali sipu minyingi mupwa dokome baa dokona paleyamo kandapala dopa lamaiya. Emba akipamo luu palese? lao piso siya. Sipurapala embena anatu dokome nyisinya lao piso sinya. Mende pyuo baame namwa kondapala kuma nalamisi lao nyisaramo nakandena.

Jona 3:9

Dopa piramano dokopa Anatumi banya suu pingi alowa pipala doko imbwa nara ramo doko namwa dee kuma narama, leyami.

2 Timoti 2:25

Baa akali kamba lao karenge dupwa kando anjiki koo pyuo nakamana yulu kyai pilyaminyi dupwa lao rolakamirasa pira. Baame kamba lenge dupwa kando anjiki pyuo lara ramo dokopa Anatumi kata wapwakamiramopa nakama mona kapu kyuo pii angi doko serami ingyara.

1 Samyuele 6:5

Nakamame amungipi wiipi nakamana yuu dokona kokwa soo randa jipya doko suu pyao bange yale wasarami. Wasapala Isaraele wambunya Anatu doko keta nakamana koo dupwa polo lao banya kingi lakando ketae pyambwarami. Nakamame dopa pirami ramo dokopa Anatumi nakamape nakamana anatupi dee yuupi dupwa pyao kokwa soo randa jii nara rapisi.