Jeremaya 52:27 - Anatunya Buku Baepole Ole Testamene Pii Lapo dee Nuu Tesamene

²⁷ Dokona yuu Bapilone kiŋi dokome nakama randa andake maipala pyao kumakana leya. Dopa pyuo Juta wambu dupwa nakamana yuu yaki nyuo karapusi pyao minyuo yuu wakale peyami.

Jeremaya 52:27 ပူးပေါင်းရင်းမြစ်များ

2 Kiŋi 23:27

Kamongome lao, Nambame Isaraele wambu dupwa keta yulu piyunu dopale ingyuo Juta wambu dupwa nambana lenge kambu dokona nyisa nembaro. Nembapala Jerusaleme taone namba rombo palyiyu dokope dee tembole anda dokona wambu dupwame namba lakandarami ingilyamo lao leyono dokope namba yaki nyuo kaeyaro, leya.

Aisaya 43:28

Nakamana akali isingi dupwame nambana tembole anda kokwa soo kwaenyi nembeyami. Dokona lao nambame Isaraele wambu dupwa keta randa maiyuo nakama namba rangena wambu dupwa elya nyinya lao pyuo piyu.

Jeremaya 20:4

Kamongo baa rangeme lao, Nambame emba range paka renge joo dee embena puu minyingi dupwa maiyuo pirunupa nakama peparae nakamana nyisu petenge dupwame wua gelame pyao kumakaraminyipa emba kandare, leya. Nambame Juta wambu dupwa peparae nyuo Bapilonena kiŋi akali doko keta mairunupa baa lapo karapusi ingyuo puu maiyuo nyuo banya yuu dokona lanyuo pao dee lapo pyao kumako pira, leya.

Jeremaya 52:9

Kiŋi Nepukatenesa yuu taone Oripila lenge yuu Amate dokona singi dokona kareyamo dokona kiŋi Setekaya baa karapusi pyao lanyuo peyami. Peyaminyi dokopa kiŋi Nepukatenesame piso soo kote sepala baa koo piya, leya.

Isikiolo 33:28

Yuu doko ketange pyanyi nembaro. Renge porai lapo palipyamo eneko kaelyaminyi doko nyuo mee inginyi nembaro. Isaraele dokona yuu kyau dupwa apa yuu ingyuo seraronopa wambu kapa parami ingya nara.

Maeka 4:10

Jerusaleme wambu dupwa enda wane manjana nenge sisi pyao ee lenge doko suu pyao ee poraiyuo lalapape. Epapu nakama yuu taone andake doko yaki nyuo pao yuu mee langa pau dupwana palirami. Nakama yuu Bapilone parami. Dopa pyuo yuu dokona yanda pimwai dupwame pyalena piraminyipape Kamongo dokome nakama kiiramo nyeramo eparami.

Dutaronome 4:26

Nambame yake dokopa isa yuu dokopame epapu nakama pipya pii langilyu dokona usinisi ingyuo lakaramiŋi lao kee leto. Nakamame nambana pii warombo see narami ramo doko nakama oo repeta yuu dakena pali nalomene. Doko ipwa Jotane yalo nakama yuu dokona palinya suu pilyaminyi dokona yuu gii andare palyuo kara narami. Nakama pyao kokwa soo nembalu nembo nembaro.