Jeremaya 52:25 - Anatunya Buku Baepole Ole Testamene Pii Lapo dee Nuu Tesamene

²⁵ Yuu taone dokona akali mende Juu yanda singi ami dupwana mupwa ingyuo karenge dokope akali yanda ipingi nyepo kiŋi doko kando dopa pyuo piri dapa pyuo piri lao nyiso lenge dusipa mee yuu dokona kareyami dupwape dee yanda singi ami dupwa pepa pyakamingi akali dokope dee akali kamongo lapo akalisa pakinyamange dupwa pipya puu maiyuo nyuo peya.

Jeremaya 52:25 ပူးပေါင်းရင်းမြစ်များ

2 Kiŋi 25:19

Yuu taone dokona akali mende yanda singinya mupwa ingyuo iso karenge dokope dee akali kingi paki kiŋi doko dopa pyuo piri dapa pyuo piri lao nyiso lenge yuu taone dokona pyarepala pao kareyami dusipape yanda singi mupwa iso karenge dokona pepa dupwa isakamingi akali dokope dee akali mupwa akalisa pakinyamange dusipape opetae nyuo minyuo peya.

Jeremaya 36:10

Dokopa wambu dupwa peparae soo peteyaminyipa Barukumi pepa kao pele pele lasi dokona nambame pii leyono dupwa mende isa nemba nao wai lyaro soo yaka leya. Baa doo piyamo doko kiŋinya pepa pingi akali Gemaraya lenge Sapanena ikinyingi dokona panda kuki dokona karo piya. Banya panda kuki doko tembole anda dokona Kame Kambu Enenge konandowame dorena malu palyuo pii lenge panda ketae dokona ingyuo singi.

Matyu 18:10

Wambu kuki karaminyi dapwana mende kando angi daaŋa lao suu pyasarama lao waso karalapape. Dokona lao nakama dopa langilyu. Wambu kuki dupwana aŋala dupwa yake panda dokona karapala nambana Rakange yake panda karenge dokona lenge kambu kando karaminyi.