Jeremaya 36:32 - Anatunya Buku Baepole Ole Testamene Pii Lapo dee Nuu Tesamene

³² Dokopa enakana nambame buku kao pele pele lenge mende wakale nyepala nambana pepa pyakange akali Baruku maiyunusa akali dokome nambame pii lamaiyu dupwa peparae pyao reteya. Buku kao pele pele lasi wambo kiŋi Jiyoakwimi isarena kisiyamo dokona palenge dusipana mende pyarepala para kando lao peparae pyao reteya. Dee nambame pii dopale lapo lamaiyunu dupwa opetae konda pyuo pyao reteyako.

Jeremaya 36:32 ပူးပေါင်းရင်းမြစ်များ

Ekesetase 34:1

Kamongome Mosese lamaiyuo lao, Kana wambo dopale ingyuo embame kana lama kunjo wasape. Wasarene dokopa kana wambo embame pyao poro leene dolapona pii paleyamo dupwa nambame dee kamba pyao retaro.

Jeremaya 36:18

Dokopa Barukumi isingi lao, Jeremayame pii peparae langipyamopa nambame pepa kao pele pele lasi dakena pyanjilimi pyapu, leya.

Jeremaya 36:23

Dokona akali Jutimi pepa pyasi dokona lane remape kisimape mende yaka lapeyamo dokopa kiŋi dokome kema wua kuki mendeme kunjapala isarena kiso peteyamo pao buku kao pele pele lasi doko rao oteya.

Jeremaya 36:4

Dokona lao Nerayana ikinyingi Baruku kee lao nyepala Kamongome namba pii langiyamo dupwa peparae lamaiyu. Dokopa pepa yoko kao pele pele lasi dokona Baruku pyao palyiya.

Daniele 3:19

Dokopa Setarake Mesake Apenekomoo kando kiŋi Nepukatenesa baa ama lenge kambu poro imbu manjo wakasa imbwaya. Imbwuapala banya akali dupwa lamaiyuo isare doko ama andake ingyuo rena leŋe yuu yanda ipingi ingyuo isa pyambuo kisinya leya.

Daniele 7:1

Ee kana mupwa dokopa akali Belesasa baa kiŋi ingyuo yuu Bapilone dokona kareya dokopa namba Danieleme kombeya pipala kukwa dokopa pii repa repa pyuo kandeyo. Kandapala kombeya angi doko pepana pyao reteyo. Kukwa dokopa angi dake kandeyo doko dee pyasi palamo.

Orome 16:22

Namba Tetiasa lenge dokome Polena kambunya pii ipyamo doko nyepala pepa pase dake pyakamilyu. Namba dokome Kamongona kingi dokona lao nakama yako leto.

Orepalaisane 22:18

Namba Jone, mende piraŋa lao pii pyasi palamo dupwa serami wambu dupwa keta langyuo wambu pyuo leto kande. Doko mendeme pii dakena konda pyuo pyao pira ramo doko Anatumi yulu koo buku dakena pyasi palamo dupwa baa keta karala pena lara.