Jeremaya 36:12 - Anatunya Buku Baepole Ole Testamene Pii Lapo dee Nuu Tesamene

¹² Sepala baa kiŋinya anda dokona peya. Pao kiŋinya pepa pingi akali dokona panda kuki dokona akali mupwa dupwa pii wato lao peteyaminyi dokona peya. Peteyaminyi akali dokona mende kiŋinya pepa pyakamingi akali Elesema dee mende Semayana ikinyingi Delaya lenge mende akali Akipona ikinyingi Elanatane lenge mende Saparena ikinyingi Gemaraya lenge dee mende Ananayana ikinyingi Setekaya lenge dee akali mupwa wakale lapo opetaeko dokona peteyami.

Jeremaya 36:12 ပူးပေါင်းရင်းမြစ်များ

2 Kiŋi 22:12

Kangwapala baame purisi akali Ilikayamoo akali Sapanena ikinyingi Ayikamemoo dee akali Maekayana ikinyingi Akipomoo dee kote singi dokopa pepa pingi akali Sapanemoo dee kiŋi dokona role pyao nyiso papingi akali Aisayamoo pipya pii dapwa lamaiyuo lao,

2 Kiŋi 22:14

Akali Ilikayamoo Ayikamemoo Akipomoo Sapanemoo Asayamoo papala poropeta enda Uluta lenge yuu Jerusaleme enenge ingyuo pyuo nyokonyiyami dokona palenge doko piso sela peyami. Banya akalingi doko Salumi lenge akali Tikipana ikinyingi Atasena kauwange doko tembole anda dokona komau dupwa baame rapu pyuo karenge. Nakamame doo piyamo dupwa enda doko lamaiyami.

2 Kiŋi 22:3

Ee kana akalisa mange lama karo kiŋi yulu pyuo iso kareyamo dokopa Josayame kote singi dupwana pepa pingi akali Sapane lenge akali Asalayana ikinyingi akali Mesulamena kauwange doko tembole anda dokona pena leya.

2 Kiŋi 24:8

Jiyoakini baa ee kana akalisa ipisu mange lama karo dokopa baa Juta wambunya kiŋi kareya. Karapala baame yuu Jerusaleme dokona kana rema nembo kiŋi ingyuo iso kareya. Banya endangi doko Nekusitane lenge yuu Jerusaleme range akali Elenatane dokona wanenge.

Jeremaya 26:10

Dopa piyami doko Juta lita akali dupwame sepala nakamame kiŋinya anda doko yaki nyuo waiya lao tembole anda dokona papala Kame Kambu Enenge palyiyaminyi dokona isaro kareyami.

Jeremaya 26:22

Dopa piyamopape kiŋi Jiyoakwimi baame akali Akipona ikinyingi Elanatane dee akali lapo pipya yuu Isipi dokona akali Yuraya nyela pena lao nembeya.

Jeremaya 26:24

Dopa piyaminyipape namba Jeremayame akali Aikami Sapanena ikinyingi dokona matarena karo yulu piyu dokome wambu dupwame pyao kumakana lao mai nayami.

Jeremaya 36:25

Akali Elanatanemoo Delayamoo Gemarayamoo dusipame buku kao pele pele lasi doko kiŋi dokome kisa napyali lao piso sokondali pyuo leyaminyipape baame nakama doko mende lalyaminyi lao see naya.

Jeremaya 38:4

Dokopa akali mupwa dupwame kiŋi doko peteyamo dokona papala lamaiyuo lao, Akali dake pyao kumakamana. Baame pii dopale lapya dokome yuu taone dokona yanda singi karenge dupwa paka renge manjinyi pyambuo letamo. Dee wambu pyarepala pao yuu taone dokona pisiminyi dupwa dopako pinyi pyambuo letamo. Akali dakeme wambu dupwa nyisalana suu pyao laa nalyamo. Baame wambu dapwa isa nenge kara nange dokome suu lao randa maiyuo letamo, leyami.