Jeremaya 31:33 - Anatunya Buku Baepole Ole Testamene Pii Lapo dee Nuu Tesamene

³³ Kana minyuo lalu lao lenge pii enenge nambame Isaraele wambu pipa larono doko dapale ingyara. Nambana lowa dupwa nakamana mona anda dokona pyao retapala nakamana suu pingi dokona pyao palyakaro. Dopa pipala namba nakamana Anatu angingyuo kararonopa nakama nambana wambu angingyuo parami.

Jeremaya 31:33 ပူးပေါင်းရင်းမြစ်များ

2 Samyuele 7:24

Isaraele dupwa embame emba rangena wambu ingyuo puu parami lao rombo palyapala emba Kamongo doko namwana Anatu angingyuo karenge.

1 Kiŋi 8:58

Baame namwana rora ambasupi dupwa keta mawa piipi lowa piipi maiyami dupwa minyuo dee namwa yuu peparae baame laramuli pyuo pyuo kararama lao baame namwa warombo soo pyuo karalamisi lao pinya.

Samu 37:31

Baame banya Anatunya lowapii dupwa mona anda dokona reto minyingi. Yuu mendepe reto yaki nyuo kaeya nange.

Samu 40:8

Emba suu pyarenyili pyuo piri. Embena mawa pii doko nambana monarena manjo karenge, leya.

Samu 40:9

Embena wambu dupwa wato leyami dokona nambame waili pii embame nyisiinyi doko polo lamaiyu. Nambame wambu dupwa kaeya nao lamaiyuoko kararo doko emba silini.

Ekesetase 6:7

Dopa pyuo nakama namba rangena ingyuo nyepala namba nakamana Anatu ingyuo kararo. Dokopa namba nakamana Kamongo Anatu dokome Isipi wambu dupwa randa joo kareyaminyipa moko nyii kande dokolyamo lao serami, leya.

Poropepe 7:3

Yuu gii peparae nambana mana pii doko kandokondali pyuo minyapala embena mona andarename pepa ingyuo pyasi palena.

Jeremaya 31:1

Kamongo dokome lao, Namba Anatu Isaraele rara peparaena ingyaronopa nakama nambana wambu ingyarami yuu gii doko repeta epelyamo.

Isikiolo 37:27

Namba doo nakama paliraminyi dokona palyuo kararo. Dopa pyuo namba nakamana Anatu ingyuo kararonopa nakama nambana wambu ingyuo kararami.

Osia 2:20

Nambana lalu lao lenge pii doko range yaki pyuo minyaronopa nakama nambana ingyarami. Dokopa nakamame namba Kamongo dokoŋo lao soo nyerami.

Jone 20:17

Yesumi baa lamaiyuo, Embame namba minya kae. Namba Rakane karamo dokona ene pulyuo papa nalyo. Nambanape nakamanape Rakange Anatu karamo dokona namba pulyuo pelyamo lao emba nambana yangonge dupwa lamaiyala puu leya.

Orome 11:27

Nambame nakamana koo dupwa nyuo nembakamipala nakama pipya lao kana minyaro leya.

Orome 7:22

Kinyi nambana mona andarena Anatunya lowa doko mona retelyo.

2 Korina 3:3

Koraisa baa range pepa dake pyapala namwa keta minyuo pupwa leya doko silyamano. Pyanjilyi ipwange dokome Mosese kana dolapo nyiya dokona makande minyuo pyasi pali nalyamo. Anatu lete karengena Imambu dokome isa wambunya mona anda dokona pyao reteya.

Dutaronome 30:6

Dopa pyuo karo dokopa nakamana Kamongo Anatu dokome nakamana monarena baapa rape rape lao karenge renge doko jeramopa nakamana mona imambupi peparaeme baa mona retapala yuu dokona nao palyuo karalu kararami.

1 Tesalonaika 4:9

Nakamana sukusa wambu yango mona retami mana langirunde daa. Anatumi nakama range dopa pyuo mona retarami lao rolae mana langiya.

Ipuru 10:16

Kamongome lao dokopa, yuu gii doko pyaka separamopa lalu lao lenge pii dake nakama pipya laro nambana lowa dupwa nakamana mona anda retapala suu pingi dokona pyao palyakaro letamoko.

Ipuru 8:10

Dokona lao lalu lao lenge pii enenge mende Isaraele wambu pipa laro letamo. Doko nambana lowa dupwa nakamana suu pingi dorena retaro. Nakamana mona anda dokona nambana lowa dupwa pepana ingyuo pyao retaro. Nambame nakamana Anatu angingyuo kararonopa nakama nambana wambu angingyuo parami.

Orepalaisane 21:3

Dokopa kiŋinya petenge isa dokona piso pii rekyae lao, Kandalapa epapu Anatu baame wambunya raka dokona sukusa palamo. Baa nakama pipa palyuo karo piramopa nakama banya wambu ingyuo parami.

Orepalaisane 21:7

Mendeme koo dupwa nyuo anamasi minyaramo dokona nambame baa elyape keta piso banya Anatu ingyuo paronopa baa nambana wane angi ingyara leya.