Jeremaya 31:32 - Anatunya Buku Baepole Ole Testamene Pii Lapo dee Nuu Tesamene

³² Pii enenge kana minyuo lalu lao larono doko nakamana kauwanemoo pipa yuu Isipi dokona neta nyiyu dokopa nambame kii minyuo pao kana minyuo pii lalu lao leyono dopale daa. Dokona namba nakamana akalingi dopale ingyuo kareyonopape nakamame kana minyuo pii lalu lao lenge doko minyuo pyuo kara nayami.

Jeremaya 31:32 ပူးပေါင်းရင်းမြစ်များ

1 Kiŋi 8:9

Isaraele wambu dupwa yuu Isipi piso epeyaminyi dokopa Kamongome nakama pipya kana minyuo lalu lao leyamopa Moseseme yuu kyau Sainai dokona karo pii dupwa kana lamana pyasi doko Kana Minyuo Lalu Lao Lenge Pii Palenge Bokote dokona palyiyamo dolapoko iki paleya.

Samu 73:23

Dopa pipunupape namba embapa role pyao karapunu dokona lao embame nambana kingi minyaro karene.

Ekesetase 19:5

Epapu nakama nambana pii warombo soo kana minyuo lalu lao lenge pii doko minyaro kararami ramo doko nakama namba rangena wambu ingyalu ingyuo ingyarami. Isa yuu dake peparae nambana ingyapyamopape nakama nambana rombo palyisi wambu ingyarami.

Ekesetase 32:8

Dopa lao, Nambame nakama mawa pii lamaipala moko minyuo pinya leyono doko yaki nyuo otami. Dopa pipala nakama kana golo kiso lili lapala mena bulamakao mende wasami. Wasapala doko lakando mena pyao kiso maimi. Maipala nakamame lao, Dake namwana anatu namwa yuu Isipi yaki nyuo lanyuo epeyamo dokoŋo, lami.

Aisaya 41:13

Namba nakamana Kamongo Anatu doko ingyuo karo. Nambame porainyi pyambuo lao, Nyisaroŋo dokona paka nalapape lapunu pilyamo.

Aisaya 54:5

Bange peparae pyuo wasiyamo doko embena akalingi mendeke ingyuo karara. Dokona lao Kamongo Porai Wakasa letamano doko banya kingi dokosa lenge. Isaraele wambunya Anatu poo pyasi dokome nakama nyiso kyawa lete nyera. Doko baa yuu muu peparaena mupwa ingyuo karamo.

Jeremaya 2:2

Wambu peparae Jerusaleme petaminyi dupwa wai pii dake lamaila pupi. Nakama wane ene dokopa namba yaki nyii nao suu pyao mona reto kareyami kande lao suu pyao karapunu pilyamo. Enda mapwae kanda soo yapo nyepala dokopa mona retalamuli pyuo nakamame namba mona reto kareyami. Nakama yuu muiyane dokonape dee yuu ee nengepe wara pii nange dokonape nakama namba moko minyuo epeyami.

Jeremaya 31:1

Kamongo dokome lao, Namba Anatu Isaraele rara peparaena ingyaronopa nakama nambana wambu ingyarami yuu gii doko repeta epelyamo.

Osia 11:1

Kamongo dokome leya. Isaraele wambu dupwa wane nyaŋana mendeke ingyuo kareyaminyi dokopa nambame mona reto kareyo. Karo yuu Isipi yaki nyuo nambana waneŋe lao neta epena leyo.

Osia 2:2

Nambana wane wanake dupwa. Nakamana endakinyi doko lamaiyuo, Baa nambana etenge ingya nalyamo. Namba banya akalingi ingyuo kara nalyoko lao letamo lao lamaikondali pipwape, leya. Baa lamaikondali pyuo baa akali kepo pingi yulu doko kaena larami.

Osia 3:1

Kamongome namba dopa langiya. Enda baa akalingi wambo dokome mona reto karapyamopa wakaleko kepo pyuo pelyamoŋo doko baa range deyako pao mona retala puu, langiya. Isaraele wambu dupwame isa girapo jingi kiso isa kanape wasisi anatuŋu lenge dupwa mailyaminyi. Maiminyipako nakama mona reto karo doko suu pyao embame enda doko mona reto karape.

Make 8:23

Piso siyami dokopa baa akali lenge kwaenge dokona kingi nyepala kii minyuo anda karenge dokona kareyami doko yaki nyuo peyambi. Papala Yesu akali lenge kwaenge dokona kepakali kyasinyi pisakamipala kingi dokome minyandapala baa piso siya. Lapo kandelepe? leya.

Jone 3:29

Akali enda nyera ingilyamo doko nyera. Dokopa banya andare dokome banya pii soo raerae minyuo karenge doko suu pyao namba epapu raeme kumuo karo.

APOSELENA YULU 23:19

Yanda singi mupwa dokome akali parange dokona kingi doko nyepala lanyuo kakondo papala yalu pyuo piso soo, Embame namba aki mende langiri? leya.

2 Korina 11:2

Anatumi nakama poraiyuo suu pyapyamuli pyuo nambame dopako pyuo suu pyao karo. Nakama enda mapwae pepo kareta, akali role pyaa nange akali mendaki nyelana rombo palyisi petenge doko dopale ingyuo karaminyi. Nakama akali nyerami doko Koraisa.

Dutaronome 31:16

Panapala dokopa Kamongo dokome Mosese lamaiyuo lao, Emba repeta kumare ingilyamo. Kumaparene dokopa enakana wambu dupwame namba mona jii napala nambana nakama pipya kana minyuo lalu lao leyamo pii dupwa kamba larami. Nakamame namba kame soo kaepala yuu nyuo palya panya pilyaminyi dokona mee bange anatuŋu lao lakandenge dupwa lakandaramilyamo.

Dutaronome 31:20

Nambame nakama yuu amenge pingi nakamana rakange kyawa dupwa kando mairuŋu lao lalu lao leyo dokona lanyuo paro. Paronopa nakamame nenge nalana suu pyaraminyi dupwa kapa nao mona minyarambu mona nyeramo kararami. Dopa piraminyipape namba mata jepala mee bange anatuŋu lao lakandenge dupwa mona nyuo lakando kararami. Nakamame namba epe kanda nao yaki nyepala nambana mawa pii palenge kamba lao nembarami.

Ipuru 8:9

Kana minyingi pii dake nambame nakamana kauwanemoo pipa Isipi dokona neta nyiyu dokopa kii minyuo papala lao reteyo dopale daa. Lalu lao leyo pii doko yalo kareyamisa nakamba mata maiyuo kaeyo letamo Kamongome.