Jeremaya 31:18 - Anatunya Buku Baepole Ole Testamene Pii Lapo dee Nuu Tesamene

¹⁸ Isaraele wambu dupwa mona randame kumuo laminyi doko namba silyu. Kamongo namwa mena kali rae lenge mona kana pokonge dopale ingyuo kareyama. Dopa piyamanopape namwa kamba lao nao warombo selapa lao mana langii kande. Emba Kamongo, namwana Anatu. Namwa emba keta lanyuo ipupi. Dokopa kapu kyuo emba karene dokona epanya epelyamano.

Jeremaya 31:18 ပူးပေါင်းရင်းမြစ်များ

Jopo 5:17

Wambu mende Anatumi sukunde ingyuo kiso rolara dokopa rae maiyuo karare ingilyamo. Dokona pyalana pyuo mana leya kande dokopa kapa laa nalyamo lao suu pyaa napipi.

Samu 118:18

Baame namba poraiyuo yasuko nalasi lao randa jipyamopape kumunginya palyuo jii nange.

Samu 32:9

Mena osepe panda dongepe kyakange ingilyamosa pii rape rape lao simili lao nenge katana kapa bange poraipi puupi dolapome anjapala minyilyaminyi paenge dopale ingyuo kara nalapape.

Samu 80:19

Kamongo Anatu Porai Wakasa dokome namwa range sukusa nyepe. Embena sakame kumungi renge doko lasaka pirinyi dokopa namwa kyawa minyinyale.

Samu 80:3

Anatu embame namwa range sukusa nyepe. Embena sakame kumungi renge doko lasaka pirinyi dokopa namwa kyawa minyinyale.

Samu 80:7

Anatu Porai Wakasa dokome namwa range sukusa nyepe. Embame sakame kumungi renge doko lasaka pirinyi dokopa namwa kyawa minyinyale.

Poropepe 3:11

Wane, emba sukunde ingyuo kiso rolo randa jiyu kande dokopa meeŋe lao suu pyaa napipi.

Aisaya 1:5

Isaraele akipamo embame yanda pimwaiyuo puu pelepe. Emba dee kamba yasu kee letepe? Isaraele embena kyawa dorena wua kakupi nyuo pisapala mona suu pingipi dorena kumapyamo karene.

Aisaya 53:7

Baa koo keta palyuo pyao lao randa maiyaminyipape kambu lumbuo pii mendepe laa napala koo nono ingyuo elya kalo randa nyiya. Mena sipisipinya ikyane pyalana lanyuo penge dokopa kae laa nao penge panda sipisipi mendena emanji pyaki pilyaminyipa sipisipi doko kae laa nao karenge doko suu pyao baa pii mende laa nao kareya.

Aisaya 63:16

Emba doko namwana rakange angi. Namwana rora ambasu Aporakame Jekopepame namwa soo nyii nange. Dopa pimbinyipape emba Kamongo namwana rakange dokome yuu peparae namwa koo dupwana nenge raka lao nyuo karenge.

Jeremaya 2:30

Nambame nakama mana langyuo pyalana pipunupape dokome nakama nyiso rola nalyamo. Nambame nakama kata rolae lasaka pyuo dopa pii dapa lao langi laa nalyaminyi. Mena laene gasimwa pokapala nenge nenge manjo pii lenge dopale ingyuo nakamame nakamana poropeta dupwa pyao kumuyami.

Jeremaya 31:6

Waa. Yuu kyau Eporaime dokona karo isingi akali dupwame lao lao, Yuu kyau Sayone namwana Kamongo Anatu petamo dokona monale kee larami yuu gii doko epelyamo.

Jeremaya 31:9

Nambana wambu dupwa ee pipya kapu kyuo ateŋa lao range lanyaronopa anda eparami. Nambame ipwa guu dupwana iso lanyuo pao dee nakama lukuma sasaramiŋi lao nambame kata rambe kwuasi dokona lanyuo paro. Dokopa namba Isaraelena rakange dopale ingyaronopa Eporaime nambana wane mupwasa ingyara.

Daniele 9:13

Mosesena lowa dokona randa nyerami lao lapyamo dusipa pepare namwa jii. Jiinyipape kamame epapu Kamongo Anatu namwana koo dupwa yaki nyuo panda embena pii kinyi angi dokona moko minyuo pao emba rae mainyi pyambwalana lao suu pyaa nayama.

Osia 4:16

Nakama mena ingyuo Isaraele wambu dupwa mona kana pokolyaminyi. Dokona lao sipisipi ikyane dupwa rambi andelyamo nenge dopale ingyuo nambame nakama apa pyuo nenge pirusi?

Osia 5:15

Nambame nambana wambu dupwa yaki nyuo kaeyapala kararonopa nakama koo dupwana yasu nao sikya pipala dokopa namba kararo dokona nakamame koto eparami. Yasu nalu palyuo dokopa namba koto eparami rapisa.

Jona 3:10

Dokopa Anatumi nakama yulu koo piyaminyi dupwa yaki nyepala keyange pyuo peteyaminyi kandapala nakama randa mairu leyamo doko dee suu pingi alowa pipala kaeya.

Malakae 3:16

Pii doko sepala wambu Anatu kando mona kendo pakange dupwame yango mendali kando pii lamailya lamaina piyami doko Kamongome dopa lalyaminyi dopa lalyaminyi soo kareya. Dokopa wambu Kamongo kando mona kendo pakapala baa rape rape lao pyuo kareyami dupwana kingi dupwa buku mende Kamongo kareyamo dokona singi mendena pepa pyao reteyami.

Malakae 4:6

Nambame epapala nakamana yuu doko pyao kokwa sisinyi nembasasaroŋo dokona dopa pii nareŋe lao Ilainja baame epapala nakamana rora ambasupi wai kiso nyiyaminyipi dupwa nyuo mendakinya pyasara, leya.

Luku 1:17

Wamba Ilainja porai ingyuo kareyamo imambu porai doko baa keta paliramopa Kamongona lenge kambu dokona pyuo karara. Rakange dupwame nakamana wane wanakepe dupwa mona reto karena lao simbinali pingi wambu dupwame wambu rolae pingi dupwana pii soo nyinya lara. Kamongo baa epara lao wambu dupwa rapa rapa pyuo karena lara, leya aŋalame.

Luku 15:20

Lapala sipurapala banya rakange kareyamo dokona epeya. Epo dokopa donosa epeyamo dokopa banya rakange dokome baa kandeya. Kandapala kondaya. Kondapala makando pao kupyuo nyuo nyinyi piya.

APOSELENA YULU 3:26

Nakamame nakamana koo dupwa yaki nyepala elya pyuo parami dokona lao Anatumi banya Yulu Pyakamaingi Doko rombo palyapala nakama wambo jiya. Pitame dopa leya.

Pilipai 2:13

Anatumi nakama keta yuu peparae waa waa karanyi pyambuo dee banya renge dupwana warombo serami lao pingi.

Ipuru 12:5

Anatunya pii dokome nakama banya waneŋe lao porainyi pyambuo leyamo pii pyasi palamo dake kame silyamipi? Doko nambana wane lao emba sukunde ingyuo kiso rolo randa jiyu kande dokopa meeŋe lao suu pyaa napipi letamo. Baame wambu mona retelyamo dupwa baa pyalana koo pyuo leya kande dokopa monarena yamarangwa nalapape.

Orepalaisane 3:19

Namba wamba mona retenge dupwa pyalana pyuo mana lamaingi doko suu pyao nakama mona kapu kyepala sinyi pyuo karalapape.