Jeremaya 31:14 - Anatunya Buku Baepole Ole Testamene Pii Lapo dee Nuu Tesamene

¹⁴ Dopa pipala nambame purisi dupwa nenge keyange dupwa mairu. Dee nambana wambu dupwa mende aeya naramo pisirami dupwa kando nyuo nenge piru, lao namba Kamongo dokome lapusa pilyamo.

Jeremaya 31:14 ပူးပေါင်းရင်းမြစ်များ

Samu 107:9

Baame ipwa nano pilyamo karelyaminyi dupwa sikya pinyi pyambuo dee lopange dupwa keyange dupwame iki pyasu makaro sinya lenge.

Samu 132:16

Nambame nakamana purisi dupwa mondo lanyipyambuo piru. Banya wambu dupwame rae maiyuo kenane pyao pii ketae palyuo lao kararami.

Samu 132:9

Embena purisi akali dupwa rolae doko anjuku lao pyuo karenale. Embena wambu dupwa raeko maiyuo pii porakai lenale.

Samu 63:2

Nambame emba porai ingyuo yanga paupau lao karene doko misi anda dokona karo kandalana suu pyao karo.

Samu 63:5

Nambana imambu doko imambunya nenge nao sikya pira dokopa nambame emba kenane pyao lakandaro.

Samu 63:6

Nambana luu palenge panda dokona palyuo soo dokopa embena lao suu pyao palyuo singi. Kukwa peparae namba embapa lao suu pyale pyale palenge.

Samu 65:4

Embena rombo palyisi wambu dupwa lanyuo emba pipya role pyao karaminyi dusipa rae maiyuo kararami. Embena tembole anda yapasi dokona karo embena keyange rengepe dee bangepe jingi dupwa kapa pyuo nyeramanopa mende yangya nara.

Samu 90:14

Yangama peparaena embena mona reto karalu karenge renge dokome pakapyakape. Dokopa kenane pyao raeme kumuo karalu kararama ingilyamo.

Aisaya 61:6

Dokopa nakama Kamongona purisi akali ingyuo karaminyi laope Anatunya kendemande akali karo pilyaminyi lao wambu menge dupwame soo nyerami. Dokopa wambu rara yuu muu dupwana kamongonge bange dupwame nakama ketae palyuo karo rae mairami. Rae maipala dupwa peparae nakamanaŋa lao yongo nyimbwaramo kararami.

Jeremaya 31:25

Dokopa wambu makarami dupwa nambame mona keyange palyinyi pyambwaro. Dee loparami dupwa nambame nenge pirunupa nao sikya piramo kararami.

Isikiolo 34:14

Nambame yuu kyau keyange nenge malu elyape singi dupwanape dee yuu anda lama lama rambi keyange singi dupwanape nakamba koo keta pali napala nao karena lao lama pyaro.

Matyu 5:6

Wambu yulu rolae pimwali yaka lao nanome kumuo karenge dupwa sikya pira ingilyamo dokona nakama rae maiyuo pelyaminyi.

Epesasa 1:3

Kamongo Yesu Koraisana Rakange Anatu ketae pyambuo karena. Baame namwa yake panda dorena imambunya yulu keyange wakasa palenge dupwa Koraisa keta namwa jiya.

Epesasa 3:19

Kinyi Yesunya mona retenge renge wakasa isa wambumi soo ota paa nange doko soo nyeraminyi dokopa Anatu dokona mona retenge renge palyuo simbuo pelyamo doko makande minyuo nakama keta palyuo simbwara.

Dutaronome 33:23

Napatalaina rara dokona lao dopa lamaiya. Napatalaina rara doko Kamongome epe kandapala mena wai kiso nenge andakamyuo kamonganyi nembenge. Nakamana yuu mendaki dokonako pao yuu dulurena piso epo ipwa Galili pete dokona suu lapala dee lama donorele para.

1 Pita 2:9

Nakama Anatunya wambu rara yapasi ingyapala rakange pongo poo pyasi ingyuo karaminyi. Iminjinginya peteyaminyipa Anatumi yangaenge dorena kee lao sukusa nyepala nakama Kiŋinya purisi akali inginyi pyambuyamosa banya yulu andake dupwa pano larami lyakande.

Orepalaisane 5:10

Embame doloma Anatunya yulu pyakamirami lao rapu pinginya rara inginyi pyambuinyipa nakama dupwame yuunya iso kararami.