Jeremaya 20:11 - Anatunya Buku Baepole Ole Testamene Pii Lapo dee Nuu Tesamene

¹¹ Dopa laminyipape Kamongo emba ama kamame porai wakasa doko nambapa karene dokona lapome namba randa jilyaminyi dupwa isa parami. Nakama pyuo ayemba palyarami ingya nalyamo dokona elya nyuo karalu kararami. Nakama wini pirama kata mende see nayasa elya nyiyama lao kararami.

Jeremaya 20:11 ပူးပေါင်းရင်းမြစ်များ

Samu 40:14

Wambu nambapyao kumakalana lao suu pilyaminyi dupwa nyuo anamasi minyuo kyawa sisingi bolombalo laramo penale. Lapo namba randa nyipu dokopa rae maimi dupwa kapu kyepala elyo penale.

Samu 47:2

Kamongo Ama Ketae doko baa andake lao suu pyao pako kararami. Baa iki kiŋi andake ingyuo karenge dokome yuu muu dupwa peparaena iso karenge.

Samu 65:5

Embame namwana ateŋa lenge dupwa yano pyakao namwa keta yulu keyange pyuo kyawa lete nyuo karenge. Wambu yuumuu dupwana palaminyi dupwamepe dee ipwa kota yalo yuu nanesa range dupwamepe emba mupwa kapa pira lao suu pyao karaminyi.

Aisaya 41:10

Namba nakama pipya role karapunu pilyamoŋo pakame kumuo kara nalapape. Namba nakamana Anatuŋu bange mendemepe nakama keta paka mona palyinyi pyambwa nanale. Nambame nakama porainyi pyambuo nyiso kararo. Namba konambena mendeke alya isa ingyuo kyawa lete nyuo nyiso kararo.

Aisaya 41:14

Kamongo dokome lao, Isaraele wambu dupwa nakama kuki ingyapala porai ingya napyamopape namba nakama nyisaroŋo paka nalapape. Namba Isaraele wambunya Anatu poo pyasi dokome nakama kyawa lete nyuo nyisiyu kande.

Aisaya 45:16

Wambu isa kanapeme anatuŋu lao wasilyaminyi dupwa mende neta paa nao elya nyerami.

Jeremaya 1:18

Jeremaya, emba see. Wambu peparae yuu dakena range dupwamepe Juta kiŋi dupwamepe akali mupwa dupwamepe purisi dupwamepe dee wambu dupwamepe emba kando pimwaiyuo larami. Dopa laraminyipape yuu taone porai ane isame pingi dee kone kaname kana kame awali lao pingi porai dopale ingyuo wambu dupwa nyuo isa palyuo emba karalase lao nambame porainya renge jilyu. Nakamame emba nyuo isa palya narami. Nambame emba role karo konambe ingyuo alya minyaronopa karare. Namba Kamongo dokome leto, leya.

Jeremaya 1:8

Dokona lao namba embapa role pyao kyawa minyaroŋo nakamame mende pirami lao paka nyii napipi. Namba Kamongo dokome leto, leya.

Jeremaya 15:15

Leyamo dokopa nambame lao, Kamongo emba silini. Namba suu pyapala nyisape. Wambu lapome namba randa jilyaminyi dupwa isingi randa mairuwale. Nakamame namba pyao kumakalena pilyaminyi dokona embame nakama pyuo karena lao iso karo panda maiyuo kaeya napipi. Embena kingi dokona reke lao karapusi namba kando kilya kando letaminyi doko suu pyape.

Jeremaya 15:20

Nambame emba kone kana yale kapa dupwame kana kame porai pingi dopale ingyuo kareene lao suu pyapala nakamame emba isa palya narami ingyara. Nambame emba kyawa minyuo lete wai pyao nyuo kararo.

Orome 8:31

Dopa pyuo silyamo dokona apa laramase? Anatumi namwa tee lapala karara ramo api mendeme namwa randa jerase?

2 Timoti 4:17

Dopa piyaminyipa Yesumi namba role pyao karapala banya porainya renge jiya. Jiyamo dokona waili pii angi doko lamaiyunupa Juu daa rara wakale dupwa peparae kapa siyami. Mende doko namba mena laenena nenge kata dokona Anatu baame nenge raka lao nyiya.