Jeremaya 18:20 - Anatunya Buku Baepole Ole Testamene Pii Lapo dee Nuu Tesamene

²⁰ Mendeme keyange piramo dokona koo dokome yole mairaminyi kapase? Dopa piraminyi kapa ingya napyamopape rakaya palena lao kyuwa kyasingi dopale ingyuo namba randa jinya suu pyami. Wamba dokopa Kamongo embame nakama imbu singi nyii napili lapala nakamana lao langyala epeyo kande.

Jeremaya 18:20 ပူးပေါင်းရင်းမြစ်များ

Jeremaya 14:20

Kamongo, namwame emba kando koo pimwa. Doko namwa rangena koo dupwa polo lao dee namwana rora ambasu dupwana koo dupwa polo letamano.

Jeremaya 15:1

Enakana Kamongo dokome namba langyuo lao, Akali Mosese Samyuelepa dakena karapala namba piso sokondali pyuo lambili doko nambame wambu dapwa sakame kumuo pyuo nyii napuli. Wambu dupwa nyisa pena lape. Wambu dupwa nambana lenge kambu silyamo dokona kara napala neta pena lape.

Jeremaya 18:19

Dokona lao nambame ateŋa lao dokopa dopa leyo. O Kamongo, embame nambana pii kale yukupala soo dokopa nambana yanda pimwai dupwame namba randa jinya letaminyi doko soo karakape.

Jeremaya 18:22

Wambu yanda kambu dupwame repe repe lamai nao nakamana anda epapala andambupi nenale leto. Dopa pyuo andakare pisaraminyi dupwa pakame kumapala aa lao ipwa kaku nyinyale. Rakaya palena lao kyuwa kyasili lao namba randa jinya kone makalyaminyi.

Jeremaya 7:16

Kamongo dokome lao, Jeremaya wambu dapwana lao ateŋa lakami napipi. Dee ee laope nakamana reke lao ateŋa laope pii nareko. Nambame embena ateŋa doko soo nyuo yano pyaka naroŋo dokona namba piso sokondali pyuo laa napipi.

Jone 10:32

Dokopa Yesumi pii mende dopa lamaiya. Rakaneme renge kuipyamosa yulu keyange malu lasaka pipa pyuo karapu dupwana mende anjukunya lao namba pyalana pilyamipi? leya.

Jone 15:25

Namba kandakinyuo awa nayami, dopa lao Mawa Pii pyasi doko palamo pii dokona pyaka silyaminyi.

1 Samyuele 19:4

Jonataneme Dapiti lakando Sole lamaiyuo, Embena kendemande akali Dapiti doko baa randa mende mai napipi. Baa koo mende emba kando pii naya. Dopa pii nayamopape baame yulu peparae pipyamo dupwana emba kamame andake wakasa ingyuo nyisakondali pyuo piya.