Jenesese 7:11 - Anatunya Buku Baepole Ole Testamene Pii Lapo dee Nuu Tesamene

¹¹ Noa banya ee kana 600 epo papeyamopa kana lama dokona yuu gii akalisa ipisu yanda ipingi nyepo mange dokopa ipwa koko dupwa pulipyao neta epo yake kata lumbuyamopa apu isa epeya.

Jenesese 7:11 ပူးပေါင်းရင်းမြစ်များ

Jenesese 1:7

Dopa pyuo ipwa ketae isapana palyuo yake kanya koenya reteya.

Jenesese 6:17

Nambame yuu dupwa ipwame yambe pinya laronopa yuunya lee renge peparae kumuo rembe narami, leya.

Jenesese 7:6

Noa baa ee kana 600 karapeyamopa ipwa dupwame epo yuu yambe piya.

Jenesese 8:14

Kana lama yuu gii akalisa lama ipisu yanda ipingi dokopa yuu doko olo oteya.

Jenesese 8:2

Ipwa koko dokona potemo epeyamo dupwape yake kata lumbuo epeyamo dupwape upi leyamopa apunda soko rali piya.

2 Kiŋi 7:19

Dokona lao akali mupwa dokome isingi lao, Dopa pii nara Kamongo dokome epapu dakepa aopa apu peyapyali doko dopa pii napyaliko, leya. Leyamo dokopa Ilaisame isingi lao, Dopa piramo doko emba angi kandarenepape nenge angi mende naa nare, leya.

2 Kiŋi 7:2

Akali kiŋi dokopa role pyao pao baa nyiso karenge dokome Ilaisa lamaiyuo, Doko pii nara ingilyamo. Kamongo baa rangeme apunda waiya lao dakepa pena laramopape doko kapa ingya nara. Dokopa Ilaisame isingi lamaiyuo, Embame doko piramo kandare. Kandarenepape embame nenge dupwana lapo nyuo naa nare, leya.

Jopo 38:16

Emba ipwa kota doko guu lenge dokona pengese? Emba ipwa kotana isa panda dokona kimbu warendo kalyo pengese?

Jopo 38:37

Api mende soo gisingi mendeme kopa dupwa yaka lapala nyuo

Samu 33:7

Baame kota pete doko muupyuo yuu mendakisa sinya leya. Baame kota peteme lumu doko minyuo neta epa nana lao mapi pyao kata roko reteya.

Malakae 3:10

Nakamame bange akalisa mendena mendena pyuo mendaki yapo nyepapu jerami dupwa peparae tembole anda dokona minyuo ipupwape. Minyuo eparami dokopa nenge kapa sera. Namba apa pilipi lao makande pyuo pipwape. Dokopa nambame yake panda bange singi dupwa lumbwapala nakama keta bange malu mee keyange dupwa kulimbuo jerono nakama kandarami.

Matyu 24:38

Ipwa andake yuu muu dupwa ene yambe pyaa nayamopa wambu dupwame kamenge karo, nenge ipwape nao, enda yapo nyuo pyuoko kareyaminyipa, Noa baa sipu andake dokona kolando peya.

1 Tesalonaika 5:3

Wambumi lao, Namwa koo soo au pyuo petamano laraminyi gii dokopa aopa randa andake dokome nakama kokwa sinyi nembara. Randa andake eparamo doko enda wane mata pilyamopa yanga mangau lao randa nyingi dopale ingyaramopa randa doko wanja narami.

2 Pita 3:6

Deeko leyamuli pyuo yuu mendepa ipwa andake dokome yuu kokwa siya.