Jenesese 6:17 - Anatunya Buku Baepole Ole Testamene Pii Lapo dee Nuu Tesamene

¹⁷ Nambame yuu dupwa ipwame yambe pinya laronopa yuunya lee renge peparae kumuo rembe narami, leya.

Jenesese 6:17 ပူးပေါင်းရင်းမြစ်များ

Jenesese 2:7

Anatumi yuu dokona yuu sinjimu lapo nyepala dokome akali mende elya pyuo wasapala banya gyaa kata dokona poporambaiye lete poo lanyi pyambuyamo dokopa akali doko lenge rao lete ingiya.

Jenesese 6:13

Dokopa Anatumi Noa lamaiyuo, Wambu peparae rembe nanyi nembalana lao suu pyao kaelyo. Pyakandenge yuu soo karaminyi dokome yuu doko nakama pipya kokwa soronaŋa kandape, leya.

Jenesese 6:16

Anda kauwarami dokopa andopai pulyambanapa lili kopetame maingi doko make 44 sendemite dopale ingyuo nee sinya. Lungwa lungwa rename kambu dowa mende wasapala koe rema ingyuo wasara lao waipi, lamaiya.

Jenesese 6:7

Mena wambupi bange kuki panga panga paenge dee yakape wasiyunu dokona kondo karo, leya.

Jenesese 7:15

lee renge bange peparae lama lama lao Noa role pyao sipu anda kolando peyami.

Jenesese 7:17

Yuu akalisa kisima ipwa epo konda konda pipala dokome sipu doko ketae soo minyalyiya.

Jenesese 7:4

Yuuyanda ipingi nyepo paparamopa nambame apunda yuu dokona kukwa korakamape akalisa kisima (40) epo karena lapala lete bange petaminyi dupwa kokwa sinyi nembaro, leya.

Jenesese 9:9

Nakamamoo nakamana para pyao para dupwa keta kana minyuo lalu lao lenge pii mende lao palyakalyo.

Samu 107:34

Baame wambu koo pingi dupwa yuu dokona paleyaminyisa kandapala yuu amenge pingi dupwa nyuo kwaeyo mee ketange pyanyi nembeya.

Ekesetase 14:17

Nambame Isipi akali dupwana mona kana pokanyi pyambwaronopa nakamame nakama peteta parami. Dokopa kiŋipi banya ami yanda singipi mena oseme ipyuo penge uliuli piso yanda pela pengepe dee banya uliuli minyuo penge akalipi nyuo isa palyaronopa nambana kingi doko ketae palira.

Aisaya 54:9

Wamba Noa kareyamo dokopa ipwame piyunu dopaleme mende pii naro lao lalu lao leyo. Dee epapu nakama kando imbu singi manja nao dee koo dupwana kando nakama koo pingiŋi laope randa jii narona lao lao lalu lao leto.

Isikiolo 34:11

Namba Kamongo Mupwa Andake Wakasa karenge dokome sipisipi dupwa namba rangeme koto nyepala mondo lao rapu pyuo kararona lao nakama langilyu.

Isikiolo 34:20

Epapu dakepa namba Kamongo Mupwa Andake Wakasa karenge dokome lao mena sipisipi porai ingyuo karaminyi dupwape porai ingya nao karaminyi dupwape pipala yapalya yapana pyuo laro lao langilyu.

Osia 5:14

Dokona nambame Isaraele wambupi Juta wambupi dupwa mena laeneme porayapala pili lao pyaro. Pyao pilyalya pilyana pyuo raepala puu pao paro. Nambame pyao ipyuo soo paronopa mendemepe nyisa narami.

Emosa 9:6

Kamongo dokome banya anda doko yake panda dokona pingi. Pipala dokopa yake doko malawai lasi kyawa kuli dopale doko isa yuu dakena ketae pee pinyi palyiyamo piru karenge. Baame ipwa kota doko kee lao pulyuo nyepala dokopa kulimbanyi yuu dokona peenge. Doko banya kingi doko Kamongo lenge.

Matyu 24:39

Mende oo piramo doko see napala langa pyuo kareyaminyipa ipwa dokome epo nakama neya. Dokoko suu pyao Ikinyingi Akali eparamo gii dokopa dopako pira.

Luku 17:27

Wambu nenge nao, waene ipwange nao, enda yapo nyuo pyuo yulu dupwa kaeya nao kamenge pyuo kareyami. Dokopa Noa baa sipu andakare dokona kolandapala peteyamo dokopa apu andake epo ipwa dokome nakama peparae pyao kuma soo oteya.

Orome 5:21

Dokona ingyuo koo dokona kumungi renge doko palipala wambu dupwa isili laro kareya. Dopako pyuo Anatunya mona keyange palyuo ipingi renge dokome rolaena renge palipala wambu dupwa nyuo kalyaro karamo. Dokome Kamongo Yesu Koraisa keta letena renge dokona nyuo kararamo kararama.

Orome 6:23

Koona yole nyilyamano lao dokopa kumungi renge nyerami. Dopa piraminyipape Anatumi Kamongo Yesu Koraisa keta letena renge mee jera.

Dutaronome 32:39

Namba doko iki Anatu ingyuo karo. Wakale dupwa Anatu angi mende daa. Nambame pyao kumasepala dee lete renge maingi. Nambame wambu pyao ranjama nyepala dee pyuo nyingi. Nambame pilyunu dupwa mendeme yanda pimwaiyarami ingya nange.

Ipuru 11:7

Noa baa Anatu kapa ingingi lao suu piyamo renge dokome mende pira dokona Anatumi baa repe repe pii lamaiyamo doko soo nyiya. Sepala baame sipu anda wasiyamopa banya ree palu pipa lete wai pyao peyami. Yuu muu peparae koo keta pasi siyamo kandapala baa Anatu kapa ingingi lao suu piyamo dokona rolaena renge imu epeyamo kando nyiya.

1 Pita 3:20

Yuu wamba dokopa akali Noa baa sipu mende wasapala banya wambu yanda ipingi nyero nyuo peya. Sipu doko ipwa dokome soo ketae pyambuyamopa nakama lete peyami. Anatumi doloma kando waiya lao pyaa napala isaro kareyamopape wambu lapo simbi simbi pyuo karapala koo keta paleyami dupwana imambu dokonasa letamo.

2 Pita 2:5

Dopako pyuo baa yuu wamba dokopa wambu konda napala ipwa andake dokome nena leyapya. Pii rolae lenge akali Noa banya wambu yanda ipingi iki pipya lete nyiya.