Jenesese 50:10 - Anatunya Buku Baepole Ole Testamene Pii Lapo dee Nuu Tesamene

¹⁰ Pao Jotane neta pyakaenge dorena witi jingi lukungi mare Atate lenge dokona yuu mee londeta Jekope ono reto peteyami. Josepe baame yuu gii yanda ipingi dokona kumanda peteya.

Jenesese 50:10 ပူးပေါင်းရင်းမြစ်များ

Jenesese 27:41

Lapeyamo dokopa Iso rakangeme angi elyape keta pisinyi pyambwa nayamo dokonalao Jekope kando imbu singi andake manjipala lao rakane repeta kumara ingilyamodoko kumanda piso paparamano dokopa yangonge Jekope pyaro lao suu piya.

Jenesese 50:11

Kenane range dupwame yuu Atate dokona dopa pyuo kumanda piso pyuo kareyami doko kandapala, Yulu dake Isipi wambu dupwa ono reto kumanda petenge doko suu pyao pilyaminyi, leyami. Dokona lao yuu doko kingi Epolo Misiraimi leyami. Yuu doko Jotane neta pyakaenge dorename singi.

Jenesese 50:3

Dokopa Isipi wambu dupwa alemo dokona suu pyao yuu gii akalisa yanda ipingi kumanda peteyami.

Jenesese 50:4

Kumanda piso polakao papeyami dokopa Josepeme Peraona anda wambu dupwa lamaiyuo, Nakamame namba nyakando kandapili lao suu piyami kande doo pii dake Perao lamaiyakala papale, leya.

Jenesese 50:9

Mena osemeipyuo papingi uliulipi dee akali mena osena petenge dupwa pipa wambu ama renge doo peyami.

2 Samyuele 1:17

Dapitimi kondome kumuo kenane dake Sole dee banya ikinyingi Jonatanepana suu pyao piya.

2 Samyuele 11:26

Dokopa enda Betesepame banya akalingi doko yandana kumulyamo leyaminyi doko sepala baa kumanda peteya.

Jopo 2:13

Dopa pipala nakama Jopomoo pipya yuu dokona koro mendaki yalya kando peteyami. Akali dupwame randa andake nyiya doko ama reeko ingilyamo lao suu pyapala pii pyakama nao mee yalya kando peteyami.

Ekelesiyastisi 12:5

Emba kata kore pulyuo dupwana pakapala randa nyuo papyuo embena kyawa doko alowa pipala yaku epo emba ponga ponga papyuo emba wamba karo yulu pyuo nenge nao kata papyuo pelene dusipa mee ingyuo isa para. Namwa kumapala dokopa karalu kararamano panda dokona paramanopa wambu dupwa ee lao kumanda pisirami.

Nambase 20:29

Epeyambinyi dokopa wambu peparaeme Erone kumapya lamo leyambinyi doko siyami. Sepala nakama peparae yuu akalisa rema baa kondo lao kumanda peteyami.

APOSELENA YULU 8:2

Anatu suu pingi akali lapome Sitipena malu pyuo ee lao kumaralerale nyuo kareyami.

Dutaronome 1:1

Neta pyakaenge ipwa Jotane dorena yuu muiyane dokona pao kareyaminyi dokopa Moseseme Isaraele wambu dupwa pii lamaiyamo dupwa buku dakena pyasi palamo. Wambu dupwa ipwa Jotane rapu yuu Supi repeta kareyami. Yuu Parane taone doko pakirena siya. Dee yuu Topele taonepe Lepane taonepe Aserote taonepe Disakape taonepe dupwa pakirena siyamo kanya dokona nakama kareyami.

Dutaronome 34:8

Isaraele wambu dupwa banya lao yuu gii akalisa rema Moape yuu dokona kumanda ee lao peteyami.

1 Samyuele 31:13

Kisinyi nembapala kuli dupwa nyepala yuu taone dokona isa tamarisiki renge dokona malu piyami. Malu pipala yuu gii yanda ipingi nyepo nenge wasaka pyuo peteyami.