Jenesese 5:24 - Anatunya Buku Baepole Ole Testamene Pii Lapo dee Nuu Tesamene

²⁴ Karapala Inoko ando kareyamo mange dusipana Anatupa bwua singyuo pyuo kareyamopa Anatumi mee nyiyasa pana naya.

Jenesese 5:24 ပူးပေါင်းရင်းမြစ်များ

Jenesese 24:40

dee baame langyuo, Kamongo namba iso karenge dokome banya aŋala mende emba kata wapuo lanyinya lao peyaramopa embame nambana wane dokona enda mende nambana rangena wambu rakanena ree palu dokona nyakamiri, lapya.

Jenesese 37:30

Rokwapala baa yangonge dupwa kareyami dokona kapu kyuo epapala lao, Wane kandapi doko pali nalyamo. Namba apa pyuowane? leya.

Jenesese 42:36

Rakange Jekopeme lamaiyuo, Namba isange doko kararaminyi kapa daa. Josepe pana naya. Dee Simione dopako pipyamopa dakepa Benjamene nyuo mona letaminyi dupwana namba apa lao paro?

Jenesese 5:22

Metusala manjipeyamo dokopa Anatu dokona bwua singyuo pyuo paeyo ee kana 300 kareya. Kareyamo mange dokopa wane wanakepe lapo konda pyuo manjo kareya.

Jenesese 5:23

Dopa pyuo pisipala ee kana 365 kareya.

Jenesese 5:25

Metusala baame ee kana 187 karapala dokopa Lameke mandeya.

Jenesese 6:9

Noana wane rema Seme Ame Japetemoo dusipa mandeya. Wambu peparae kareyaminyi dupwana baaiki rolo pyuo kareya. Baa Anatupa bwua singyuo pyuo kareyambi.

2 Kiŋi 2:1

Yuu gii Kamongome Ilainja yake panda ketae nyuo lanyuo poo raiya minyuo malawai lao nyuo para doko pyaka siya. Dokopa Ilainjapa Ilaisapa yuu Gilikale yaki nyuo peyambi.

2 Kiŋi 2:10

Leyamo dokopa Ilainjame isingi lamaiyuo, Embame pisingi pii andake piso silini. Nambame emba yaki nyuo paronopa kandare ramo doko emba porainya renge nyeresa pira. Dee kaepala embame namba kanda nare ramo doko emba porainya renge nyii naresa pira.

2 Kiŋi 2:11

Nakamba kaeya nao pii lao kata pao peyambinyi dokopa aopa mena oseme ipyuo penge uliuli dopale mende isare rao epeya. Epapala nakamba peyambinyi kanya dokona isare rao kareya. Kareyamo dokopa poo raiya minyuo malawai lao epo Ilainja nyepala yake panda minyuo peya.

2 Kiŋi 2:12

Peyamo dokopa Ilaisa doko kandapala Ilainja kando ee lao, Nambana rakane nambana rakane Isaraele poraiyuo iso karenge emba pelene lamo leya. Lapala baame Ilainja dee kanda naya. Baame Ilaisa sakame kumapala banya komau doko kanguo lamasa piya.

Samu 49:15

Dopa piramopape Anatumi namba kyawa minyara. Baame namba kumungi rengena porai dokona piso kingi rekya lao nyera ingilyamo.

Samu 73:24

Embame dopa pyuo dapa pyuo karape lao namba kata lasaka pipinyi karo pelyo. Pao lumwa pyuo dusa nambana kingi ketae pyambuo lakando nyere ingilyamo.

Jeremaya 31:15

Kamongo dokome lao, Yuu Orama dokona pii mende leyamo siyami. Ee andake lao kumaralerale nyuo lao Enda Oresolo banya wane wanakepe dupwana lao ee lao peteya. Mona minyarambu nyisalana leyami dokopa Banya wane wanakepe lete pisa nalyaminyiŋi dokona daa leya.

Matyu 2:18

Yuu Orama dokona pii mende leyamo siyami. Ee andake lao kumaralerale nyuo lao enda Oresolo banya wane wanakepe dupwana lao ee lao peteya. Mona minyarambu nyisalana leyami dokopa lete pisa nalyaminyiŋi dokona daa leya.

Luku 23:43

Dokopa baame baa dopa lamaiya. Kinyi langilyu, epapu embapa Anatunya isingi panda dokona kararamba ingilyamo leya.

1 Jone 1:7

Baa yanga paupau lasi dokona karenge doko suu pyao namwa yanga paupau lasi dokona kararama ramo dokopa namwa lao yalya kando pisiramano banya Ikinyingi Yesunya ranjama dokome namwana koo dupwa peparae kwuanyi nembapa pyakara.

Juti 1:14

Yuu wamba dokopa Inoko baa Atamena para piyamo dokona pao yanda ipingi ingyuo kareya dokome akali yulu koo pilyaminyi dusipana lao nolako lao dopa leya. Selapape. Kamongome banya aŋala poo pyasi ama malu (1,000) role pyapeta lanyuo epara.