Jenesese 49:27 - Anatunya Buku Baepole Ole Testamene Pii Lapo dee Nuu Tesamene

²⁷ Benjamene yana suwa kararope nuli nalana lee minyuo papingi dopale yangama sipurapala pyao nao karenge. Pyao nyuo serelyamo dupwa mokwasoo maiyuo karelyamopa yuu kwuange, leya.

Jenesese 49:27 ပူးပေါင်းရင်းမြစ်များ

Jenesese 35:18

Dokopa oo lenge kunjalana karo dokopa banya wane doko kingi Benoni leya. Lapala kumuya. Dopa leyamopape rakangeme kingi Benjamene leya.

Jenesese 46:21

Benjamenena mandeya dupwa Bela Beka Asapele Gera Nemane Eki Orosi Mupimi Yupimi Atamoo mandeya.

Jenesese 49:26

Eena nenge lokwasoo kapa simbu palyuope yuu kyau ketae pilyamo ota nalu nange dupwape yuu kyaukuki keyange sulu singi dupwape renge keyange dusipa Josepe baapa epo palenale baa iki wane yapasi dokona suu pyao baa keta sinyale.

Jenesese 49:28

Nakamana rakange kyawa Jekopeme Isaraelena rara akalisa mendaki ipisu lama dusipa karo dokopa dopa pyuo lamaiya. Baame banya wane dupwa mendaki mendaki range dokona manda manjo ketae pyambuo kareya.

Nambase 23:24

Mena laene porai dokome mena yango dupwa pyapala ranjamape minjupi dupwa nao otenge. Doko suu pyao Isaraele rara dupwa porai dopakale, leya.

Matyu 10:16

Nambame nakama mena sipisipinde suwa rae lenge dokona nyuo suu lete lao nembelyo kande. Dokona yaka wayamu ingyuo dee kau kulasi dopale ingyuo pao mona angi palenge ingyuo pupwape.

Matyu 7:15

Kyambo lenge poropeta akali dupwa kando waso karalapape. Akali dupwame yanenge dorena mena sipisipi ingyuo pau lasi epapala monarename yana suwa kararope andake asiŋiliŋili lao karenge dopale ingyuo epenge.

APOSELENA YULU 20:29

Namba paparono dokopa yana suwa kararope ama nalana pingi lapome nakama kararaminyi sukusa dokona epapala wambu nakamame rapu pyuo kararami dupwa kokwa serami doko soo gisilyu.

APOSELENA YULU 8:3

Dokopa Sole dokome Elyambu Pingi wambu dupwa uki palyiya. Uki palyuo anda kambu dupwa peparaena papapu enda akalipi dupwa ipyuo lanyuo pao karapusi anda dokona pyambwapa pyuo kareya.

APOSELENA YULU 9:1

Dopa piyamo dokopa Soleme Kamongona disaepole dupwa kando nenge koo manjo pyalana lao kareyamo doko kaeya napala dokoko suu pyao pyuo karo purisi akali mupwa kareyamo dokona papala

Dutaronome 33:12

Benjamenena rara dokona lao dopa leya. Rara dake Kamongome mona retapala kyawa minyuo karapenge. Kwuara yangara piramo yaka lao baame nakama koo keta pali nana lao baa nakama pipya role pyao karenge, leya.

Pilipai 3:5

Dokona ingyuo namba mandeyaminyi koro mendaki epo papeyamopa namba yanenge pyakepanyi nembakayami. Namba Isaraele akali Benjamene rara dokona ingyuo karo. Namba Ipuru akali angi doko. Namba Parisi akali ingyapala Juu wambunya Mawa Pii dokona moko minyuo kareyo.