Jenesese 49:24 - Anatunya Buku Baepole Ole Testamene Pii Lapo dee Nuu Tesamene

²⁴ Pyalana peyaminyipape yanda ipyuo pyalana saka nayami. Rakane Jekopena Anatu Porai Wakasa dokome nyisiyasa piya. Isaraelena Rapu Pingi Kanana Porai dokome baa nyisiyasa piya.

Jenesese 49:24 ပူးပေါင်းရင်းမြစ်များ

Jenesese 45:11

Emba Gosene paliri ramo dokopa nambame nenge yano piramuli pyuo nyisaro. Ee kana kingi paki ene lopo seramo dokopa embena ree palu menape nenge yangya nana lao lapunu pilyamo doko lamaipape, leya.

Jenesese 45:5

Dokona nakamba keta palamo lao mona nemba nalapape. Nakama kyawalete nyere lapala Anatumi namba dae wambo nyuo peeyapya, leya.

Jenesese 45:7

Anatumi nakamana rara rembe naa nana lao dokona namba wambo rapa rapa pyuo nembeya. Namba dae peeyamo dokome nakama koo keta pisaraminyi lapala lete wai pyao nyere lao piya.

Jenesese 47:12

Palyapala Josepeme nakama dee rakangena ree palu yangonge kuki dokonape nenge pyuo kareya.

Jenesese 48:15

Dopa pipala Josepe ketae pyambuo karo Nambana rakane Aporakame Aisakepa dolapo role paeyo kareyamo Anatu doko dee namba ene manjinyi peyareyami dokopa role pyapeta karapala dakepa role pyaoko karamo Anatu doko

Jenesese 49:23

Nuli nala penge dupwame baa pyalana pyuo yanda nyepala baa peteta peyami.

Jenesese 50:21

Dokona lao paka nalapape. Nambame nakama nakamana wane wanakepe mondo lao rapu piroŋo leya. Dopa pyuo leyamo pii anjiki pisi dokome nakamana mona minyarambunyi pyambuya.

2 Samyuele 5:2

Yuu wamba dokopa Sole baa namwana kiŋi kareya dokopa embame Isaraele wambu dupwa yanda piyami dokona laminyuo pee. Kamongo dokome emba kando lalu lao lao, Embame banya wambu dupwa rapu pyakamyuo dee emba nakamana kiŋi ingyuo karo piri, leya.

2 Kiŋi 13:16

Nyiyamo dokopa Ilaisame pyara doko suu pyao rapa rapa piru karena leya. Dokopa kiŋi dokome lamaiyamuli pyuo rapa rapa piru kareya. Piyamo dokopa Ilaisame banya kingi dolapo kiŋinya kingi dokona ketae reteya.

Samu 118:22

Doko akali anda pyuo kareyami dupwame kana mende nyuo nembeyami. Kana doko enakana anda donge dokona mupwa ingyuo epo siya.

Samu 132:1

Kamongo embame Dapiti baa randa nyuo soo pyuo kareya kande doko kame see napipi.

Samu 132:2

Baame embapa lao kana minyuo Isaraele wambunya Anatu Porai dokome pii porai leyamo doko suu pyao karape.

Samu 132:5

Dopa pyuo pao Kamongo karara yuu dokope dee anda Isaraele wambunya Anatu Porai doko palira anda doko maipala dokopa luu palyuo nenge nao kame sero.

Samu 23:1

Kamongo doko namba mena sipisipi ingyuo rapu pyuo karamo. Namba mendeme yangilyande daa.

Samu 27:14

Kamongo keta pyamalyuo karape. Baa kapa ingingi lao suu pyao karape. Mona nemba napala baa keta pyamalyuo karape.

Samu 73:23

Dopa pipunupape namba embapa role pyao karapunu dokona lao embame nambana kingi minyaro karene.

Samu 80:1

Isaraele Wambunya Iso Karenge embame namwana pii soo karape. Emba aŋala dupwana kyawa ingyuo karenge dokome

Samu 89:1

Kamongo embena mona reto puu penge dokona kenane pyao karalu karo embame yaki nyii nange lao polo lamairu.

Ekesetase 3:6

Namba embena rakane dusipana Anatuŋu, leya. Leyamo dokonako lao, Aporakamena Anatu Aisakena Anatu Jekopena Anatu dokoŋo leya. Dokopa Mosese Anatu kandalana pakapala banya lenge kambu doko nee piya.

Aisaya 1:24

Dokona lao dakepa Anatu Isaraele wambunya Kamongo Porai Wakasa dokome apa letamo lao selapa. Nambana yanda pimwai dupwa nakamana koo dupwana bekeme pyakaronopa dokona nakamame namba isingi randa dee jeraminde daa lao silyu.

Aisaya 28:16

Dokona lao Kamongo Mupwa Andake Wakasa dokome dakepa dopa letamo. Nambame yuu Sayone dokona kana mende pinginya ingyuo pisirunupa pyuku laa nara letamo. Kana keyangepe mee lao makande pyuo kando otasi kana doko kulisa wakasa. Yuu donge dokona pinginya pyano mupwa ingyuo karara. Mende kana dokona pepa pyasi palira kapa ingingi lao pyamalyapala mona maiyuo kararamo doko mee porai ingyaramo mali sero karara.

Aisaya 41:10

Namba nakama pipya role karapunu pilyamoŋo pakame kumuo kara nalapape. Namba nakamana Anatuŋu bange mendemepe nakama keta paka mona palyinyi pyambwa nanale. Nambame nakama porainyi pyambuo nyiso kararo. Namba konambena mendeke alya isa ingyuo kyawa lete nyuo nyiso kararo.

Aisaya 49:26

Nambame nakama pyalana piraminyi wambu dupwa yango sukusa range pyao kumasinya lao piru. Wambu ipwa biya napala kopyali kyakaenge doko suu pyao nakamame wambu yango mende pyao kumako imbu singi andake manjo kararami. Dokopa wambu rara peparae dupwame namba Kamongo nakama kyawa lete nyuo kiiramo nyii doko lamo lao soo nyerami. Nakamame namba Isaraele wambunya porai renge palenge Anatu doko lamo lao soo nyuo pirami.

Aisaya 60:16

Dokopa endangimi dokome banya wane rapu pinginyili pyuo wambu rara dupwamepe kiŋi dupwamepe nakama rapu pirami. Dokopa namba Kamongo Isaraele wambunya Anatu porai dokome nakama kyawa lete nyuo kiiramo nyiilyamo lao serami.

Matyu 21:42

Yesumi nakama lamaiyuo, Nakamame pii pyasi palamo doko yaka lao kanda nangese? Doko akali kana anda pyuo kareyami dupwame kana mende nyuo nembeyami, doko enakana anda donge dokona mupwa ingyuo epo siya. Dopa piyamo doko Kamongome renge kuiyuo piyamosa piya. Dopa piyami dokona namwame lengeme kandapala mona nembo karamano.

Make 12:10

Anatunya pii pyasi dopa lao palamo kande, Doko akali anda pyuo kareyami dupwame kana mende nyuo nembeyami. Kana doko enakana anda donge dokona mupwa ingyuo epo siya.

Luku 20:17

Leyaminyipa baame nakama kandapala dopa leya. Anatunya pii pyasi mende palamo. Akali anda pyuo kareyami dupwame kanande nembeyami dokoko enakana anda donge dokona mupwa ingyuo epo siya, pii doko aki rengendena lao letase? leya.

APOSELENA YULU 4:11

Buku Baepolena pii lao dokopa, Akali kana anda pyuo kareyami dupwame kana mende koo ingilyamo lao suu pyapala nembeyami. Enakana kana doko anda donge dokona mupwa ingyuo epo siya doko suu pyao nakamame Yesu ramanyi nembeyami doko baa epapu mupwa ingyuo karamo.

Orome 14:4

Kendemande akali mendena doko kando dopa pingi dapa pingi lao leene doko emba angi apisi? Pii doko yulu pyakamaingi akali range dokome baa isa pelyamo laope dee kapa mondo lao pilyamo lao kandapala lara, Kamongo dokome baa mondo lao pinya laramosa angi mondo lao pira lyakande.

Epesasa 2:20

Anda doko aposele akalipi poropeta akalipi dupwa andana renge kuingi isa dupwa ingyuo karaminyipa pisi karamo. Koraisa Yesu baame anda pinginya ingyaro karamo.

Dutaronome 32:4

Kamongo baa nakamana kyawa minyuo iso karenge ama porai wakasa. Baame yulu peparae dupwana mende kyai pii nao rolae iki pingi. Nakamana Anatu baa alowa pii nao kinyi angi dokona palyuo karenge. Baame rolae ingyuo karo wambu peparae keta kapa kapa pingi.

Dutaronome 33:27

Anatu baa yuu peparae nakama kyawa minyuo karenge. Banya kingi dolapome nakama paka pyao soo karalu karenge. Nakamame pyao pelyaminyi dokopa baame nakamana yanda pimwai dupwa pyao ralinyi nembakange. Dopa pyakapala nakama langyuo, Pyao kokwa selapape, lao langingi.

Dutaronome 34:9

Ee lao piso oteyaminyi dokopa akali Nanena ikinyingi Josua mona palenge renge palyuo pyoko pyoko leya. Renge doko Mosese baame banya panda nyera lao rombo palyuo dokopa leyamuli pyuo piya. Isaraele wambu nakamame Mosese keta Anatunya mawa pii epeyamo dupwa Josuame leyamo dokona rape rape lao minyiyami.

Kolosi 1:11

Dokonako ingyuo banya porainya renge wakasa dokome nakama porainyi pyambwaramopa randa malu eparamo dokopa mona kuki palyuo rae maiyuo kararami.

2 Timoti 4:17

Dopa piyaminyipa Yesumi namba role pyao karapala banya porainya renge jiya. Jiyamo dokona waili pii angi doko lamaiyunupa Juu daa rara wakale dupwa peparae kapa siyami. Mende doko namba mena laenena nenge kata dokona Anatu baame nenge raka lao nyiya.