Jenesese 49:11 - Anatunya Buku Baepole Ole Testamene Pii Lapo dee Nuu Tesamene

¹¹ Ipwa guunya girapo isa ando karenge dokona mena donge dupwa rae maiyuo anjara. Girapo jingi kingyuo waene wasingi. Kana malu penge ipwange kone pingi dokome komau dupwa nyuo wate pira.

Jenesese 49:11 ပူးပေါင်းရင်းမြစ်များ

Jenesese 49:12

Banya lenge doko waene ipwange nao kararasa kone pyuo banya nenge doko susu nao kararasa kyewa lao pira.

2 Kiŋi 18:32

Naraminyipa pao kiŋi akali dokome yuu nakamana yale dopale mendenako wangu lakao pisaramopa pisirami. Doko isa girapo eena ipwa waene kapa waso narami dee witi dupwame nenge borete waso narami. Yuu dokona isa olipi andenge dee olipi ipwangepe amburali ipwangepe singi. Nakama baame mawa pii langiramo doko moko minyuo pirami ramo doko nakama kuma nao lete palyuo kararami. Kamongo dokome nakama kyawa lete nyeraŋa lao Esekayame minyako pyuo laa nana.

Joele 3:18

Yuu gii dokopa girapo isa dupwa yuu kyau dupwana paeyo mee bange ingyuo andaramopa mena dupwa yuu kyau peparaena buu minyuo kararaminyi kandarami. Juta wambu dupwana ipwa epenge dupwana ipwa malu epara. Kamongona tembole anda dokona piso ipwa mende guu lao jerae pyao lupyuo eparamo dokome yuu Akasiya pau lama lama dokona isa andenge dupwa nenge pira.

Emosa 9:13

Kamongo dokome dopa letamo. Yuu gii mende pyaka seramo dokopa nenge dupwa waiya lao andara. Andapala jingi malu lyeramo dokona akali dupwame peparae kapa manjo otalana saka narami. Ipwa waene dupwa peparae waiya lao andapala jingi malu mee lyeramo dokona waene wasingi wambu dupwame wasingi panda soo simbwarasa wasalana saka narami. Dokopa enda akalipi peparae waene rende pingi malu mee nakama keta sera. Doko yuu kyau dokona ipwa palyuo simbwapala potemo neta penge dopale ingyara.

Maeka 4:4

Wambu peparae manda rao mona seramopa nakama rangena isa girapope pikipi ee repeta palyuo mendena lao paka nao palyuo kararami. Anatu Kamongo Porai Wakasa dokome pii dake lalu lao leya.

Dutaronome 32:14

Nakamana mena bulamakao memepe dupwana anju ipwange endange palyuo kareyamopa kamuo nyiyami. Mena bulamakao sipisipi memepe dupwa kameya rondo lasiko minyiyami. Nenge witi elyapepe dee waene ipwange keyange rae mairamili dupwape nao kareyami.

Dutaronome 8:7

Nakamana Kamongo Anatu dokome yuu keyange amenge pingi dokona nakama minyuo epopyamo. Yuu doko ipwa ponape ipwa guu lengepe dee ipwa isa yuunya palu potemo epapala yuu lama lama dupwanape dee yuu kyau dupwanape ranju epo pengepe

Dutaronome 8:8

dee yuu doko nenge witipi balipi isa girapo isa piki isa pomekeranate isa olipi dupwana jingipi amburali ipwangepe singi dokona nakama lanyuo epopyamo.

Orepalaisane 14:20

Waene pyao rakyuo kingingi panda doko anda taone kame netarena dokona ingyuo siya. Dokona girapo dupwa kingiyami dokopa ranjama epo pete siyamo makande pyuo wambu roya kararaminyipa nyuo mwuapala mange koe minyara dopale ingyuo dee epo pyasinju lao peyamo doko 300 kilomita dopale ingyuo londeya.

Orepalaisane 19:18

Wambu pyasi seramopa kiŋipi yanda singi mupwa mee yanda singipi mena ose dee akali piso paenge dupwape koo epengepe puu maisi dee mee karengepe wambu dupwana yanenge dupwa nala ipupwape leya.

Orepalaisane 7:14

Nambame isingi lao, Kamongo namba see nalyo, embame silinyi leyo. Dokopa baame langyuo, Kurisene wambu randa andake nyiyami. Randa andake nyepala karo Sipisipi Ikyanena ranjama dokome nakamana komau wate pyuo kyewa lapala nyiyamo karaminyi dupwaŋa leya.

Orepalaisane 7:7

Simionena rara dokona 12,000 ingiya. Lipaena doko dopaleko ingiya. Dee Isakana rara 12,000.