Jenesese 49:10 - Anatunya Buku Baepole Ole Testamene Pii Lapo dee Nuu Tesamene

¹⁰ Juta embena rombelyame kaikwasi dokoisa paa nara. Embena rara doko kiŋinya rara ingyuo karalu kararami. Kamongonge bange dupwa reto karo pao range eparamo dokopa baa keta pyamalyarami. Wambu peparae baako kando warombo soo banya pii minyaraminyi karara.

Jenesese 49:10 ပူးပေါင်းရင်းမြစ်များ

2 Samyuele 7:13

Doo kiŋi rombo palyuo kararono dokome nambana tembole anda pyakara. Dee nambame banya manjo paramo dupwanako akali dupwa kiŋi ingyarapu palyuo puu parami lao rombo palyarapu piru.

2 Samyuele 7:16

Yuu peparae emba wane manjo jingi parape lao puu pare. Nambame embena kiŋi yulu doko sulu jinya lao piru. Dee nambame embena rara dokona akali dupwa iki embena panda nyuo kiŋi inginya lao rombo palyarapu pyuo puu paro, lapya, lamaipi, leya.

Aisaya 2:2

Yuu gii mende pyaka sera ingilyamo dokopa tembole anda karamo yuu kyau dokome dokopa yuu kyau doloma nyuo isa palyuo sera ingyara. Seramo dokona yuu muu doloma mee kaeya nao ipwa ingyuo kulimbwanyi peeyo epo karalu kararami ingyara.

Aisaya 33:22

Ipwa sipunya komau porambaiye nyingi dupwa kaolena saka narami dokona komau rongo pipala mee serarami.

Aisaya 42:1

Kamongome lao, Nambana kendemande nambame baa porainyi pyambungi. Nambame baa rombo palyapala baa kando raeko maingi. Baa keta nambana imambu dokome maralyiyu. Dokopa baame wambu rara peparae yulu rolae dokona polo lamaira.

Aisaya 55:3

Nambana wambu dupwa pii leto dakepa sepala namba keta ipupwape. Dopa pyuo namba keta epo lete karenge renge nyerami. Dokopa nambame kana minyuo lenge pii sulu sera mende nambame Dapiti kando elyape keta pisaro lao lalu lao leyono dokona elyape keta pisingi renge doko nakama jeroko.

Aisaya 60:1

Jerusaleme emba epapu eŋa nembo neta dopale ingyuo rao sipurape. Dokopa Kamongome banya neta renge yulu doko nakama keta ranyi pisilyamo.

Aisaya 9:6

Wane mende manjakarami. Ikinyingi doko jera ingilyamo. Doko namwa iso karara. Banya kingi doko Rapu Pingi Nyiso Karenge Elyapiŋi laraminyi karara. Anatu Porai doko, Letena Renge Palenge Rakaneŋe, larami. Kiŋi Mona Kyuu Lao Singinya Ikinyingi, larami.

Daniele 9:25

Dokona pii dake soo nyepe. Yuu Jerusaleme kamba elya pinya lao lamairamo yuu gii dokona piso pao Anatumi akali mende kyawa ingyuo rombo palyiyamo doko kararamo yuu gii dokopa ee kana akalisa kisima ipisu mange mendaki (49) dusipa epo para. Dokopa enakana yuu taone Jerusalemepe kata sukusa singi dupwape kana kame porai awali lao karengepe dupwa elya piraminyipa ee kana malu (434) karara. Kararamopape ee kana dusipana randa malu epara.

Maeka 5:1

Jerusaleme wambu dupwa nakamana yanda pepengele akali dupwa nyuo malu palyalapa. Namwa pyalena nyuo kako pyapelyaminyi. Kako pyapala Isaraele wambunya akali lita doko pyalena pilyaminyi.

Nambase 24:17

Rengya pira dokona kando suu pyao Isaraele rara dupwame pirami doko silyu. Kiŋi doko bui yanga paupau wakasa lenge dopakale ingyuo Isaraele rara dupwana sipurapala karara. Isaraele karo epo baame Moape range akali mupwa dupwa pyara. Dee Sete wambu dupwa peparae pyao isa palyuo kokwa soo nembara.

Nambase 24:19

Isaraele rara dupwame kimbumi kalyuo minjuku minyuo parami. Wambu yaki nyerami dupwa pyao ote pyuo pyarami.

Matyu 1:21

Baame wane mende manjiramopa wane dokome banya wambunya koo dupwa raka lanyi nembo pyuo nyera dokona embame banya kingi Yesu lare leya.

Matyu 17:5

Ene lao kareyamo dokopa kopa kyewa lenge mende epo nakama kareyami dokona yambe piya. Yambe piyamo dokopa kopa dokona piso pii mende lao epeya. Akali dake nambana Ikinyingiŋi nambame baa mona retapala rae mailyu. Banya pii soo karalapape, leya.

Matyu 21:9

Dokona wambu malu wamboko enakao pyuo peyaminyi dupwame pii porakaiyuo kaeyo lao dopa leyami. Dapitinya ikinyingi doko neta ipwamo kandalapa, Kamongona kingi lao epelyamo doko elyape keta penale. Yake dorena lakandamana leyami.

Matyu 25:32

Banya lenge kambu dokona wambu rara wakale wakale dupwa peparae epo sukusa sukusa pirami. Dokopa mena rapu pingi akali dokome sipisipi dupwape meme dupwape wakale yapalyuo liti pingi doko suu pyao wambu dupwa yapalyuo liti pira.

Jone 12:32

Namba nyuo ketae minyalyuo palyarami gii dokopa wambu peparae namba palirunu dokona sukusa sukusa pira leya.

Jone 18:31

Pailateme nakama lamaiyuo, Nakama range baa nyepala nakamana mawa pii dupwana lao range kambuyanda pipwape leya. Leyamopa nakamame namwa Juu akali dupwame akali mende pyao kumakarama ingyuo mawa pii dokona pali nalyamo leyami.

Jone 19:12

Dopa leyamo dokopa Pailateme baa mokwalana piya. Dopa piyamopape Juu wambu dupwame pii porakaiyuo kaeyo lapala, Akali doko embame mokware ramo doko embame Sisa puu minya naresa pira. Akali mendemepe namba kiŋi ingyuo karo larami dupwa Sisa kando sisu nyuo kararasa pira leyami.

Jone 19:15

Nakamame wangonapi pyuo lao, Baa pyao nemba, pyao nemba, isa mamandona pyao palya leyami. Pailateme nakama lamaiyuo, Nakamana kiŋi doko isa mamandona pyao palyakarolyase? leya. Purisi mupwa dupwame isingi lamaiyuo, Sisa baa iki namwana kiŋi ingyuo karapyamopa mende kara nalyamo leyami.

Jone 9:7

Kisakamipala baa lamaiyuo, Ipwa pete Silome lenge dokona poeyanyi nembala puu, leya. (Silome doko namwana pii Mapanyi Peenge dopale.) Pao ipwa poeyanyi nembapala kapu kyuo kata kapa kando epeya.

Orome 15:12

Dokona Aisayame dopa leya. Jesena para pyaramo dokona mende epara. Baa epo rara menge dupwa iso karara. Nakamame baa keta mende pira lao soo nyerami leya.

2 Korina 5:10

Namwa peparae Koraisa kote lao karara dokona paramano dokopa baame namwa apa pyuo yulu piyami lao yapalyuo sera. Yuu gii dokopa namwa isa yuu karo yulu keyange pyuope panda yulu koo pyuope dokona namwana yulu piyamuli pyuo mendaki mendaki lao yole yano nyerama.

Ipuru 7:14

Baa Jutana rara dokona mandeyami dokona Moseseme Juta baa purisi ingyuo karara laope laa nayapya doko silyamano.

Orepalaisane 11:15

Enakana aŋala yanda ipingi nyepo dokona bikuli leyamo dokopa yake dokona piso pii rekyae lao lapala, Namwana Kamongo kandale dee banya Koraisapa yuu muu dupwana kiŋi ingyuo kaelyambinyiŋi. Dokome iso karalu karara lyakande leyami.