Jenesese 49:1 - Anatunya Buku Baepole Ole Testamene Pii Lapo dee Nuu Tesamene

¹ Jekope banya wane dupwa epena lapala, Epo reperepe pyuo kararaminyipa nakama keta apa pyuo para lao langirowale.

Jenesese 49:1 ပူးပေါင်းရင်းမြစ်များ

Aisaya 2:2

Yuu gii mende pyaka sera ingilyamo dokopa tembole anda karamo yuu kyau dokome dokopa yuu kyau doloma nyuo isa palyuo sera ingyara. Seramo dokona yuu muu doloma mee kaeya nao ipwa ingyuo kulimbwanyi peeyo epo karalu kararami ingyara.

Aisaya 53:1

Dokopa wambu dupwame isingi lao, Namwame kandapala letamano dokona apimi kinyilyamo lao soo nyera ingilyase? Dee dokona yulu dakena Kamongona porainya renge doko apimi kandara ingilyase?

Jeremaya 23:20

Dopa pyuo banya pinya suu pilyamo dupwa pyuo otaparamo dokopa banya imbu singi doko pyai nara. Enakana dokopa banya wambu dupwame dopa pyuonde piyalyamo lao soo pakana palyarami.

Daniele 2:47

Embame nambana kombeyana renge angi dokona polo langipinyi dokona embena Anatu doko kamame andake wakasa mee bange anatu dupwa nyuo isa palyuo baa Kamongo kiŋi dupwana baa ketae ingyuo karenge dee baameko kombeya renge angi dupwa panenge doko soo nyilyu, leya.

Emosa 3:7

Kamongo wambu dupwana mupwa ingyuo iso karenge dokome yulu peparae pinya dokopa banya kendemande poropeta akali dupwa wambo panao lamaingi.

Maeka 4:1

Yuu gii ene eparamo dupwana yuu kyau tembole misi anda karamo yuu doko kamame ketaele ingyuo sera. Seramo dokona wambu rara wakale malu mee dupwa epo kararami.

Nambase 24:14

Belameme Beleke kando lao, Nambana wambu range karaminyi dupwa keta kapu kyuo pelyo. Ene papa naronopa nambame emba Isaraele wambu dupwame embena wambu dupwa kando rengya aki mende pirami dokona lao repe repe pii langilyu.

Luku 2:26

Dokopa Imambu Poo Pyasimi lao nolako lamaiyuo, Wambo kumapa narenepa Kamongona Koraisa doko angi kandare, leya.

APOSELENA YULU 2:17

Anatu dopa letamo. Yuu gii lumwa piramo dokopa nambana Imambu wambu dupwa peparaena maralyinya lao mokwa soo mairu. Dokopa nakamana wanenge ikinyingipi dupwame nambana pii nolako larami. Nakamana wanyane akali dupwa pii repa repa pyuo kandarami. Nakamana alemo dupwa kombeya pirami.

Dutaronome 31:12

Dokona wambu peparaeme sepala nakamana Kamongo Anatu doko pako karo banya mawa pii dupwa mondo lao minyuo kararami lao embame enda akali peparaepe nakamana wane wanake peparaepe wambu yuu wakale range embena taone dupwana palaminyi dupwape kee lao nyuo sukusa sukusa piri.

Dutaronome 4:30

Dokopa nakama keta randa mende epope dee yulu kopetame koope lapo sipuro piramopa nakama Kamongo keta kapu kyuo papala banya pii warombo soo pyuo kararami.

1 Timoti 4:1

Imambumi rakyame akali lapo Anatunya kata yaki nyerami doko wambo nolakao letamo. Nakamame imambu mee kyambo lenge dokona pii minyuo imambu koona mana pii larami dupwana soo parami ingilyamo.

2 Timoti 3:1

Yuu gii lumwa pinya piramo dokopa randa wakale wakale dupwa epara ingilyamo doko soo karape.

Ipuru 1:2

Epapu yuu gii repetale lumwa pira ingyapyamopa banya Ikinyingi keta pii langiya. Anatumi Ikinyingi keta yake yuupi wasapala karo dupwa peparae banyaŋa lapala baa maira ingilyamoko.

Ipuru 13:1

Nakama yango sukusa ane yangongepa ingyuo mona reto karalapape.

Orepalaisane 4:1

Dokopa pii repa repa wakale mende piyamo kandeyo. Yake panda dorena kambu dowa mende lumbwaro kareyamo kandeyo. Kandeyo dokona pii romende bikuli pii ingiyamo wamba siyu doko dee kambako epo, Emba pulyuo ipu. Eparenepa yulu enakana pirami dupwa lasaka piruwale leya.