Jenesese 48:14 - Anatunya Buku Baepole Ole Testamene Pii Lapo dee Nuu Tesamene

¹⁴ Dopa pyuo maiyamopape Isaraeleme banya kingi dolapo minyuo alowako pipala wane enakana mandenge Eporaimena ayembana kingi rolaeme minyando dee kingi kyaimi Manasa wanewambo dokona kyawa minyando piya.

Jenesese 48:14 ပူးပေါင်းရင်းမြစ်များ

Jenesese 41:51

Manjipala Josepeme lao, Anatumi namba randa nyiyunupape dee nambana rakanena ree palupi nyuo kame sipili lao jilyamo lapala wane mupwa dokona kingi Manasa, leya.

Jenesese 41:52

Dee dopako pyuo, Anatumi namba randa nyuo karapunu panda dakena wane jilyamo, lapala wane enakana doko Eporaime leya.

Jenesese 46:20

Josepe akali Potepera purisi akali yuu Ono rangena wanenge Asenate lenge doko nyiyamopa baame wane lama Manasa Eporaimepa lengedolapo yuu Isipi dokona manjakamiya.

Jenesese 48:13

Pangu sepala baame wane dolapo kingi makande pipala Eporaime Isaraelena kingi kyairena kararo lao suu pyao kingi rolae dokome minyuo dee Manasa alemona kingi rolaerena kararo lao suu pyao kingi kyai dokome minyuo nyepala alemo peteyamo dokona lanyuo peya.

Jenesese 48:17

Josepeme rakangena kingi rolae Eporaime keta reteyamo doko mona mako kandeya. Kandapala rakangena kingi laeyo nyepala Manasana kyawa dokona alowa pyakaminya piya.

Jenesese 48:18

Dopa pyuo rakange lamaiyuo, Rakane embena kingi lawa pyuo minyilini. Wane dakewambowaŋa baa dokona kingi rolaeme minyape, leya.

Samu 110:1

Kamongo dokome nambana kamongo doko lamaiyuo, Nambana kingi rolaerename pisa ipu. Embena yanda pimwai ingyuo dupwa nambame nyuo embena kimbu yukuna dokona rambukinyinyi pyambwakaro.

Samu 118:16

Namba banya porai renge dokome pyao anamasi minyakalyamo. Banya porai renge dokome yanda angi pyao penge.

Ekesetase 15:6

Kamongo embena kingi rolaerena poraingi renge doko ama mupwa wakasa. Dokome yanda pimwai dupwa pyao poro lapala inji ranji pingi.

Matyu 16:18

Dokonako ingyuo emba Pita lenge (pii doko kana dopale) doko suu pyao kana andake dokona nambame nambana Elyambu Pingi doko pyakalyinya lao elya piru. Dokopa kumunginya renge porai dokome Elyambu Pingi doko kapa pyao amasu minya nara.

Matyu 19:13

Dokopa wane wanakepe lapo baa kareyamo dokona lanyuo epo kingi ketae reto ateŋa lakapyali lao lanyuo epeyami. Dokopa disaepole dupwame wambu dupwa pyalana pyuo epa kaena leyami.

Matyu 19:15

Lapala banya kingi nakama ketae retakamipala yuu doko yaki nyepala peya.

Matyu 6:5

Yanengena mamba kiso lao karenge wambu dupwame wambu peparaeme kandamili lao suu pyapala sinakoke anda dupwanape kata kyukunaiya dupwanape wangu lakao ateŋa lao karenge doko suu pyao nakama dopa pyuo ateŋa laa nalapape. Namba kinyi kinyi langilyu, wambu dopa pingi dupwa kingi kiso nyeramili dupwa nyepelyaminyi.

Luku 13:13

Lapala banya kingi doko enda dokona ketae reteya. Dokopa baa aopa pyasinju leya. Lapala Anatu lakando peteya.

Luku 4:40

Enakana neta anda pao kone pupuri piyamo gii dokopa wambu anga wakale wakale piyamo dupwa baa kareyamo dokona soo epeyami. Dokopa banya kingi dolapome nakama dupwa peparae ketae retapapu elya pipa piya.

APOSELENA YULU 13:3

Dopa leyamo dokopa nenge naa napala karo ateŋa lao dokopa nakamana kingi nakamba ketae reto elya pyuo pena leyami.

APOSELENA YULU 6:6

Rombo palyapala akali dusipa aposele dupwana lenge kambu siyamo dokona karena leyaminyi dokopa aposele dupwame nakamana kingi nakama ketae reto ateŋa lakamiyami.

Dutaronome 34:9

Ee lao piso oteyaminyi dokopa akali Nanena ikinyingi Josua mona palenge renge palyuo pyoko pyoko leya. Renge doko Mosese baame banya panda nyera lao rombo palyuo dokopa leyamuli pyuo piya. Isaraele wambu nakamame Mosese keta Anatunya mawa pii epeyamo dupwa Josuame leyamo dokona rape rape lao minyiyami.

1 Timoti 4:14

Poropeta akali dupwa misi andake lao kareyaminyipa Elyambu Pinginya mupwa dupwame emba elya pyuo pyambuo nakamana kingi dupwa embena kyawana reteyami dokopa Imambumi emba keta mora petenge jiyamo doko mee kaka soo nemba napipi.

1 Timoti 5:22

Kamongona yulu dokona mendali langa waiya lao rombo palya napipi. Mendena koo piramo dokona mee isa lakao palele lapala pii nao range waso kandanyi nembo karare.