Jenesese 48:10 - Anatunya Buku Baepole Ole Testamene Pii Lapo dee Nuu Tesamene

¹⁰ Isaraele emo lenge nyiyamo dokome kandalana saka naya. Dokopa Josepeme wane dolapo baa kareyamo dokona repeta lanyuo epeyasa kupyuo nyuo nyinyi piya.

Jenesese 48:10 ပူးပေါင်းရင်းမြစ်များ

Jenesese 27:1

Aisake baa emo lenge nyuo piyasa ikinyingi kyawa Iso doko epena lapala lao, Rakane, leya. Isome isingi lao, Dae karo, leya.

Jenesese 27:27

Dokopa repeta eponyinyi piipyamopa banya komaunya kyaa doko ai sepala baa elyape keta pisinyi pyambuo karapala lao, Rakane emba kyaa pipyamo sipu dokome ee mende Kamongome keyange ingyuo andanyi pyambungi dopale ingyalyamo, leya.

Jenesese 31:55

Wamba yangama dokopa Lapaneme sipurapala banya kauwange wanengepe elyape keta palyuo pakana lao nyinyi pipala kapu kyuo anda peya.

Jenesese 45:15

Josepe baame yangonge lapo dupwa nyinyi pipala ee lanyi pisiya dokopa yangonge dupwame baa role pyao pii leyami.

Jenesese 48:11

Isaraeleme Josepe lamaiyuo, Nambame emba kararenekandaronde daa lao masiyu doko kaepala dakepa Anatumi embena wane dolapo opetaekandare lao kata wapwakapya, leya.

Jenesese 48:8

Isaraeleme Josepena ikinyingi dolapo kandapala, Wane dalapo embena dolapope? leya.

1 Kiŋi 19:20

Dokopa Ilaisa banya mena okese dupwa yaki nyepala Ilainja peyamo dokona makando papala lao, Enakana embapa role pyao bonaleŋe. Nambana anyi rakanepe yako lao nyinyi pyuo karena larowale, leya. Dokopa Ilainjame isingi lao, Kapaŋa nambame emba kaeya laa nalyo. Kapu kyuo pupi, leya.

Ekelesiyastisi 12:3

Dokopa enakana embena kimbu porai ingilyamo dupwa pyuku laowape embena kingi emba minyaro karamo dolapo walu walu laowape embena nenge dupwa kuki lama iki kararamopa nenge kapa naa nare dee embena lenge doko kopa papyuo iminjeramopa bange dupwa kapa pyuo kanda nare.

Aisaya 6:10

Lapala namba langyuo, Nakama lengeme kando kaleme soo suu pinginya soo manji nyuo kara narami lao wambu dusipana suu pingi kendanyi nembo kale kata poeyanyi nembo lenge iminjinyi pyambuo karape. Nakama soo manji nyuo karamili mona kapu kyimili dokome namba pyuo nyipuli, leya.

Dutaronome 34:7

Mosese baa ee kana andete mendaki dee akalisa lama (120) nembo karapala kumuya. Baa lenge nyuope pii nayamo mee kana yale doko karo kumuya.

1 Samyuele 3:2

Yuu gii kukwama mendepa Ilai baa oo repeta lenge kwaeyara ingiyamo doko banya luu palenge rate dokona paleya.

1 Samyuele 4:15

(Ilai baa ee kana akalisa mange mendaki dee ipisu mange lama karo kareyamopa banya lenge doko kwaeyo oo repeta kwaeyalu kwaeyo kwaeyara ingiya.)