Jenesese 43:14 - Anatunya Buku Baepole Ole Testamene Pii Lapo dee Nuu Tesamene

¹⁴ Anatu Porai Wakasa dokome akali banya mona pyakaramopa baamenakama sakame kumaramopa nakamana yangonge mende doko dee Benjamenepa range pupwa lakanale. Nambana wane dupwa dee kando nyii naro ingiya kande doko dokolyamo, leya.

Jenesese 43:14 ပူးပေါင်းရင်းမြစ်များ

Jenesese 17:1

Aporame baa ee kana akalisa mange mendaki ipisu mange mendaki (99) papeyamo dokopa Kamongo dokome baa keta epo nolakapala lao, Namba Anatu Porai Wakasa karo. Embame nambana yulu palengenyili pyuo rolae pyuo karare.

Jenesese 22:14

Dokona lao Aporakameyuu doko kingi Kamongome Kando Nyiso Jera dopale, leya. Dakepape mende Kamongona yuu kyau dokona jeramo nolakara lao karaminyi.

Jenesese 28:3

Anatu Porai Wakasa dokome emba ketae nembo wai kisaramo dokona wambu akalyanda liti pyuo parami, leya.

Jenesese 35:11

Anatumi deeko lamaiyuo, Namba Anatu Porai Wakasa dokome emba para pyao malu nyere dupwa lapo kiŋi ingyuo parami. Dopa pyuo wane wanake malu manjirinyi rara malu ingyuo para pyao parami.

Jenesese 39:21

Baa karapusi anda paleyamo dokopa Kamongo Anatumi Josepe mona reto puu peyamosa karapusi isingi akalinya lenge kambu baa nyuo elyape inginyi pyambuya.

Jenesese 42:24

Mange dokopa Josepe ee dokome lulaka peyasa nakama yaki nyuo papala ee leya. Ee lao popo nembapala nakama kareyami dokona epo Simione nyepala nakamana lenge kambu siyamo dokona kiimbuya.

Jenesese 42:36

Rakange Jekopeme lamaiyuo, Namba isange doko kararaminyi kapa daa. Josepe pana naya. Dee Simione dopako pipyamopa dakepa Benjamene nyuo mona letaminyi dupwana namba apa lao paro?

Jenesese 43:13

Sipurapala yangone nyuo lanyuo akali baa karamo dokona dee kamba pupwa, leya.

Jenesese 44:12

Josepena kendemandeme wambo mandenge dupwana nyuu rangu pao wane enakana dokona lumwa pyuo ranguyamopa Benjamenena nyuunya paleyamo kando nyiya.

Esera 7:27

Esera baame lao, Kamongo namwana rora ambasu dupwana Anatu doko lakando karalapape. Baame kiŋi akali doko Kamongona tembole anda Jerusaleme dokona karenge doko angiŋi lao ketae nembara lao banya mona piya.

Niyamaya 1:11

Embena kendemande akali Niyamayana ateŋa lenge dokope embena Isaraele kendemande wambu menge dupwa emba rape rape lao karalana suu pingi dupwana ateŋa lenge dupwape sepe. Epapu namba embone pisinyi pyambuo akali kiŋi karamo dakeme namba kandapala kondana lao nyisinya lao karape, Anatu lamaiyu. Yuu gii dusipana namba kiŋi akalinya nenge ipwa waenepe minyakamyuo epo maipapu pingi akali ingyuo karapala yulu dupwa pyuo kareyo, leya Niyamayame.

Samu 100:5

Kamongo doko keyange. Baame namwa kulisa palyuo mona reto karalu karenge. Baame namwa yaki nyii nao namwa keta keyangeko pyuo puu penge.

Poropepe 1:1

Dapitinya ikinyingi kiŋi Solomone Isaraele wambunya kiŋi dokona mana pii lasi palamo.

Aisaya 49:13

Dokona yake pandana palaminyi dupwa kenane pyalapape. Isa yuu dokome rae maiyuo pii ketae palyuo lape. Yuu kyau dupwana piso kenane doko ipwa ingyuo langa kulimbwanyi peeyo epena. Kamongo dokome banya wambu randa nyuo karaminyi dupwa sakame kumuo mona minyarambu minyaro karara, leya.

Luku 1:50

Wambu baa kando pako wambo kareyami dupwape enakana kararami dupwape baa sakame kumuo nyiso karenge.

Jone 19:22

Pailateme lao, Pii pyapu doko pyalu pyao pyapu, leya.

APOSELENA YULU 21:14

Dokopa kongo piyamanopa kando kaeyo leyasa namwa kaepala Kamongo dokome pinya letamuli pyuo pinya leyama.

APOSELENA YULU 7:10

Nyiso karo Josepe baa keta randa epeya dupwa ramanyi nembakamyuo kareya. Isipi wambunya kiŋi Perao banya lenge kambu dokona Anatumi Josepe elyape inginyi pyambuo singi renge maiya. Dopa piyamo dokopa Perao baame Josepeme Isipi wambunya gapomane mupwa ingyuo karo banya anda yuupi iso karena leya.

1 Timoti 1:16

Dopa pyuo yulu koona mupwa ingyuo piyunu dokona lapala Anatumi sakao pyuo nyuo nyisiya. Anatu baa rape rape lao karenge doko namba akali koo wakasa pingi doko keta lasaka piya. Wambu enakana Yesu kapa ingingi lao suu pyao kyakana renge kulisa palu palenge nyerami dupwame serami lao namba keta lasaka piyasa piya.

1 Timoti 1:2

O Timoti nambana Kurisene wane angi doko emba pepa dake pyao jilyu. Rakane Anatu namwana Kamongo Koraisa Yesupame mona keyange palyuo ipingi renge dokopa sakao nyiso karenge renge dokope mona kyuu lao singi rengepe emba keta palena lao leto.

Taitesa 1:4

Nambana Kurisene wane angi Taitesa emba pepa dake pyao jilyu. Rakane Anatu Koraisa Yesu namwana Lete Wai Pyao Nyingi dokopana mona keyange palyuo ipingipi mona kyuu lao singipi emba keta palena.

2 Jone 1:3

Namwa kinyinya renge yaki nyii nao wambu yango mona reto kararamanopa Rakane Anatu banya Ikinyingi Yesu Koraisapana mona keyange palyuo ipingi rengepe sakao nyiso karenge rengepe mona kyuu lao singi rengepe namwa keta palira ingilyamo.