Jenesese 40:20 - Anatunya Buku Baepole Ole Testamene Pii Lapo dee Nuu Tesamene

²⁰ Yuu gii rema kore yuu sepeyamopa Perao banya mandenge gii pyaka siyamo dokopa banya yulu pingi wambu dupwa nenge andake nala epena leya. Nao peteyaminyi dokona banya waenena yulu pyakamingi borete wasakamyuo pingi dolapo epena leya.

Jenesese 40:20 ပူးပေါင်းရင်းမြစ်များ

Jenesese 21:8

Dokopa wane Aisake ando otapala anju naneya. Dopa piyamo yuu gii dokopa Aporakameme mena nengepe nyuo kuiyuo pati andake piya.

Jenesese 40:13

Peraome embena koo doko kame sepakala yulu pingi dokona range piri laramopa waene kingyuo karo mainginyili pyuo maiyuo karare, leya.

Jenesese 40:19

Yuu gii rema paramopa Peraome embena mange pyao puku nyepala embena yongo doko isa mendena yukwaramopa yakame embena yongo doko nao soo parami renge dokona pipyalyamo, leya.

1 Kiŋi 3:15

Enakana Solomone sipurapala kandeyamo dokopa Kamongo dokome kombeyame pii lamaiya ingiyamosa baa soo gisiya. Dopa pipala baa yuu Jerusaleme papala Kamongona Kana Minyuo Lalu Lao Lenge Pii Palenge Bokote siyamo dokona lenge kambusa roya karapala bange kiso mukinyi nembo dupwape dee nyuo malu palyuo yalya kando piso bange maingi dupwape Kamongo maiyuo piya. Enakana dokopa banya akali mupwa peparae malu palyuo nenge kiso maiya.

2 Kiŋi 25:27

Akali Ipilimorotake Bapilone wambunya kiŋi ingyuo kareyamo ee kana dokopa baame Juta kiŋi Jiyoakini doko kando anjiki pyuo mona reto karapusi paleyamo doko nyisa pena leya. Doo piyamo doko Jiyoakini baa karapusi pyao minyuo papeyaminyipa ee kana akalisa rema ipisu yanda ipingi dokona kana akalisa ipisu lama yuu gii akalisa lama ipisu yanda ipingi dokopa dopa piya.

Jopo 3:1

Pii laa nao koo piku piku pao peteyaminyi dokopa Jopome baa mandeyaminyi yuu gii doko epe see naya.

Samu 105:19

Piyaminyipa dopa piraŋa lao pyasi paleyamo doko angi pyaka siya. Dopa piraŋa lao leyamo Kamongona pii doko kinyi angi rolae ingyuo peya.

Jeremaya 52:31

Kiŋi Jiyoakini ee kana akalisa rema ipisu yanda ipingi yuu gii akalisa lama ipisu kingi paki dokona kana akalisa ipisu lama dokona karapusi dokona palyuo kareya. Kareyamo dokopa ee kana dokona akali Epelemerotake baa Bapilone wambunya kiŋi karapala yuu Juta range kiŋi Jiyoakini baa kando anjiki pyuo karapusi paleyamo doko nyiso nyisa nyiya.

Matyu 14:6

Dopa piyamopape Erote baa mandeyaminyi gii doko pyaka siyamo dokopa wambu role pyao yalya kando peteyaminyi dokopa dupwana lenge kambu dokona Eroteyasena wanenge doko mali lyiyasa Erote kando rae maiya.

Matyu 25:19

Yuu andarele epo papeyamopa yulu pingi akali dusipana kamongo dokome epapala kana dokona lao roleyami.

Make 6:21

Erote baa mandeyaminyi gii doko pyaka siyamo dokopa pati andake leya. Dokopa, Gapomane rapu pingi mupwa akali dupwape yanda singi mupwa dupwape yuu Galili range kamongo dupwape role pyao nenge narama epena, leya.