Jenesese 39:21 - Anatunya Buku Baepole Ole Testamene Pii Lapo dee Nuu Tesamene

²¹ Baa karapusi anda paleyamo dokopa Kamongo Anatumi Josepe mona reto puu peyamosa karapusi isingi akalinya lenge kambu baa nyuo elyape inginyi pyambuya.

Jenesese 39:21 ပူးပေါင်းရင်းမြစ်များ

Jenesese 21:22

Mange dokopa Apimelekepa dee Pikole banya ami akali mupwa dokope dolapome pipala pao Aporakame lamaiyuo lao, Emba yulu peparae pipinyi dupwana Anatu doko role karamo kande.

Jenesese 39:2

Dokopa Kamongo dokome Josepe baapa role pyao karapala yulu peparae mondo lanyi pyambwakamiya. Josepe baame Isipi akali mupwa dokona anda palyuo kareya.

Jenesese 39:3

Banya akali mupwa kando Kamongome Josepe role pyao karapala mondo lanyi pyambwapyamopa yulu peparae elyape ingyuo pyuo karamo lao kandeya.

Jenesese 39:4

Potipa Josepeme nyiso pyuo kareya dupwana kando epe siya. Sepala banya andape bange dupwa peparaepe iso karena leya.

Jenesese 40:3

Imbwuapala baame puu maiyuo karapusi anda yanda singi mupwa iso kareyamo dokona Josepe kareyamo dokona pyambuya.

Samu 105:19

Piyaminyipa dopa piraŋa lao pyasi paleyamo doko angi pyaka siya. Dopa piraŋa lao leyamo Kamongona pii doko kinyi angi rolae ingyuo peya.

Samu 105:22

Maipala baame kiŋinya akali kyawa dupwa pawa palyuo iso karena lao panda maiya. Kiŋinya dopa piri dapa piri lao nyiso lenge akali dupwa baame lamainya lao panda maiya.

Ekesetase 11:3

Kamongome Isipi wambu nakamame Isaraele wambu dupwa kando mena suwape ingyuo suu pyaa nana lao piya. Dokona lao yulu pingi akali mupwa dee wambu peparaepeme Mosese baa akali andake wakasa lao suu piyami.

Ekesetase 12:36

Piso siyaminyi dokopa Kamongome Isipi wambu nakamame Isaraele wambu dupwa kando mena suwape ingyuo suu pyaa nana lao piyasa nakamame bange kee leyami dupwa kaeya napala maiyami. Dopa piyamo dokome Isaraele wambumi Isipi wambunya kamongonge bange peparae nyuo pao oteyami.

Ekesetase 3:21

Nambame Isipi range wambu dupwame nakamana kingi rape rape lena pirunupa nakama puu pao paraminyi dokopa mee kingipa paa narami.

Aisaya 41:10

Namba nakama pipya role karapunu pilyamoŋo pakame kumuo kara nalapape. Namba nakamana Anatuŋu bange mendemepe nakama keta paka mona palyinyi pyambwa nanale. Nambame nakama porainyi pyambuo nyiso kararo. Namba konambena mendeke alya isa ingyuo kyawa lete nyuo nyiso kararo.

Aisaya 43:2

Nakama ipwa rapu koko kyuwa dupwa yalo paraminyi dokopa namba range nakama role kararo. Nakamana randa dupwame nakama kapa nyuo anamasi minya nara. Isare rao kararamo dupwana sukusa parami dokopa nakama isare dokome kapa raa narami. Dee makande pingi andake dupwa nakama keta eparamo dokopa randa nyii narami.

Daniele 1:9

Dokopa akali Asepenase doko Anatumi nyisiyamosa baame Daniele kando sakame kumuo nyisalana suu piya.

Daniele 6:22

Mena laene dupwame namba randa joo naa nana lao nakamana nenge kata dupwa upi larami lao Anatumi banya aŋala dupwa peeyapya. Dokona namba keta koo mende pali nao dee nambame emba kiŋi andake doko keta koo mende pii nao pingi doko baa singi dokome dopa pipya, leya.

Orome 8:37

Dupwana mona nemba namanale. Dupwa peparae Yesu namwa mona reteyamo doko keta nyuo anamasi minyuo kaeyama.

1 Pita 3:17

Anatumi emba keta randa kapa epena lara ramo doko yulu koo mende pipunusa pyaamo lao suu pyaa napala keyange reke dokona lao nyipusa pilyamo lao suu pyao karare.