Jenesese 39:2 - Anatunya Buku Baepole Ole Testamene Pii Lapo dee Nuu Tesamene

² Dokopa Kamongo dokome Josepe baapa role pyao karapala yulu peparae mondo lanyi pyambwakamiya. Josepe baame Isipi akali mupwa dokona anda palyuo kareya.

Jenesese 39:2 ပူးပေါင်းရင်းမြစ်များ

Jenesese 21:20

Anatumi wane doko keta nyiso kareyamopa yuu muiyane Parane dokona palu baa ando papala yanda soo nuli nenge akali porai ingyuo kareya.

Jenesese 21:22

Mange dokopa Apimelekepa dee Pikole banya ami akali mupwa dokope dolapome pipala pao Aporakame lamaiyuo lao, Emba yulu peparae pipinyi dupwana Anatu doko role karamo kande.

Jenesese 26:24

Peyamo dokopako kukwa Kamongo baa keta epapala lamaiyuo lao, Namba embena rakane Aporakamena Anatu. Dokona papa lao paka napipi. Namba embapa role pyao karoŋo. Nambana kendemande Aporakame kando lalu lao leyo dokona nambame emba elyape keta pisinyi pyambuo emba jingi para pyao manjirinyi dupwa andake inginyi pyambwakaro, leya.

Jenesese 26:28

Nakambame isingi lao, Kamongodoko panembena embapa role pyao karapyamo kandapala namwame embapa pii angi mende kana minyuo lalu lao larama.

Jenesese 28:15

Kando karape. Nambame embapa karapala anja panda parene dupwa minyuo paeyo dee yuu dakena laeyo lanyuo eparo. Dopa pyuo nambame emba yaki nyii nao karo langipu dokona palyapala kaeyaro, leya.

Jenesese 39:23

Dokopa karapusi isingi akali dokome yulu peparae Josepe keta retapala kaeya. Renge doko Kamongo baa Josepe keta role pyao kareyasa bange peparae piyamo dupwa elyape ingyuo peya.

Jenesese 39:3

Banya akali mupwa kando Kamongome Josepe role pyao karapala mondo lanyi pyambwapyamopa yulu peparae elyape ingyuo pyuo karamo lao kandeya.

Samu 1:3

Akali doko baa isa ipwa epo penge repeta ando karenge dopale doko. Yuu gii jingi mondo lao lyingi yuu gii dokopa keyange pyuo lyingi. Dee banya yoko dupwa yando naa nange. Akali dokona yulu suu pingipi peparae kapa palyuo penge.

Samu 46:11

Kamongo Porai Wakasa doko namwa pipya role pyao karapyamo pilyamo. Jekopena Anatu doko namwana yalu pingi panda ingyuo karamo.

Samu 46:7

Kamongo Porai Wakasa doko namwa pipya role pyao karapyamo pilyamo. Jekopena Anatu doko namwana yalu pingi panda ingyuo karamo.

Samu 91:15

Nambame nyisape lao kyakale laraminyi dokopa isingi pii yano doko pyakamiro. Nakamba randa nyepala pisiraminyi dokopa kaeya nao role pyao piso nenge rekya lao nyepala dokopa nakama lakando kingi ketae pyambuo piro.

Aisaya 41:10

Namba nakama pipya role karapunu pilyamoŋo pakame kumuo kara nalapape. Namba nakamana Anatuŋu bange mendemepe nakama keta paka mona palyinyi pyambwa nanale. Nambame nakama porainyi pyambuo nyiso kararo. Namba konambena mendeke alya isa ingyuo kyawa lete nyuo nyiso kararo.

Aisaya 43:2

Nakama ipwa rapu koko kyuwa dupwa yalo paraminyi dokopa namba range nakama role kararo. Nakamana randa dupwame nakama kapa nyuo anamasi minya nara. Isare rao kararamo dupwana sukusa parami dokopa nakama isare dokome kapa raa narami. Dee makande pingi andake dupwa nakama keta eparamo dokopa randa nyii narami.

Jeremaya 15:20

Nambame emba kone kana yale kapa dupwame kana kame porai pingi dopale ingyuo kareene lao suu pyapala nakamame emba isa palya narami ingyara. Nambame emba kyawa minyuo lete wai pyao nyuo kararo.

Matyu 1:23

Doko enda mapwae mende wane pisaramopa wane mende manjira dokopa banya kingi Imanuele larami leya. (Kingi Imanuele doko Anatu namwa pipya role pyao karamo dopale.)

APOSELENA YULU 8:31

Dokopa baame dopa leya. Mendeme namba mana langya narami ramo dokona apa pyuo sero? lapala, Role pyao pisimbana. Pilipa pulyuo epena leya.

1 Timoti 6:1

Yulu pingi akali dupwame nakamana yulu pyakamaingi akali doko keyange ingyuo karamo lao suu pyao karo banya kingi ketae pyambuo pyuo kararami. Dopa pyuo kararami ramo dokopa Anatunya kingi dokonape dee Kurisene yulupi dolapona kwaelyamo laa narami.

Josua 1:5

Josua emba lete kararene yuu gii dusipana mendemepe emba nyuo isa palyuo wini pira ingya nalyamo. Namba Mosese keta pyakamyuo kareyonoli pyuo emba keta dopako pyakao kararo. Dee yuu peparae namba emba role karo emba yaki nyuo kaeyaronde daa.

Josua 1:9

Nambame emba kando, Mona kumapala porai ingyuo yulu dokona kandokondali pyuo karape lao mana langiyu kande. Dokona lao namba embena Kamongo Anatu emba anja panda parene dupwana role pyapeta paramba dokona paka nao mona nemba nao poraiyuo karape, lao Kamongome leya.

Josua 6:27

Dokona lao Kamongo doko Josuapa role pyao kareyambisa banya kingi doko yuu muu dupwana raeyo soo kapa kapa piyami.

1 Samyuele 16:18

Leyamo dokopa akali kareyaminyi dokona mendeme leya. Jese yuu taone Beteleme range dokona ikinyingi doko rambyalu dokome musiki pyao ama keyange lenge. Baa akali paka nange yanda singi keyange baame pii mondo lao lenge dee yanenge keyange karenge. Kamongo Anatu role pyao karelyamopa karenge, leya.

1 Samyuele 18:14

Kamongo baame Dapiti keta kareyamo dokome Dapiti banya yulu peparae kapa pyuo peya.

1 Samyuele 18:28

Kamongo baa Dapiti keta kareyamo dokope dee banya wanengeme Dapiti mona reteyamo dokope Soleme soo nyiya.

1 Samyuele 3:19

Samyuele ando oteyamo dokopa Kamongo doko baa keta role pyao kareya. Role pyao karapala Samyueleme pii leyamo dupwa angi kinyi dokonako pinya lao piyasa angiko pyuo peya.