Jenesese 38:7 - Anatunya Buku Baepole Ole Testamene Pii Lapo dee Nuu Tesamene

⁷ Yuu mendepa Ere baa yulu kopetame piyamo dokona Kamongome soo epe nasepala baa pyao kumanyi nembeya.

Jenesese 38:7 ပူးပေါင်းရင်းမြစ်များ

Jenesese 13:13

Dokopa akali yuu Sotoma range dupwame kopetame pyuo Kamongona yulu dupwa uki palyuo kareyami.

Jenesese 19:13

Yuu dake repeta pyao kokwa solomano. Renge doko Kamongona lenge kambu dokona pii andake palipyasa baame kokwa sinyi nembala pupwa lao Kamongome nambwa peeyapyasa epelyambano, leyambi.

Jenesese 38:6

Juta baa banya wane mupwa Ere dokona wanake mende Tama lenge nyakamiya.

Jenesese 46:12

Jutana wane dupwa Ere Onane Sela Peresa dee Sara dupwa mandeya. Dokona Ere Onanepa dolapo yuu Kenane kumapeyambinyipa peyami. Peresena wane Eserone Amulipa dolapo.

Jenesese 6:8

Dopa pyuo lapalape Kamongome Noa yeelyo kando rae maiyuo kareya.

1 Kiŋi 17:20

Retapala baame ateŋa poraiyuo pyao lao, O Kamongo nambana Anatu, enda waiya dake kando yulu koo dopale doko akipamo pilisi? Enda baame namba kapa ingyuo rapu pipapyamopa dee epapu embame banya ikinyingi doko pyakamilyane, leya.

1 Samyuele 2:25

Akali mendeme akali yango mende kando koo pirande ramo doko Kamongome banya lao pii lakamira ingilyamo. Dopa pipyamopape akali mendeme Anatu kando koo pira ramo doko apimi soo lakamirase? leya. Dopa leyamopape Kamongome pyalana suu pyao oteyamo dokome nakambame rakangena mana pii doko mende lalyamo lao sakami nayambi.