Jenesese 38:24 - Anatunya Buku Baepole Ole Testamene Pii Lapo dee Nuu Tesamene

²⁴ Kana rema papeyamopa lapome Juta lamaiyuo, Embena kauwane kande doko mendeme nyiyande dakepa wane palamo, leyami. Dokopa Jutame enda baa neta nyepala isare dokona pyao kisinya, leya.

Jenesese 38:24 ပူးပေါင်းရင်းမြစ်များ

Jenesese 20:3

Dopa piyamopa yuu gii kukwa mendepa Anatumi baa paleyamo dokona kombeyame epo lamaiyuo lao, Emba enda dae nyipinyi doko akali nyinginde nyipiŋi emba kumare lyakande, leya.

Jenesese 20:7

Epapu akalingi range keta pyamalyarenepa baa poropeta akali kandapi dokome loma sakaramopa mee lete karare. Dee range maiyakami nare ramo doko embape embena ree palupi peparae kumarami, leya.

Jenesese 20:9

Dokopa Apimelekeme Aporakame epena lapala, Embame namwa kando akinde pipisi? Nambame aki kokonde emba kando pipundena embame nambape nambana rarape dupwa keta yulu koo andakedoko minyuo ipisi? leya. Lapala Apimelekeme Aporakame kando lao, Embame doo pipinyi doko pii nangende pyaanelyamo.

Jenesese 34:31

Dokopa nakamame isingi lao, Namwana pemalenge doko mee pamuku inginyi pyambwapya doko kapa ingyuo pelyase? leyami.

Jenesese 38:23

Pii doko sepala Juta baame, Baa pangali nyinya kaeyambana. Dee koto nyii nambanale. Wambu dupwame nambwa kando giyuo lasarami. Mena doko emba keta pyambwapu doko enda kando nyii nalene lyamo doko pii mende pali nara, leya.

2 Samyuele 12:5

Dokopa Dapitimi akali kamongo bange malu retenge doko kando ama wakasa imbwuapala lao, Namba Kamongo Lete Karenge doko kando lalu lao leto. Akali doo piyamo doko baa pyao kumapengeleŋe.

2 Samyuele 12:7

Leyamo dokopa Netaneme lao, Emba akali dokoŋo, leya. Lapala lao, Kamongo Isaraele wambunya Anatu dokome dapa lapya. Nambame emba Sole keta kingi raka lao kiiramo nyepala Isaraele wambunya kiŋi wasiyu kande.

Jeremaya 2:20

Kamongo Mupwa Andake Wakasa dokome lao, Isaraele wambu dupwa nakamame yuu wamba nambana porainya renge doko kilya kandeyami. Nakamame namba kamba lao warombo soo lakanda nayami. Lapala yuu kyau ketae dupwanape dee isa renge isarena dupwana anatu angi daa dupwame namwana ee nengepe menape ree palupi dupwa kapa andanyi pyambungi lao lakandeyami.

Osia 2:5

Dokopa kepo pingi enda elya pali nange dokome lao, Nambana akali mona retenge dupwa piya paro dokopa nakamame namba nenge ipwa dee komau ipwa waene isa olipi ipwange dupwa jerami, leya.

Osia 3:3

Nambame baa lamaiyuo, Emba nambana etenge ingyuo petene dokona yuu gii malu mee pisiri, lamaiyu. Emba pamuku yulu pyuo akali wakale mendepape pali nare lamaipala namba dopako piru, leyo.

Osia 4:15

Dokonako ingyuo Isaraele wambu nakamame namba yaki nyilyaminyi Juta wambu dupwa dopako pyuo koo dopaleko pii nana. Yuu Gilikale dokonape yuu Betele dokonape misi lala pao Kamongo lete karenge dokona kingi lao lalu lao lenge pii dupwa lao pii nalapape.

Orome 14:22

Embena suu pinginya anjukunya mende rolae lao serene doko Anatupa iki wato larambi. Akali mendeme baapa pii pali nara lao range sepala pyuo karamo dokona rae maiyuo karara ingilyamo.

Dutaronome 24:16

Wane wanakepe dupwame koo mende pirami dokopa endangi rakangepe dupwa pyao kumaka narami. Dee endangi rakangepe dupwame koo mende pirami dokopa wane wanakepe dupwa pyao kumaka narami. Dopa pii naraminyipape wambu koo piramo doko baa range banya koo dokona yano nyuo kumara.