Jenesese 37:8 - Anatunya Buku Baepole Ole Testamene Pii Lapo dee Nuu Tesamene

⁸ Leyasa banya yangonge dupwame baa imbwuapala piso soo, Emba kiŋi ingyuo karapala namwa iso karapuli lao suu pilisi? leyami. Lapala banya kombeya polo leyamo siyami dokona lao epe kanda nayami.

Jenesese 37:8 ပူးပေါင်းရင်းမြစ်များ

Jenesese 27:41

Lapeyamo dokopa Iso rakangeme angi elyape keta pisinyi pyambwa nayamo dokonalao Jekope kando imbu singi andake manjipala lao rakane repeta kumara ingilyamodoko kumanda piso paparamano dokopa yangonge Jekope pyaro lao suu piya.

Jenesese 37:4

Rakangeme dopa pyuo Josepe yapo rae maiyuo kareyamo kandapala banya yangonge dupwame Josepe epe kanda napala yuu peparae isi piyami.

Jenesese 37:9

Dee Josepe kombeya mendeko piya dokona yangonge dupwa lamaiyuo lao, Dee kombeya dakena doko neta kana dee bui akalisa ipisu mendakipi namba karapunde dokona isarena pao pangu soo karalaminyi, leya.

Jenesese 42:10

Dopaleyamo dokopa nakamba isingi lao, O kamongo, emba letene doko daa. Namwa mee embena kendemande akali ingyuo nenge ropo pyalana imwa, leyami.

Jenesese 44:18

Jutame Josepe repeta pao lamaiyuo, O nambana kamongo, pii nambana monana epelyamo dupwa peparae langinyaŋa. Nambapa imbwa napipi. Kamongo emba Perao baa yaleko karene kande.

Jenesese 49:26

Eena nenge lokwasoo kapa simbu palyuope yuu kyau ketae pilyamo ota nalu nange dupwape yuu kyaukuki keyange sulu singi dupwape renge keyange dusipa Josepe baapa epo palenale baa iki wane yapasi dokona suu pyao baa keta sinyale.

Jenesese 50:18

Enakana yangonge dupwa rangeme epo isa kandalyaro pisipala lao namwa embena kendemandeingyuo pisimwano kandelene doko, leyami.

Samu 118:22

Doko akali anda pyuo kareyami dupwame kana mende nyuo nembeyami. Kana doko enakana anda donge dokona mupwa ingyuo epo siya.

Ekesetase 2:14

Dokopa akali dokome isingi lao, Apimi emba kote singi akali wasapala namwa rapu pyuo kara lapyase? Embame Isipi akali pyao kumakapi doko suu pyao namba pyao kumakapuli lao letese? leya. Dopa leyamo dokopa Mosese pakaya. Namba doo pipu kandapi doko wambu dupwa similyamo.

Luku 19:14

Dokopa banya wambu dupwame baa ipyao kareyami dokome baa peyamo kata dokona akali lapo enakana wai minyuo akali doko namwana kiŋi ingyuo rapu pyuo kara napyali lao suu pilyamano lala pena leyami.

Luku 20:17

Leyaminyipa baame nakama kandapala dopa leya. Anatunya pii pyasi mende palamo. Akali anda pyuo kareyami dupwame kanande nembeyami dokoko enakana anda donge dokona mupwa ingyuo epo siya, pii doko aki rengendena lao letase? leya.

APOSELENA YULU 7:35

Sitipename nakama kando, Nakamba Isaraele wambu dupwame wamba dokopa Mosese kando, Apimi emba namwana rapu pyuo kote singi akali ingyuo karape leyape? lao kilya kando leyami. Leyaminyipape akali mendaki Mosese dokoko aŋala mende isa palunya isare rao kareyamo dokona sukusa kareyamo kandeyamopa Anatu baame nakama Isaraele wambu dupwa rapu pyuo karo kiiramo nyuo lanyuo pena leyapya.

Dutaronome 33:16

Nakamana yuu doko mena nengepe keyange dupwame mee poro lao keta pyao sinya lao Kamongo baa keta keyange renge palenge yuu isoko dokona isare kekenge ingyuo rao epo Mosese keta pii leyamo dokome dopa pyuo elyape keta pisara. Josepe baame yangonge dupwana kyawa ingyuo kareyamo dokona Josepena rara dupwa keta renge keyange dapwa epena.

Ipuru 10:29

Doko suu pyao mendeme Anatunya Ikinyingi dokona kandanyi nembapala Anatunya lalu lao leyami pii kapa wai wara pyuo piyamo ranjama wamba poo pyao nyiya doko meeŋe lao suu pyao, mona keyange palyapala ipingi Imambu doko kilya kando lara ramo doko baa keta apa pirase? Baa randa dokona kuki ingyuo paralya silisi?

1 Samyuele 10:27

Dokopa wambu kopyali lapome lao, Akali dakeme apa pyuo namwa keyange ingyuo nyisarase? leyami. Lapala nakamame Sole awa nao kilya kandapala bange lapo rae maiyuo mai nayami.

1 Samyuele 17:28

Dapitimi wambu dupwa pii doo lamaiyami doko Eliape banya yangonge porai dokome siya. Sepala baa imbuo dopa leya. Emba dakena aki nyela epelene? Embena mena sipisipi duluma apimi rapu pyuo yuu pau dulunya karase? Emba wane kopyali range mupwa lao suu pyapala yanda pimi dake kandala epane doko namba silyu, leya.

1 Samyuele 18:8

Dokopa Sole baa rae mai napala baa wakasa imbumi kumuya. Imbumi kumapala pii dopa leya. Dapitimi taosande akalisa (10,000) pyao kumuya lao taosande mendaki (1,000) iki nambame pyao kumii, letaminyi. Dokona yulu mendaki iki silyamo doko baa kiŋi ingyuo karena larami, leya.