Jenesese 37:34 - Anatunya Buku Baepole Ole Testamene Pii Lapo dee Nuu Tesamene

³⁴ Jekopeme doko sepala banya komau doko minyuo rokwapala komau pupurindeme kanya puu pisiya. Mona randalyo lao piya. Dopa pyuo banya wane dokona lao yuu malu ee lao kumanda peteya.

Jenesese 37:34 ပူးပေါင်းရင်းမြစ်များ

Jenesese 37:29

Enakana Urupene yuwale dokona palira lao kandala epeya dokona pali nayamosa baa kondome kumuo yanenge pepingi banya doko minyuo rokoya.

Jenesese 42:38

Dopa leyamopape Jekopeme lao, Nambana wane doko nakama pipya kapa paa nara. Yangonge kumuya dokona baa iki lenge rao silyamo. Baa katasa pyasakarami. Nakambame namba yaku kareta dake randa koo doko jeramisa saka renge paleta kumuo paro, leya.

Jenesese 44:13

Dokopa nakama yamarangyuo komau dupwa minyuorokwanyi nembo bange dupwa dongena retapala manjo taone dokona dee lambu peyami.

2 Samyuele 1:11

Leyamo pii dupwa sepala Dapitimi baa kondome kumuo mona randapala banya komau dupwa minyuo pilyiya dee banya akali dupwa opetae dopako piyami.

1 Kiŋi 21:27

Ilainja pii lao otapeyamo dokopa kiŋi Ayapeme banya komau doko minyuo kangunyi nembapala baa kumanda wapungi komau wapuo nenge naa nao mee luu palyuo baa mona randame kumuo peteya.

2 Kiŋi 19:1

Akali dusipame epo pii lamaiyaminyi doko sepala dokopa aopa kiŋi Esekaya dokome mona randame kumuo banya komau pingi dupwa minyuo pilyapala baa kumanda piso kondome kumuo komau wapungi dupwa wapupala Kamongona tembole anda dokona peya.

2 Kiŋi 2:12

Peyamo dokopa Ilaisa doko kandapala Ilainja kando ee lao, Nambana rakane nambana rakane Isaraele poraiyuo iso karenge emba pelene lamo leya. Lapala baame Ilainja dee kanda naya. Baame Ilaisa sakame kumapala banya komau doko kanguo lamasa piya.

2 Kiŋi 22:11

Buku yaka leyamo doko kiŋi dokome sepala kondome kumuo banya komau doko minyuo kanguya.

Niyamaya 9:1

Kana mendaki dokonako yuu gii akalisa lama ipisu kisima dokopa Isaraele wambu dupwa epo mendakinya pisipala nakamana koo dupwana lao sakame kumuo nenge naa nao peteyami.

Jopo 1:20

Lamaiyamo dokopa Jopo roya karo banya komau pilyini nembapala yuu dokona mukumbwalo sepala baa randa epeyamo dokona kyawasi angasi pyao Anatu lakandeya.

Jopo 2:12

Lapala nakama katasa epo nanesa karo baa kando gisa nayami. Enakana baa lamo lao kandapala dokopa nakama ee lao yamarangyuo nakamana komau pee pingi dupwa pilyini nembo pee awaipi pyambuyami.

Samu 69:11

Namba kumanda piso ee lao wapungi komau wapwaro pisipu dokopa giyalya giyana pilyamini.

Aisaya 32:11

Wamba nakama randa epa napyamo awa awa pyuo koo soo piso karo pimi kandapi dupwa dakepa pakame kumuo walu walu lao karo nakamana komau rokwanyi nembapala mee asingi dupwame kanya romba dupwana bole bale lapala karalapape.

Jeremaya 36:24

Dopa piyamopape kiŋi dokope panda banya akali mupwa dupwape lapo pii doko siyaminyi dupwa nakama pakame kumuo kondapala renge lao mende lasaka pyuo pii nayami.

Joele 2:13

Nakamana komau doko mee langa kangwa napala nakamana mona anda angi kinyi kinyi kondalapape. Nakamana Kamongo Anatu keta kamba range kapu kyuo ipupwape. Anjiki pipala sakao pyuo nyingi renge doko baa keta simbwaro karenge. Baa waiya lao imbwa napala banya lalu lao lenge pii dupwa mee suu pyaro karalu karenge. Baame yuu peparae koo dupwa kame sepala randa maiya nange.

Matyu 11:21

Yuu Korasina wambu dupwa, nakama keta randa narami. Betesaita wambu dupwa, nakama keta randa naramiko. Nakamana yuu dolapona yulu andake pyuo kareyo dupwa yuu Taya Saitonepa dolapona pyuo kareyoli doko nakama yuu wamba dokopa mona enenge palyuo karapala kumanda piso wapungi bange dupwa nyuo yanenge yambe pyao wapupala pee pyambuo peteyamuli.

Matyu 26:65

Dokopa purisi akali mupwa dokome banya range komau pee pingi doko minyuo pilyiya. Pilyapala, baame Anatunya lenge kambu dokona kokwa soo lalyamo. Akipamo dee akali lapome baasa kando lenako laramase? Baame Anatunya lenge kambu dokona kokwa soo lalamo doko nakamame selaminyi.

APOSELENA YULU 14:14

Dokopa Banapasa Polepa dolapo dopa pilyaminyi leyaminyipa sepala nakambana komau minyuo pilyapala wambu netarena malu palyuo kareyami dokona sukusa puupae lao pao kee palyuo dopa leyambi.

Orepalaisane 11:3

Dokopa nambana pii minyingi akali lama kumanda petenge komau wapuo pisirambinyipa pena lao nembaro. Nakamba yuu gii malu (1,260) dusipana Anatunya pii polo lao kararambi leya.