Jenesese 31:1 - Anatunya Buku Baepole Ole Testamene Pii Lapo dee Nuu Tesamene

¹ Jekopeme Lapanena ikinyingi dupwame lao, Jekopeme rakanena bange dupwa nyuo kalyilyamo. Bange rakanena dupwameko baa nyuo kalyapala kamongalanapilyamo lao leyaminyi doko siya.

Jenesese 31:1 ပူးပေါင်းရင်းမြစ်များ

Jenesese 30:43

Dopako pyuo kareyamosa Jekope baa kamongapala mena malu minyuo kendemande enda akalipi wakasa karo dee mena kamele osepe dupwame kaiya kareya.

Jenesese 31:2

Dokopa Lapaneme Jekope wamba wane mupwasa ingilyamo karenge doko kaelyamo lao kandeya.

Jenesese 31:43

Lapaneme Jekope isingi lamaiyuo lao, Wanake dolapo wane pipya dee menape nambana. Dupwa peparae namba rangenako doŋo aki yulu mende nambana wanakepe wane pipya pyuowape? leya.

Jenesese 45:13

Rakane lamaiyuo, Namba iki yuu Isipi darena nambana ingyuo sipyamo karamo lao nakama kandami kandapi dopa pyuo lamaipala dokopa waiya lao mwua lapala lanyuoko dae ipupwape, leya.

Jopo 31:31

Akali nambana yulu pyakange dupwame wambu upunili dupwa yuu peparae yako lao nenge pilyunu doko kandenge.

Poropepe 27:4

Imbu singi dokome ingi pungipi nenge ingilyamopape yango palyingi renge dokome wambu kamame kokwa sinyi nembenge.

Jeremaya 9:23

Kamongo dokome letamo. Mona palenge akali dupwame nakamana mona palyuo soo nyinginya renge doko lakanda nana. Panda akali porai dupwame nakamana porainya renge doko range lakanda nanako. Akali bange malu retenge dupwame nakamana bange dupwana lao range lakanda nanako.

Matyu 4:8

Dee Sataneme baa lanyuo yuu kyau kameya ketae mendena papala isa yuu dokona rara peparae au piyamopa kandena lao lasaka piya.

Taitesa 3:3

Wambo namwa range kopyali ingyuo kamba lao kopetame pyuo kareyama. Namwa yulu koo dupwana mona andanyi pyambuo kopyali yulu wakale wakale dupwa pipala dokona kendemande ingyuo kareyamako. Mendali koo keta palyalana kanda lyanolyano pipala wambu dupwa kando awa epekanda nayamano dokopa nakamame namwa kando awa epekanda nayamiyoko.

1 Pita 1:24

Baepolena lao dokopa, Wambu peparae makwa ingyuo kuku pyaraminde daa letamo. Jingi bui renge dupwa yuu gii mendasipa iki au pipala loo lenge kandale. Doko suu pyao wambu dupwa mee dokona mendeke ingyuo karaminyi pilyamo.