Jenesese 3:24 - Anatunya Buku Baepole Ole Testamene Pii Lapo dee Nuu Tesamene

²⁴ Pena lao ralinyi nembapala ee Etene dokona neta pyakaenge dorena letena renge palenge isa karenge dokona kata soo penge dokona aŋala serepimi lenge mendeme iso karena lao wua gela isareuliyapu nyingi mende paki palyuo paki palyuo pyuo karenge dokome iso karena laopiso piya.

Jenesese 3:24 ပူးပေါင်းရင်းမြစ်များ

Jenesese 3:23

Dokona lao Kamongo Anatumi ee dokona rekya lao nembeya. Nembo yuu nyepala wasiyamo dokonako baa range pyuo wara pyuo karena, leya.

Jenesese 4:1

Enakana Atame banya etenge Ipi lenge doko role paeyapala wane ingiyamopa wane Kene lao mandeya. Manjipala lao, Kamongome namba nyisipyamopa wane kando nyilyano, leya.

Jenesese 4:14

Epapu namba yuu kulisa doko kala puu lalyane. Namba papala dokopa embena lenge kambu dokona yalu pilya pyana pyuo kararo. Ralo yuu muu dupwana papirunu wambumi kandarami dokopa pyao kumakasarami, leya.

Samu 104:4

Porambaiye doko embena pii minyuo papingi ingyuo yuu pele dupwa embena kendemande ingyuo pingipya.

Samu 80:1

Isaraele Wambunya Iso Karenge embame namwana pii soo karape. Emba aŋala dupwana kyawa ingyuo karenge dokome

Nambase 22:23

Dokopa aŋala dokome kata dokona wua gela minyaro kareyamo mena donge dokome kandapala panya peyamo kata doko yaki nyuo ee yuu dokona peya. Peyamo dokopa Belameme mena donge doko pyaroko pyapala kapu kyuo kata dokona lanyuo epeya.

Jone 14:6

Yesumi baa lamaiyuo, Namba kata angi dokope kinyinya renge dokope letena renge dokope karo. Mendali namba keta epa nara ramo doko Anatu karamo dokona kando nyii nara.

Ipuru 1:7

Baa aŋala dupwa suu pyao dopa leya. Nambana aŋala dupwa porambaiye dopale ingyuo pena lao kendemande dupwa yulu poo rele lao pinya lao mairu, leya.

Josua 5:13

Josua baa yuu Jereko dokona repeta karo baame akali mende banya lenge kambu siyamo dorena wua gela minyaro kareyamo doko kandeya. Kandapala dokopa akali baa kareyamo dokona papala dopa lao piso soo, Emba namwana yanda singi dokona mendepe panda namwana yanda pimwaisi? leya.

1 Samyuele 4:4

Bokote ketae dokona aŋala lama wasisi petenge. Doko suu pyao Kamongo Porai Wakasa dokona kiŋinya isa petenge dopale ingingi. Dokona lao nakamame yuu Sailo dokona akali lapo papala. Kamongome bokote doko nyuo soo epeyaminyi dokopa Ilaina ikinyingi akali Opini Pineyasepa lenge dolapo role pyao epeyambi.